ಖರೀದಿ ನೆಪದಲ್ಲಿ ಬಂದು ಬಟ್ಟೆ ಕಳ್ಳತನ : 10 ಸಾವಿರ ಬೆಲೆ ಬಾಳುವ ಬಟ್ಟೆ ಎಗರಿಸಿದ್ರು

ಬೆಂಗಳೂರು(ಸೆ.25): ಅಂಗಡಿಗೆ ಖರೀದಿ ನೆಪದಲ್ಲಿ ಬಂದು ಕಳ್ಳತನ ಮಾಡುವವರ ಸಂಖ್ಯೆ ಹೆಚ್ಚಾಗಿದೆ. ಇಲ್ಲೂ ಆಗಿದ್ದೂ ಅದೇ. ಬೆಂಗಳೂರಿನ ಹೆಣ್ಣೂರು ಸಮೀಪದ ಕನ್ನೂರು ಸುಮುಖ ಫ್ಯಾಷಷನ್ಸ್​​​​ನಲ್ಲಿ ಬಟ್ಟೆ ತೆಗೆದುಕೊಳ್ಳುವ ನೆಪದಲ್ಲಿ ಇಬ್ಬರು ಖದೀಮರು 10 ಸಾವಿರ ಬೆಲೆ ಬಾಳುವ ಬಟ್ಟೆಗಳ ಕದ್ದು ಪರಾರಿಯಾಗಿದ್ದಾರೆ.

ಇವರ ಚಾಲಾಕಿ ಕೃತ್ಯ ಸಿಸಿಟಿವಿಯಲ್ಲಿ ಸೆರೆಯಾಗಿದೆ. ಮಲ್ಲಿಕಾರ್ಜುನ ಎನ್ನುವವರಿಗೆ ಸೇರಿದ ಅಂಗಡಿ ಇದಾಗಿದ್ದು, ಅಂಗಡಿಯಲ್ಲಿ ಸೇಲ್ಸ್ ಮೆನ್ ಒಬ್ಬನೇ ಇರುವಾಗ ಈ ಕೃತ್ಯ ನಡೆದಿದೆ. ಬಾಗಲೂರು  ಪೊಲೀಸ್ ಠಾಣೆಯಲ್ಲಿ ಈ ಪ್ರಕರಣ ದಾಖಲಾಗಿದೆ.