ಡಿವೋರ್ಸ್ ಪಡೆದ ಪೋಷಕರ ಮಕ್ಕಳ ಪರಿಸ್ಥಿತಿ ಬಗ್ಗೆ ನಟಿ ಕಾಜೋಲ್ ಹೇಳಿದ್ದೇನು? ರಿಯಲೀ ಹೊಸ ವಿಷಯ..!

ಕಾಜೋಲ್ ಪೇರೆಂಟಿಂಗ್ ಟಿಪ್ಸ್: ಬಾಲಿವುಡ್ ನಟಿ ಕಾಜೋಲ್ ಇತ್ತೀಚೆಗೆ ತಮ್ಮ ಪೋಷಕರಾದ ತನುಜಾ ಮತ್ತು ಶೋಮು ಮುಖರ್ಜಿ ಅವರ ಬೇರ್ಪಡುವಿಕೆ ಬಗ್ಗೆ ಭಾವುಕ ಹೇಳಿಕೆ ನೀಡಿದ್ದಾರೆ. ಪೋಷಕರು ಬೇರೆ ಆದ್ರೂ ನಮಗೆ ಅದರ ಅರಿವು ಆಗದ ಹಾಗೆ ನೋಡಿಕೊಂಡ್ರು ಅಂತ ಹೇಳಿದ್ದಾರೆ. 

ಕಾಜೋಲ್ ತಮ್ಮ 'ಮಾ' ಸಿನಿಮಾ ಬಗ್ಗೆ ಮಾತನಾಡುತ್ತಾ, ಪೋಷಕರ ವಿಚ್ಛೇದನ ಮತ್ತು ಸಹ-ಪಾಲನೆ ಬಗ್ಗೆ ಮಾತನಾಡಿದ್ದಾರೆ. ಈ ಚಿತ್ರದಲ್ಲಿ ಅವರು ತಮ್ಮ ಮಗಳನ್ನು ಉಳಿಸಲು ಏನು ಬೇಕಾದರೂ ಮಾಡುವ ಒಬ್ಬ ಪ್ರಬಲ ತಾಯಿಯ ಪಾತ್ರವನ್ನು ನಿರ್ವಹಿಸುತ್ತಿದ್ದಾರೆ. ಚಿತ್ರದ ಪ್ರಚಾರದ ಸಂದರ್ಭದಲ್ಲಿ ನೀಡಿದ ಸಂದರ್ಶನದಲ್ಲಿ, ತಮ್ಮ ಪೋಷಕರ ವಿಚ್ಛೇದನ ಮತ್ತು ಸಹ-ಪಾಲನೆ ಬಗ್ಗೆ ಮಾತನಾಡಿದ್ದಾರೆ. ಪೋಷಕರು ಒಟ್ಟಿಗೆ ಇಲ್ಲದಿದ್ದರೂ, ಆ ನಿರ್ಧಾರದ ನೋವು ಮಕ್ಕಳಿಗೆ ಅನುಭವಿಸಲು ಬಿಡಲಿಲ್ಲ ಎಂದು ಹೇಳಿದ್ದಾರೆ.

ಪೋಷಕರು ಬೇರೆ ಆದ್ರೂ, ಅದರ ಅರಿವು ನಮಗೆ ಆಗದ ಹಾಗೆ ನೋಡಿಕೊಂಡ್ರು. ಇಬ್ಬರೂ ಸೇರಿ ನನ್ನನ್ನ ಮತ್ತು ತನಿಷಾಳನ್ನ ಚೆನ್ನಾಗಿ ಸಾಕಿದ್ರು. ನಮ್ಮ ಒಳ್ಳೆಯದಕ್ಕಾಗಿ ಅವರು ಸರಿಯಾದ್ದನ್ನೇ ಮಾಡಿದ್ರು ಅಂತ ಕಾಜೋಲ್ ಹೇಳಿದ್ದಾರೆ.

ಸಹ-ಪಾಲನೆ ಅಂದ್ರೇನು?

ಸಹ-ಪಾಲನೆ ಅಂದರೆ ಪೋಷಕರು ತಮ್ಮ ಸಂಬಂಧ ಹೇಗಿದ್ದರೂ, ಮಕ್ಕಳ ವಿಷಯದಲ್ಲಿ ಒಟ್ಟಾಗಿ ಕೆಲಸ ಮಾಡುವುದು. ಮಕ್ಕಳಿಗೆ ಪೋಷಕರು ಬೇರೆ ಆಗಿದ್ದಾರೆ ಅನ್ನೋ ಭಾವನೆ ಬರದ ಹಾಗೆ ನೋಡಿಕೊಳ್ಳುವುದು.

ಸಹ-ಪಾಲನೆ ಹೇಗೆ?

ವಿಚ್ಛೇದನ ಪಡೆದ ಪೋಷಕರು ಮಕ್ಕಳ ಮೇಲೆ ತಮ್ಮ ವೈಮನಸ್ಸನ್ನು ತೋರಿಸಬಾರದು.

ಮಕ್ಕಳ ವಿದ್ಯಾಭ್ಯಾಸ, ಪಾಲನೆ ಮತ್ತು ಭಾವನಾತ್ಮಕ ಅಗತ್ಯಗಳಿಗೆ ಆದ್ಯತೆ ನೀಡಬೇಕು.

ಮಕ್ಕಳ ಮುಂದೆ ಪರಸ್ಪರ ಕೆಟ್ಟದಾಗಿ ಮಾತನಾಡಬಾರದು.

ಬೇರೆ ಬೇರೆ ಮನೆಯಲ್ಲಿದ್ದರೂ ಮಕ್ಕಳಿಗೆ ಪ್ರೀತಿ ಮತ್ತು ಸ್ಥಿರತೆ ನೀಡಬೇಕು.

ಶಾಲೆ ಅಥವಾ ಹವ್ಯಾಸಗಳ ಬಗ್ಗೆ ಇಬ್ಬರೂ ಪೋಷಕರು ಒಟ್ಟಾಗಿ ನಿರ್ಧಾರ ತೆಗೆದುಕೊಳ್ಳಬೇಕು.

ಮಕ್ಕಳಿಗೆ ಸಹ-ಪಾಲನೆಯ ಮಹತ್ವವೇನು?

ಪೋಷಕರು ಒಟ್ಟಿಗೆ ಇರೋದು ಮುಖ್ಯ ಅಲ್ಲ, ಮಕ್ಕಳಿಗೆ ಇಬ್ಬರ ಪ್ರೀತಿ ಮತ್ತು ಸಮಯ ಸಿಗೋದು ಮುಖ್ಯ ಅಂತ ಕಾಜೋಲ್ ಅನುಭವದಿಂದ ತಿಳಿದುಬರುತ್ತದೆ. ಅವರ ನಡುವೆ ಕೆಟ್ಟ ವಾತಾವರಣ ಇರಬಾರದು.

ಸಹ-ಪಾಲನೆ ಸರಿನಾ?

ಪೋಷಕರು ಪರಸ್ಪರ ಒಪ್ಪಿ ವಿಚ್ಛೇದನ ಪಡೆದು, ಅವರ ನಡುವೆ ಯಾವುದೇ ನಕಾರಾತ್ಮಕ ಮಾತುಕತೆ ಇಲ್ಲದಿದ್ದರೆ ಸಹ-ಪಾಲನೆ ಒಳ್ಳೆಯದು. ಮಕ್ಕಳಿಗೆ ಇಬ್ಬರ ಸಮಯ ಮತ್ತು ಪ್ರೀತಿ ಸಿಗುತ್ತದೆ. ಆದರೆ ನಿಮ್ಮ ಮಾಜಿ ಪಾಲುದಾರ ನಿಮ್ಮ ಜೊತೆ ಕೆಟ್ಟದಾಗಿ ವರ್ತಿಸಿದರೆ, ಮಕ್ಕಳಿಗೆ ಅದು ಒಳ್ಳೆಯದಲ್ಲ. ಮಕ್ಕಳ ಮಾನಸಿಕ ಸ್ಥಿತಿಯ ಮೇಲೆ ಪರಿಣಾಮ ಬೀರುತ್ತದೆ.