ನೋಟ್ರೆ-ಡೇಮ್ ಕ್ಯಾಥೆಡ್ರಲ್ ದುರಂತ: ಬೆಂಕಿಯ ಕೆನ್ನಾಲಿಗೆಯಲ್ಲಿ ಏಸು ಕ್ರಿಸ್ತ?
ಸಾರಾಂಶ
ಬೆಂಕಿ ಅವಘಡಕ್ಕೆ ಸುಟ್ಟು ಕರಕಲಾಗಿರುವ ಪ್ಯಾರಿಸ್ನ ನೋಟ್ರೆ-ಡೇಮ್ ಕ್ಯಾಥೆಡ್ರಲ್ ಚರ್ಚ್| ಬೆಂಕಿಯ ಕೆನ್ನಾಲಿಗೆ ಮಧ್ಯೆ ಭಗವಾನ್ ಏಸು ಕ್ರಿಸ್ತನ ಪ್ರತಿರೂಪ?| ಲೆಸ್ಲಿ ರೋವನ್ ಎಂಬುವವರು ಶೇರ್ ಮಾಡಿರುವ ಫೋಟೋ| ಭಾರೀ ಚರ್ಚೆಗೆ ಗ್ರಾಸವಾದ ಏಸು ಕ್ರಿಸ್ತನ ಪ್ರತಿರೂಪದ ಫೋಟೋ|
ಪ್ಯಾರಿಸ್(ಏ.18): ಭಾರೀ ಬೆಂಕಿ ಅವಘಡಕ್ಕೆ ಸುಟ್ಟು ಕರಕಲಾಗಿರುವ ಪ್ಯಾರಿಸ್ನ 850 ವರ್ಷಗಳ ಐತಿಹಾಸಿಕ ನೋಟ್ರೆ-ಡೇಮ್ ಕ್ಯಾಥೆಡ್ರಲ್ ಚರ್ಚ್ಗೆ ಸಂಬಂಧಿಸಿದಂತೆ ವಿಚಿತ್ರ ವಾದವೊಂದು ಹರಿದಾಡುತ್ತಿದೆ.
ಚರ್ಚ್ಗೆ ಬೆಂಕಿ ಬಿದ್ದ ಸಮಯದಲ್ಲಿ ಬೆಂಕಿಯ ಕೆನ್ನಾಲಿಗೆ ಮಧ್ಯೆ ಭಗವಾನ್ ಏಸು ಕ್ರಿಸ್ತನ ಪ್ರತಿರೂಪದ ದರ್ಶನವಾಗಿದೆ ಎಂಬ ಮಾತುಗಳು ಕೇಳಿ ಬರುತ್ತಿವೆ.
ಸ್ಕಾಟ್ಲ್ಯಾಂಡ್ನ ಅಲೆಕ್ಸಾಂಡ್ರಿಯಾದ ಲೆಸ್ಲಿ ರೋವನ್ ಎಂಬುವವರು ಈ ಕುರಿತಾದ ಫೋಟೋವೊಂದನ್ನು ಫೇಸ್ಬುಕ್ನಲ್ಲಿ ಶೇರ್ ಮಾಡಿದ್ದು, ಚಿತ್ರದಲ್ಲಿ ಬೆಂಕಿಯ ಕೆನ್ನಾಲಿಗೆ ಮಧ್ಯೆ ಏಸು ಕ್ರಿಸ್ತನ ಪ್ರತಿರೂಪ ಕಾಣಿಸಿದೆ.
ಈ ಚಿತ್ರ ಇದೀಗ ಸಾಮಾಜಿಕ ಜಾಲತಾಣದಲ್ಲಿ ಭಾರೀ ವೈರಲ್ ಆಗಿದ್ದು, ಕೆಲವರು ನಿಜಕ್ಕೂ ಅಲ್ಲಿರುವುದು ಏಸು ಕ್ರಿಸ್ತನೇ ಎಂದು ವಾದಿಸಿದರೆ ಮತ್ತೆ ಕೆಲವರು ಈ ವಾದವನ್ನು ಟೀಕಿಸಿದ್ದಾರೆ.
ಸದ್ಯ ಲೆಸ್ಲಿ ರೋವನ್ ಈ ಫೋಟೋವನ್ನು ಡಿಲೀಟ್ ಮಾಡಿದ್ದು, ಬೆಂಕಿಯ ಕೆನ್ನಾಲಿಗೆ ಮಧ್ಯೆ ಏಸು ಕ್ರಿಸ್ತ ನಿಜಕ್ಕೂ ಕಾಣಿಸಿಕೊಂಡನೇ ಎಂಬುದು ಭಾರೀ ಚರ್ಚೆಯ ವಿಷಯವಾಗಿದೆ.
ಕರ್ನಾಟಕ, ಭಾರತ (India News) ಮತ್ತು ಜಗತ್ತಿನ ಕ್ಷಣಕ್ಷಣದ ಕನ್ನಡ ಸುದ್ದಿ (Kannada News) ಅಪ್ಡೇಟ್ಗಳಿಗಾಗಿ ಏಷ್ಯಾನೆಟ್ ಸುವರ್ಣ ನ್ಯೂಸ್ ಫಾಲೋ ಮಾಡಿ. ಬ್ರೇಕಿಂಗ್ ಸುದ್ದಿ (Latest Kannada News), ವಿಶೇಷ ವರದಿಗಳು ಮತ್ತು ನೇರ ಪ್ರಸಾರಗಳೊಂದಿಗೆ (kannada news live) ಸಂಪೂರ್ಣ ಮಾಹಿತಿ ಒಂದೇ ಕ್ಲಿಕ್ನಲ್ಲಿ ಲಭ್ಯ. ಏಷ್ಯಾನೆಟ್ ಸುವರ್ಣ ನ್ಯೂಸ್ ಅಧಿಕೃತ ಆ್ಯಪ್ ಡೌನ್ಲೋಡ್ ಮಾಡಿ ಹಾಗು ಎಲ್ಲಾ ಅಪ್ಡೇಟ್ ಗಳನ್ನು ಪಡೆಯಿರಿ.