ಹಾಲಿವುಡ್‌ನಲ್ಲಿ ಮಿಂಚಿದ ಶ್ರುತಿ ಬೇಕಲ್ ಈಗ '69' ಮೂಲಕ ಸ್ಯಾಂಡಲ್‌ವುಡ್‌ಗೆ ಎಂಟ್ರಿ!

ಅಮೆರಿಕಾದಲ್ಲಿದ್ದಾಗಲೇ '69' ಚಿತ್ರದ ಕಥೆಯನ್ನು ಕೇಳಿದ ಶ್ರುತಿ, ಅದರ ವಿಶಿಷ್ಟ ಕಥಾಹಂದರ ಮತ್ತು ತಮ್ಮ ಪಾತ್ರದ ಪ್ರಾಮುಖ್ಯತೆಯಿಂದಾಗಿ ತಕ್ಷಣವೇ ಒಪ್ಪಿಕೊಂಡರು. ಈ ಚಿತ್ರವನ್ನು ಅಮೆರಿಕದಲ್ಲಿ ಟೆಕ್ಕಿಯಾಗಿರುವ ರಾಮ್ ನಿರ್ದೇಶಿಸಿದ್ದು. ಅವರು ಬಾಲಿವುಡ್ ನಟ ಹೃತಿಕ್ ರೋಶನ್ ಅಭಿಮಾನಿ ಎಂಬುದು ವಿಶೇಷ. 

ಹಾಲಿವುಡ್‌ನ ಕಿರುಚಿತ್ರವೊಂದರಲ್ಲಿ ತಮ್ಮ ನಟನಾ ಕೌಶಲ್ಯದಿಂದ ಗಮನ ಸೆಳೆದಿದ್ದ ಪ್ರತಿಭಾನ್ವಿತ ನಟಿ ಶ್ರುತಿ ಬೇಕಲ್ (Shruti Bekal) ಅವರು ಇದೀಗ ಕನ್ನಡ ಚಿತ್ರರಂಗಕ್ಕೆ ಹೆಜ್ಜೆ ಇಡಲು ಸಜ್ಜಾಗಿದ್ದಾರೆ. '69' ಎಂದು ಹೆಸರಿಡಲಾಗಿರುವ ಸೈಕಾಲಾಜಿಕಲ್ ಥ್ರಿಲ್ಲರ್ ಚಿತ್ರದ ಮೂಲಕ ಅವರು ಸ್ಯಾಂಡಲ್‌ವುಡ್‌ಗೆ ಚೊಚ್ಚಲ ಪ್ರವೇಶ ಮಾಡುತ್ತಿದ್ದು, ಈ ಚಿತ್ರದಲ್ಲಿ ಅವರು ಪ್ರಮುಖ ಪಾತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ.

ಹಾಲಿವುಡ್ ಅನುಭವ:
ಶ್ರುತಿ ಬೇಕಲ್ ಅವರು 'ದಿ ಲಾಸ್ಟ್ ರೋಡಿಯೋ (The Last Rodeo) ಎಂಬ ಹಾಲಿವುಡ್ ಕಿರುಚಿತ್ರದಲ್ಲಿ ಉತ್ತಮ ಪಾತ್ರವೊಂದನ್ನು ಈ ಶ್ರುತಿ ಬೇಕಲ್ ನಿರ್ವಹಿಸಿದ್ದಾರೆ. ಈ ಚಿತ್ರವು ಆಂತರಿಕ ಸಂಘರ್ಷಗಳಿಂದ ಬಳಲುವ ಯುವತಿಯೊಬ್ಬಳ ಕಥೆಯನ್ನು ಹೇಳುತ್ತದೆ. ಅಮೆರಿಕಾದ ಕ್ಯಾಲಿಫೋರ್ನಿಯಾದಲ್ಲಿ ಚಿತ್ರೀಕರಣಗೊಂಡ ಈ ಕಿರುಚಿತ್ರವು ಆನ್‌ಲೈನ್ ಆಡಿಷನ್ ಮೂಲಕ ಶ್ರುತಿ ಅವರಿಗೆ ಲಭಿಸಿತ್ತು. ಈ ಹಾಲಿವುಡ್ ಕಿರುಚಿತ್ರವು ಹಲವಾರು ಅಂತರರಾಷ್ಟ್ರೀಯ ಚಲನಚಿತ್ರೋತ್ಸವಗಳಲ್ಲಿ ಪ್ರದರ್ಶನಗೊಂಡು, ಶ್ರುತಿ ಅವರ ಅಭಿನಯಕ್ಕೆ ಉತ್ತಮ ಪ್ರತಿಕ್ರಿಯೆ ವ್ಯಕ್ತವಾಗಿತ್ತು. ಈ ಹಾಲಿವುಡ್ ಅನುಭವವು ಅವರಿಗೆ ಹೊಸ ದೃಷ್ಟಿಕೋನ ಮತ್ತು ಆತ್ಮವಿಶ್ವಾಸವನ್ನು ನೀಡಿದೆ ಎಂದು ಅವರು ಹೇಳಿಕೊಂಡಿದ್ದಾರೆ.

'69' ಚಿತ್ರದೊಂದಿಗೆ ಕನ್ನಡಕ್ಕೆ ಎಂಟ್ರಿ:
ಅಮೆರಿಕಾದಲ್ಲಿದ್ದಾಗಲೇ '69' ಚಿತ್ರದ ಕಥೆಯನ್ನು ಕೇಳಿದ ಶ್ರುತಿ, ಅದರ ವಿಶಿಷ್ಟ ಕಥಾಹಂದರ ಮತ್ತು ತಮ್ಮ ಪಾತ್ರದ ಪ್ರಾಮುಖ್ಯತೆಯಿಂದಾಗಿ ತಕ್ಷಣವೇ ಒಪ್ಪಿಕೊಂಡರು. ಈ ಚಿತ್ರವನ್ನು ಅಮೆರಿಕದಲ್ಲಿ ಟೆಕ್ಕಿಯಾಗಿರುವ ರಾಮ್ ನಿರ್ದೇಶಿಸಿದ್ದು. ಅವರು ಬಾಲಿವುಡ್ ನಟ ಹೃತಿಕ್ ರೋಶನ್ ಅಭಿಮಾನಿ ಎಂಬುದು ವಿಶೇಷ. ಈ ಚಿತ್ರವು ಹಾಸ್ಯ ಪ್ರಧಾನ ಚಿತ್ರವಾಗಿದ್ದು, ಆಗಿದೆ. ದಂಪತಿಯೊಂದು ತಮಗೆ ಅರಿವಿಲ್ಲದೇ ಟೈಮ್‌ ಲೂಪ್‌ನಲ್ಲಿ ಸಿಲುಕಿಕೊಂಡು, ಅದರಿಂದ ಹೊರಗೆ ಬರಲಾಗದೇ ಒದ್ದಾಡುವ ಕಥಾಹಂದರವನ್ನು ಈ ಸಿನಿಮಾ ಒಳಗೊಂಡಿದೆ. ಈ ಚಿತ್ರದಲ್ಲಿ ಶ್ರುತಿ ಯಾವ ಪಾತ್ರದಲ್ಲಿ ಕಾಣಿಸಿಕೊಳ್ಳಿದ್ದಾರೆ, ಅವರ ಪಾತ್ರದ ಆಳಲದ ಬಗ್ಗೆ ಇನ್ನಷ್ಟೇ ಮಾಹಿತಿ ಸಿಗಬೇಕಿದೆ. ಇದು ಚಿತ್ರದ ಮುಖ್ಯ ಪಾತ್ರಗಳಲ್ಲಿ ಒಂದಾಗಿದೆ ಎಂಬ ಮಾಹಿತಿ ಇದೆ. 

ಶ್ರುತಿ ಬೇಕಲ್ ಹಿನ್ನೆಲೆ:
ಮೂಲತಃ ಕನ್ನಡತಿ ಆಗಿರುವ ಶ್ರುತಿ ಬೇಕಲ್ ಅವರು ಹಾಲಿವುಡ್ ಸಿನಿಮಾ ಹಾಗೂ ಮಿಸಸ್ ಯುಎಸ್‌ಎ ಆಗಿ ಖ್ಯಾತಿ ಹೊಂದಿದ್ದಾರೆ. ಅಲ್ಲೇ ಅಮೆರಿಕಾದಲ್ಲಿ ಟೆಕ್ಕಿ ಆಗಿರುವ ರಾಮ್ ಅವರು ತಮ್ಮ 69 ಚಿತ್ರವನ್ನು ಅಲ್ಲಿನ ಹಲವು ಸುಂದರ ಪರಿಸರಗಳಲ್ಲಿ ಶೂಟಿಂಗ್ ಮಾಡಿದ್ದಾರೆ. ಆ ಚಿತ್ರವನ್ನು ನಟ ಹೃತಿಕ್ ರೋಶನ್ ಅವರಿಗೆ ತೋರಿಸಿ ಮೆಚ್ಚುಗೆ ಗಳಿಸಿದ್ದಾರೆ. ಇದೀಗ 69 ಚಿತ್ರವು ವಿದೇಶಗಳಲ್ಲಿ ಸದ್ದು ಮಾಡುತ್ತಿರುವುದರಿಂದ, ಆದಷ್ಟು ಬೇಗ ಈ ಚಿತ್ರವನ್ನು ಕನ್ನಡಕ್ಕೆ ಡಬ್ ಮಾಡಿ ತೋರಿಸುವ ಬಯಕೆ ಹೊಂದಿದ್ದಾರೆ. ಸದ್ಯವೇ ಅದು ಕಾರ್ಯರೂಪಕ್ಕೆ ಬರಲಿದೆ ಎನ್ನಲಾಗಿದೆ. 

ಭವಿಷ್ಯದ ಯೋಜನೆಗಳು:
ಶ್ರುತಿ ಬೇಕಲ್ ಅವರು ಕೇವಲ ಹಾಲಿವುಡ್ ಹಾಗೂ ಕನ್ನಡಕ್ಕೆ ಸೀಮಿತವಾಗದೆ, ದಕ್ಷಿಣ ಭಾರತದ ಇತರ ಭಾಷೆಗಳಲ್ಲಿ ಹಾಗೂ ಬಾಲಿವುಡ್‌ನಲ್ಲಿ ಕೂಡ ಅರ್ಥಪೂರ್ಣ ಪಾತ್ರಗಳನ್ನು ನಿರ್ವಹಿಸುವ ಇಚ್ಛೆ ಹೊಂದಿದ್ದಾರೆ. ಒಬ್ಬ ಬಹುಮುಖ ಪ್ರತಿಭೆ ಹಾಗೂ ಬಹುಭಾಷಾ ನಟಿಯಾಗಿ ಗುರುತಿಸಿಕೊಳ್ಳುವುದು ಅವರ ಗುರಿಯಾಗಿದೆ. 69 ಚಿತ್ರವು ತಮ್ಮ ವೃತ್ತಿಜೀವನಕ್ಕೆ ಕನ್ನಡದಲ್ಲಿ ಒಂದು ಉತ್ತಮ ಆರಂಭವನ್ನು ಒದಗಿಸುತ್ತದೆ ಎಂಬ ವಿಶ್ವಾಸ ಅವರಲ್ಲಿದೆ.

'69' ಚಿತ್ರದ ಚಿತ್ರೀಕರಣ ಸದ್ಯದಲ್ಲೇ ಪ್ರಾರಂಭವಾಗುವ ನಿರೀಕ್ಷೆಯಿದ್ದು, ಚಿತ್ರತಂಡವು ಪೂರ್ವ-ನಿರ್ಮಾಣ ಕಾರ್ಯಗಳಲ್ಲಿ ನಿರತವಾಗಿದೆ. ಹಾಲಿವುಡ್‌ನಲ್ಲಿ ತಮ್ಮ ಪ್ರತಿಭೆಯನ್ನು ಪ್ರದರ್ಶಿಸಿ, ಈಗ ಕನ್ನಡ ಚಿತ್ರರಂಗಕ್ಕೆ ಕಾಲಿಡುತ್ತಿರುವ ಶ್ರುತಿ ಬೇಕಲ್ ಅವರ ಸಿನಿ ಪಯಣ ಯಾವ ರೀತಿಯಲ್ಲಿ ಸಾಗುತ್ತಿದೆ ಎಂಬುದನ್ನು ಕಾದು ನೋಡಬೇಕಿದೆ. 

ಕನ್ನಡ ಚಿತ್ರರಂಗ ಹಾಗೂ ಹಾಲಿವುಡ್ ಚಿತ್ರರಂಗಕ್ಕೆ ಹೋಲಿಕೆ ಮಾಡಬೇಕು ಎಂದರೆ, ಹಾಲಿವುಡ್ ಚಿತ್ರಗಳು ಜಾಗತಿಕ ವಿಷಯಗಳನ್ನು ಒಳಗೊಂಡಿದ್ದರೆ ಇಲ್ಲಿನ ಚಿತ್ರಗಳ ಸ್ಥಳೀಯ ವಸ್ತುವಿಷಯಗಳನ್ನು ಹೊಂದಿರುತ್ತವೆ. ಇಲ್ಲಿನ ಬಜೆಟ್, ಸ್ಟಾರ್‌ಕಾಸ್ಟ್‌ ಎಲ್ಲವೂ ಸೀಮಿತವಾಗಿದ್ದರೆ ಅಲ್ಲಿ ಅದು ಸ್ವಲ್ಪ ಹೆಚ್ಚಿನ ಮಟ್ಟದಲ್ಲಿರುತ್ತದೆ. ಆದರೆ, ಸಿನಿಮಾದಲ್ಲಿ ನಟನೆ ಅಂತ ಬಂದರೆ, ಎಲ್ಲಾ ಕಡೆಯಲ್ಲೂ ಕೆಲಸದಲ್ಲಿ ಆಸಕ್ತಿ, ಶ್ರದ್ಧೆ ಹಾಗೂ ಪರಿಶ್ರಮ ಎಲ್ಲಾ ಕಡೆಯಲ್ಲಿಯೂ ಮ್ಯಾಟರ್ ಆಗುತ್ತವೆ' ಎಂದಿದ್ದಾರೆ ನಟಿ ಶ್ರುತಿ ಬೇಕಲ್.