ಕ್ಯಾಲಿಫೋರ್ನಿಯಾದಲ್ಲಿ ಶಿವಣ್ಣ ಸಂಕ್ರಾಂತಿ ಸಂಭ್ರಮ ಹೇಗಿತ್ತು?

ಹ್ಯಾಟ್ರಿಕ್ ಹೀರೋ ಶಿವರಾಜ್ ಕುಮಾರ್ ಎಂದರೆ ಕರ್ನಾಟಕ ಮಾತ್ರ ಅಲ್ಲ ಇಡೀ ಪ್ರಪಂಚದಾದ್ಯಂತ ದೊಡ್ಡ ಅಭಿಮಾನಿ ವೃಂದವೇ ಇದೆ. ಶಿವರಾಜ್ ಕುಮಾರ್ ಕ್ಯಾಲಿಫೋರ್ನಿಯಾದ ಹೈವಾರ್ಡ್‌ನಲ್ಲಿ ಕನ್ನಡಿಗರೊಂದಿಗೆ ಕಾಲ ಕಳೆದಿದ್ದಾರೆ.

ಹೈವಾರ್ಡ್‌[ಜ. 21]  ಸಮುದ್ರದ ಆಚೆಗಿನ ಕನ್ನಡಿಗರೊಂದಿಗೆ ಶಿವರಾಜ್‌ ಕುಮಾರ್ ತಮ್ಮ ನೆನಪುಗಳನ್ನು ಹಂಚಿಕೊಂಡರು. ಶಿವರಾಜ್‌ ಕುಮಾರ್ ಅವರನ್ನು ಆದರದಿಂದ ಸ್ವಾಗತಿಸಿದ ಅನಿವಾಸಿ ಕನ್ನಡಿಗರು ಶಿವಣ್ಣ ಮಾತಿಗೆ ಕಿವಿಯಾದರು.

ಕನ್ನಡಕೂಟದ ಸಂಕ್ರಾಂತಿ ಆಚರಣೆಯಲ್ಲಿ ಶಿವಣ್ಣ ಪಾಲ್ಗೊಂಡರು. ಜನವರಿ 19 ರಂದು ನಡೆದ ಹಬ್ಬದಲ್ಲಿ ಶಿವರಾಜ್ ಕುಮಾರ್ ಭಾಗವಹಿಸಿದ್ದರು. ಶಿವರಾಜ್ ಕುಮಾರ್ ಅವರೊಂದಿಗೆ ಮಕ್ಕಳು ಕಲೆತು ಸಂಭ್ರಮಿಸಿದರು.ಶಿವಣ್ಣ ಅವರೊಂದಿಗೆ ಕಳೆದ ಕ್ಷಣಗಳನ್ನು ಸುಬ್ಬು ಪದ್ಮನಾಭ್ ತಮ್ಮ ಫೇಸ್‌ಬುಕ್ ಖಾತೆಯಲ್ಲಿ ಹಂಚಿಕೊಂಡಿದ್ದಾರೆ. ನೀವು ಆ ಸಂಭ್ರಮದ ಪರಿ ನೋಡಿಕೊಂಡು ಬನ್ನಿ.