ವಿಶ್ವ ಟೂರ್ ಫೈನಲ್ಸ್: ಜಯದೊಂದಿಗೆ ಗುಡ್ಬೈ ಹೇಳಿದ ಸಿಂಧು!
ಸಾರಾಂಶ
ಪಿವಿ ಸಿಂಧು ವಿಶ್ವ ಟೂರ್ ಫೈನಲ್ಸ್ ಟೂರ್ನಿಂದ ಹೊರಬಿದ್ದಿದ್ದಾರೆ. ಆರಂಭಿಕ 2 ಪಂದ್ಯದಲ್ಲಿ ಸೋಲು ಕಂಡ ಸಿಂಧು, ಅಂತಿಮ ಪಂದ್ಯದಲ್ಲಿ ಗೆಲುವು ಸಾಧಿಸಿ ಟೂರ್ನಿಗೆ ಗುಡ್ ಬೈ ಹೇಳಿದ್ದಾರೆ.
ಗುವಾಂಗ್ಜು(ಡಿ.14): ಹಾಲಿ ಚಾಂಪಿಯನ್, ಭಾರತದ ಪಿ.ವಿ.ಸಿಂಧು ಗೆಲುವಿನೊಂದಿಗೆ ಬ್ಯಾಡ್ಮಿಂಟನ್ ವಿಶ್ವ ಟೂರ್ ಫೈನಲ್ಸ್ಗೆ ಗುಡ್ಬೈ ಹೇಳಿದ್ದಾರೆ. ಮೊದಲೆರಡು ಪಂದ್ಯಗಳಲ್ಲಿ ಸೋಲುಂಡು, ಸೆಮಿಫೈನಲ್ ರೇಸ್ನಿಂದ ಹೊರಬಿದ್ದಿದ್ದ ಸಿಂಧು, ಶುಕ್ರವಾರ ನಡೆದ ‘ಎ’ ಗುಂಪಿನ ಅಂತಿಮ ಪಂದ್ಯದಲ್ಲಿ ಚೀನಾದ ಹೇ ಬಿಂಗ್ ಜಿಯೋ ವಿರುದ್ಧ 21-19, 21-19 ನೇರ ಗೇಮ್ಗಳಲ್ಲಿ ಗೆಲುವು ಸಾಧಿಸಿದರು.
ಇದನ್ನೂ ಓದಿ: ಸೆಮೀಸ್ ರೇಸ್ನಿಂದ ಹೊರಬಿದ್ದ ಸಿಂಧು
ಮೊದಲ ಗೇಮ್ನಲ್ಲಿ 9-18ರಿಂದ ಹಿಂದಿದ್ದ ಸಿಂಧು, ಸತತವಾಗಿ 9 ಅಂಕ ಗಳಿಸಿ ಅತಿರೋಚಕವಾಗಿ ಗೇಮ್ ಗೆದ್ದುಕೊಂಡರು. ದ್ವಿತೀಯ ಗೇಮ್ನ ಬಿಡುವಿನ ವೇಳೆಗೆ 11-6ರಿಂದ ಮುಂದಿದ್ದ ಸಿಂಧು, ಪ್ರಬಲ ಪೈಪೋಟಿ ಎದುರಿಸಿದರು 2 ಅಂಕಗಳ ಅಂತರದಲ್ಲಿ ಗೇಮ್ ಗೆದ್ದು ಪಂದ್ಯ ತಮ್ಮದಾಗಿಸಿಕೊಂಡರು. ಇದರೊಂದಿಗೆ ಬಿಂಗ್ ಜಿಯೋ ವಿರುದ್ಧ ಸತತ 4ನೇ ಸೋಲು ತಪ್ಪಿಸಿಕೊಂಡರು. ಸಿಂಧು ಮುಂಬರುವ ಪ್ರೀಮಿಯರ್ ಬ್ಯಾಡ್ಮಿಂಟನ್ ಲೀಗ್ ಟೂರ್ನಿಯಲ್ಲಿ ಆಡಲಿದ್ದಾರೆ.
ಇದನ್ನೂ ಓದಿ: ವಿಶ್ವ ಟೂರ್ ಫೈನಲ್: ಸಿಂಧುಗೆ ಸೋಲು
ಸಿಂಧು ಮೊದಲ ಪಂದ್ಯದಲ್ಲಿ ಜಪಾನ್ನ ಅಕಾನೆ ಯಮಗುಚಿ ವಿರುದ್ದ 21-18, 18-21, 8-21 ಗೇಮ್ಗಳಲ್ಲಿ ಸೋಲು ಕಂಡಿದ್ದರು. 2ನೇ ಪಂದ್ಯದಲ್ಲಿ ಚೀನಾದ ಚೆನ್ ಯೂಫೀ ವಿರುದ್ಧ 22-60, 16-21, 12-21 ಗೇಮ್ಗಳ ಅಂತರದಲ್ಲಿ ಸೋಲು ಕಂಡಿದ್ದರು.
ಕ್ರಿಕೆಟ್ ಮತ್ತು ಕ್ರೀಡಾ ಜಗತ್ತಿನ (Sports News in Kannada) ಕ್ಷಣಕ್ಷಣದ ಕನ್ನಡ ಸುದ್ದಿ ಅಪ್ಡೇಟ್ಗಳಿಗಾಗಿ ಏಷ್ಯಾನೆಟ್ ಸುವರ್ಣ ನ್ಯೂಸ್ ಫಾಲೋ ಮಾಡಿ. IPL Live ಸೇರಿದಂತೆ ಟೀಂ ಇಂಡಿಯಾದ ಬ್ರೇಕಿಂಗ್ ಸುದ್ದಿ (Cricket News in Kannada), ವಿಶೇಷ ವರದಿಗಳು ಮತ್ತು ನೇರ ಪ್ರಸಾರಗಳೊಂದಿಗೆ ಸಂಪೂರ್ಣ ಮಾಹಿತಿ ನಿಮ್ಮ ಒಂದೇ ಕ್ಲಿಕ್ನಲ್ಲಿ ಲಭ್ಯ. ಏಷ್ಯಾನೆಟ್ ಸುವರ್ಣ ನ್ಯೂಸ್ ಅಧಿಕೃತ ಆ್ಯಪ್ ಡೌನ್ಲೋಡ್ ಮಾಡಿ ಹಾಗೂ ಎಲ್ಲಾ ಅಪ್ಡೇಟ್ ಗಳನ್ನು ಪಡೆಯಿರಿ.