ದಿ. ಜಯಲಲಿತಾ ಖಾಸಗಿ ನಿವಾಸದ ಮೇಲೆ ಐಟಿ ದಾಳಿ

ಜಯಾ ಆಪ್ತಸಹಾಯಕನ ಕಚೇರಿ ಮೇಲೂ ಏಕಕಾಲದಲ್ಲಿ ಐಟಿ ದಾಳಿ ನಡೆಸಿ  ಮಹತ್ವದ ದಾಖಲೆಗಳನ್ನು ಐಟಿ ಅಧಿಕಾರಿಗಳು ಪರಿಶೀಲಿಸುತ್ತಿದ್ದಾರೆ

ಚೆನ್ನೈ(ನ.17): ತಮಿಳುನಾಡಿನ ಮುಖ್ಯಮಂತ್ರಿಯಾಗಿದ್ದ ಜಯಲಲಿತಾ ಖಾಸಗಿ ನಿವಾಸದ ಮೇಲೆ ಐಟಿ ದಾಳಿ ನಡೆದಿದೆ. ಇಂದು ಸಂಜೆ ಚೆನ್ನೈನಲ್ಲಿರುವ ಜಯಾ ಒಡೆತನ ನಿವಾಸ ಫೊಯಸ್​ ಗಾರ್ಡ್​ನ್ ಮೇಲೆ ಐಟಿ ದಾಳಿ ನಡೆಸಲಾಗಿದೆ. ಮೂರು ಸದಸ್ಯರ ತಂಡ ದಾಳಿ ನಡೆಸಿದ್ದು, ಜಯಾ ಸಿಕ್ರೆಟ್​ ರೂಮ್​ನಲ್ಲಿ ದಾಖಲೆ ಪರಿಶೀಲನೆ ನಡೆಸುತ್ತಿದೆ. ಅಲ್ಲದೇ ಜಯಾ ಸಂಬಂಧಿಕರ ಮನೆ, ಜಯಾ ಆಪ್ತಸಹಾಯಕನ ಕಚೇರಿ ಮೇಲೂ ಏಕಕಾಲದಲ್ಲಿ ಐಟಿ ದಾಳಿ ನಡೆಸಿ  ಮಹತ್ವದ ದಾಖಲೆಗಳನ್ನು ಐಟಿ ಅಧಿಕಾರಿಗಳು ಪರಿಶೀಲಿಸುತ್ತಿದ್ದಾರೆ. ಇಡೀ ರಾತ್ರಿ ದಾಖಲೆ ಪರಿಶೀಲನೆ ನಡೆಯಲಿದೆ ಎಂಬ ಮಾಹಿತಿಗಳು ದೊರೆತಿವೆ.