ದೇಶದ ಮೊದಲ ಸ್ಥಳೀಯ ಎಸಿ ರೈಲು ಲೋಕಾರ್ಪಣೆ
ಸಾರಾಂಶ
- ಮುಂಬಯಿನ ಬೋರಿವಲಿಯಿಂದ ಚರ್ಚ್ಗೇಟ್ವರೆಗೆ ಪ್ರಯಾಣ ಆರಂಭಿಸಿದ ಮೊದಲ ಎಸಿ ಸ್ಥಳೀಯ ರೈಲು, - ಪಶ್ಚಿಮ ರೈಲ್ವೇ ಆರಂಭಿಸಿದ ಹೊಸ ಸೇವೆ - ಮೊದಲ ಪ್ರಯಾಣವನ್ನು ಸಂಭ್ರಮಿಸಿದ ಪ್ರಯಾಣಿಕರು.
ಮುಂಬಯಿ: ದೇಶದ ಮೊದಲ ಸ್ಥಳೀಯ ಎಸಿ ರೈಲು ಸಂಚಾರ ಆರಂಭಿಸಿದ್ದು, ಇಲ್ಲಿನ ಬೋರಿವಲಿಯಿಂದ ಚರ್ಚ್ಗೇಟ್ವರೆಗೆ ಸಂಚರಿಸಲಿದೆ.
ಪಶ್ಚಿಮ ರೈಲ್ವೇ ಆರಂಭಿಸಿರುವ ಈ ರೈಲು ಸೇವೆಯ ಮೊದಲ ಸಂಚಾರದಲ್ಲಿ ಸೆಲ್ಫೀ ಕ್ಲಿಕ್ಕಿಸಿಕೊಳ್ಳುವ ಮೂಲಕ ಮೊದಲ ಪ್ರಯಾಣವನ್ನು ಪ್ರಯಾಮಿಕರು ಸಂಭ್ರಮಿಸಿದರು.
ಚೆನ್ನೈನಲ್ಲಿ ಅಭಿವೃದ್ಧಿಗೊಳಿಸಲಾದ ಈ ರೈಲಿಗೆ ಸುಮಾರು 54 ಕೋಟಿ ರೂ. ವೆಚ್ಚ ತಗುಲಿದ್ದು, 12 ಬೋಗಿಗಳನ್ನು ಅಳವಡಿಸಲಾಗಿದೆ. ಇದೀಗ ಆರು ಟ್ರಿಪ್ಗಳಲ್ಲಿ ಓಡುವ ಈ ರೈಲು, ಜನವರಿ 1, 2018ರಿಂದ ಚರ್ಚ್ಗೇಟ್ನಿಂದ ವಿರಾರ್ ನಿಲ್ದಾಣದವರೆಗೆ ಸಂಚರಿಸಲಿದೆ.
ಭಾರತೀಯ ರೈಲ್ವೆಯಿಂದ ಪ್ರಯಾಣಿಕರು ನಿರೀಕ್ಷಿಸುತ್ತಿರುವ ಬೇಡಿಕೆಗಳನ್ನು ಪೂರೈಸುವ ಅಂಗವಾಗಿ ಪಶ್ಚಿಮ ರೈಲ್ವೆ ಇಂಥದ್ದೊಂದು ವಿನೂತನ ಪ್ರಯೋಗಕ್ಕೆ ಮುಂದಾಗಿದ್ದು, ಇತರೆ ಬೇಡಿಕೆಗಳನ್ನು ಪೂರೈಸುವಲ್ಲಿ ಇಲಾಖೆ ಕಂಕಣಬದ್ಧವಾಗಿದೆ, ಎಂದು ರೈಲ್ವೆ ಪಿಆರ್ಒ ಹೇಳಿದ್ದಾರೆ.
ಕರ್ನಾಟಕ, ಭಾರತ (India News) ಮತ್ತು ಜಗತ್ತಿನ ಕ್ಷಣಕ್ಷಣದ ಕನ್ನಡ ಸುದ್ದಿ (Kannada News) ಅಪ್ಡೇಟ್ಗಳಿಗಾಗಿ ಏಷ್ಯಾನೆಟ್ ಸುವರ್ಣ ನ್ಯೂಸ್ ಫಾಲೋ ಮಾಡಿ. ಬ್ರೇಕಿಂಗ್ ಸುದ್ದಿ (Latest Kannada News), ವಿಶೇಷ ವರದಿಗಳು ಮತ್ತು ನೇರ ಪ್ರಸಾರಗಳೊಂದಿಗೆ (kannada news live) ಸಂಪೂರ್ಣ ಮಾಹಿತಿ ಒಂದೇ ಕ್ಲಿಕ್ನಲ್ಲಿ ಲಭ್ಯ. ಏಷ್ಯಾನೆಟ್ ಸುವರ್ಣ ನ್ಯೂಸ್ ಅಧಿಕೃತ ಆ್ಯಪ್ ಡೌನ್ಲೋಡ್ ಮಾಡಿ ಹಾಗು ಎಲ್ಲಾ ಅಪ್ಡೇಟ್ ಗಳನ್ನು ಪಡೆಯಿರಿ.