*ಐಫೋನ್ 13 ಆಪಲ್ ಕಂಪನಿಯ ಅತಿ ಹೆಚ್ಚುಮಾರಟವಾಗುವ ಸ್ಮಾರ್ಟ್ಫೋನ್ ಆಗಿದೆ.
*ಆಪಲ್ ಕಂಪನಿಯು ಈಗ ಐಫೋನ್ 13 ಸ್ಮಾರ್ಟ್ಫೋನ್ ಅನ್ನು ಭಾರತದಲ್ಲೇ ಉತ್ಪಾದಿಸಲಿದೆ
*ಈಗಾಗಲೇ ಭಾರದಲ್ಲಿ ಐಫೋನ್ 12, ಐಫೋನ್ ಎಸ್ಇ ಸೇರಿ ಕೆಲವು ಉತ್ಪಾದನೆಯಾಗುತ್ತಿವೆ
ಐಫೋನ್ 13 (iPhone) ಸ್ಮಾರ್ಟ್ಫೋನ್ ಆಪಲ್ (Apple) ಅತಿ ಹೆಚ್ಚು ಮಾರಟವಾಗುವ ಫೋನ್ ಆಗಿರುವ ಗೊತ್ತಿರುವ ಸಂಗತಿಯೇ. ಈಗಿನ ಹೊಸ ಸುದ್ದಿ ಏನೆಂದರೆ, ಆಪಲ್ ಕಂಪನಿಯು ಈ ಐಫೋನ್ 13 ಸ್ಮಾರ್ಟ್ಫೋನ್ ಅನ್ನು ಭಾರತದಲ್ಲೇ ಉತ್ಪಾದಿಸಲು ಮುಂದಾಗಿದೆ. ಸೋಮವಾರದಿಂದಲೇ ಉತ್ಪಾದನೆ ಕೂಡ ಆರಂಭವಾಗಿದೆ. ಇದು ಜಾಗತಿಕ ಉತ್ಪಾದನಾ ಕೇಂದ್ರವಾಗುವ ಭಾರತದ ಗುರಿಗೆ ಗಮನಾರ್ಹ ಉತ್ತೇಜನವನ್ನು ನೀಡುತ್ತದೆ. ಕಂಪನಿಯು 2017 ರಲ್ಲಿ iPhone SE ಯೊಂದಿಗೆ ಭಾರತದಲ್ಲಿ ಐಫೋನ್‌ಗಳನ್ನು ಉತ್ಪಾದಿಸಲು ಪ್ರಾರಂಭಿಸಿತು. "ನಮ್ಮ ಸ್ಥಳೀಯ ಗ್ರಾಹಕರಿಗಾಗಿ ಭಾರತದಲ್ಲಿಯೇ ಐಫೋನ್ 13 (iPhone 13) ಉತ್ಪಾದನೆಯನ್ನು ಪ್ರಾರಂಭಿಸಲು ನಾವು ಸಂತೋಷಪಡುತ್ತೇವೆ, ಅದರ ಬಹುಕಾಂತೀಯ ವಿನ್ಯಾಸ, ಅದ್ಭುತ ಚಿತ್ರಗಳು ಮತ್ತು ವೀಡಿಯೊಗಳಿಗಾಗಿ ಉನ್ನತ ಕ್ಯಾಮೆರಾ ವ್ಯವಸ್ಥೆಗಳು ಮತ್ತು A15 ಬಯೋನಿಕ್ CPU ನ ಉತ್ತಮ ಕಾರ್ಯಕ್ಷಮತೆಯೊಂದಿಗೆ ಉತ್ಪಾದನೆ ಮಾಡಲಾಗುತ್ತಿದೆ" ಎಂದು ಆಪಲ್ ಹೇಳಿಕೆಯಲ್ಲಿ ತಿಳಿಸಿದೆ.
ಟೆಕ್ ದೈತ್ಯ ಕಂಪನಿ ಎನಿಸಿಕೊಂಡಿರುವ ಆಪಲ್ ತನ್ನ ಕೆಲವು ಅತ್ಯಾಧುನಿಕ ಐಫೋನ್‌ಗಳನ್ನು ಐಫೋನ್ 11, ಐಫೋನ್ 12 ಮತ್ತು ಈಗ ಐಫೋನ್ 13 ಸೇರಿದಂತೆ ಫಾಕ್ಸ್‌ಕಾನ್ (Foxconn) ಕೈಗಾರಿಕೆಯಲ್ಲಿ ತಯಾರಿಸುತ್ತದೆ, ಆದರೆ iPhone SE ಮತ್ತು iPhone 12 ಅನ್ನು ವಿಸ್ಟ್ರಾನ್ (Wistron) ಘಟಕದಲ್ಲಿ ತ್ಪಾದಿಸಲಾಗುತ್ತದೆ. ಉದ್ಯಮದ ಒಳಗಿನವರ ಮಾಹಿತಿಯ ಪ್ರಕಾರ, ಹೊಸ Apple iPhone 13 ಸರಣಿಯು ಗ್ರಾಹಕರ ಬಲವಾದ ಬಯಕೆ ಮತ್ತು ಐಷಾರಾಮಿ ಸ್ಮಾರ್ಟ್‌ಫೋನ್‌ಗಳಲ್ಲಿ ಹಣವನ್ನು ಖರ್ಚು ಮಾಡುವ ಇಚ್ಛೆಯಿಂದ ಪ್ರಯೋಜನ ಪಡೆದಿದೆ.
undefined
ಈ ವರ್ಷ ಅಗ್ಗದ M2 ಚಿಪ್‌ಸೆಟ್‌ನೊಂದಿಗೆ ಆಪಲ್ MackBook Air ಲಾಂಚ್?
CyberMedia Research (CMR) ಪ್ರಕಾರ, Apple iPhone ರಫ್ತು ಈ ವರ್ಷದ ಮೊದಲ ತ್ರೈಮಾಸಿಕದಲ್ಲಿ ವರ್ಷಕ್ಕೆ 20% ಕ್ಕಿಂತ ಹೆಚ್ಚು ಹೆಚ್ಚಾಗಬಹುದು, iPhone 13 ಸರಣಿಯು ಒಟ್ಟು iPhone ಸಾಗಣೆಯಲ್ಲಿ 17% ವರೆಗೆ ಇರುತ್ತದೆ. ಭಾರತದಲ್ಲಿರು ಗ್ರಾಹಕರು, ಜಗತ್ತಿನ ಇತರ ಪ್ರದೇಶದಲ್ಲಿರುವ ಜನರು ಕೂಡ ಅಮೆರಿಕದಲ್ಲಿರುವ ಗ್ರಾಹಕರೊಂದಿಗೆ ಏಕಕಾಲಕ್ಕೆ ಐಫೋನ್ 13 ಖರೀದಿಸಲು ಸಾಧ್ಯವಾಗುತ್ತಿದೆ. ಈ ರೀತಿಯಾಗುತ್ತಿರುವುದು ಇದೇ ಮೊದಲು.
ಸ್ಮಾರ್ಟ್ಫೋನ್ ಸುಧಾರಿತ 5G ಅನುಭವವನ್ನು ನೀಡುತ್ತದೆ, ಜೊತೆಗೆ A15 ಬಯೋನಿಕ್‌ನೊಂದಿಗೆ ಸೂಪರ್-ಫಾಸ್ಟ್ ವೇಗ ಮತ್ತು ಪವರ್ ದಕ್ಷತೆ, ದೀರ್ಘ ಬ್ಯಾಟರಿ ಬಾಳಿಕೆ, ಮತ್ತು ಯಾವುದೇ ಸ್ಮಾರ್ಟ್‌ಫೋನ್‌ಗಿಂತ ಗಟ್ಟಿಯಾದ ಸೆರಾಮಿಕ್ ಶೀಲ್ಡ್ ಮುಂಭಾಗದ ಕವರ್‌ನಿಂದಾಗಿ ಗಮನಾರ್ಹ ಬಾಳಿಕೆಯೊಂದಿಗೆ ಸುಂದರವಾದ ಫ್ಲಾಟ್-ಎಡ್ಜ್ ವಿನ್ಯಾಸವನ್ನು ನೀಡುತ್ತದೆ.
ಕಳೆದ ವರ್ಷ, ಆಪಲ್ ಭಾರತದಲ್ಲಿ ವೇಗವಾಗಿ ಬೆಳೆಯುತ್ತಿರುವ ಸ್ಮಾರ್ಟ್ಫೋನ್ ಬ್ರಾಂಡ್ಗಳಲ್ಲಿ ಒಂದಾಗಿ ಹೊರಹೊಮ್ಮಿತು, ಐಫೋನ್ ಮಾರಾಟವು ದಾಖಲೆಯ 108% ರಿಂದ 5 ಮಿಲಿಯನ್ ಸಾಧನಗಳಿಂದ ಹೆಚ್ಚುತ್ತಿದೆ, ಇದು ಮಾರುಕಟ್ಟೆಯ ಸುಮಾರು 4% ನಷ್ಟಿದೆ. ಪೆಗಾಟ್ರಾನ್ನಲ್ಲಿ ಐಫೋನ್ 13 ಮತ್ತು ಐಫೋನ್ 12 ಉತ್ಪಾದನೆಯೊಂದಿಗೆ, ಆಪಲ್ ಭಾರತದಲ್ಲಿ ಐಫೋನ್ ಮಾರಾಟದಲ್ಲಿ ತನ್ನ ಹಿಂದಿನ ದಾಖಲೆಯನ್ನು ಮುರಿಯಲಿದೆ ಎಂದು ತಜ್ಞರು ಭವಿಷ್ಯ ನುಡಿದಿದ್ದಾರೆ.
Zuck Bucks ಫೇಸ್‌ಬುಕ್‌ನ ಹೊಸ ವರ್ಚುವಲ್ ಕರೆನ್ಸಿ?
ಆಪಲ್ ಕಂಪನಿಯು ಜಗತ್ತಿನ ಪ್ರಮುಖ ಕಂಪನಿಯಾಗಿದ್ದು, ಸ್ಮಾರ್ಟ್ಫೋನ್ ಉತ್ಪಾದನೆಯಲ್ಲಿ ಮುಂಚೂಣಿಯಲ್ಲಿದೆ. ಅತ್ಯಾಧುನಿಕ ತಂತ್ರಜ್ಞಾನ ಮೂಲಕ ತನ್ನ ಸಾಧನಗಳನ್ನು ಸಿದ್ಧಪಡಿಸುವ ಆಪಲ್, ಮಾರುಕಟ್ಟೆಯಲ್ಲಿ ತನ್ನ ಪ್ರತಿಸ್ಪರ್ಧಿ ಕಂಪನಿಗಳಿಗಿಂತಲೂ ಮುಂದಿದೆ. ಸ್ಮಾರ್ಟ್ಫೋನ್, ಟ್ಯಾಬ್ಲೆಟ್, ಲ್ಯಾಪ್‌ಟ್ಯಾಪ್ ಸೇರಿದಂತೆ ಇನ್ನಿತರ ಸಾಧನಗಳ ತಯಾರಿಕೆಯಲ್ಲಿ ಆಪಲ್ ಕಂಪನಿಯು ಉತ್ಕೃಷ್ಟತೆಯನ್ನು ಮೆರೆಯುತ್ತದೆ. ಇದೇ ಕಾರಣಕ್ಕಾಗಿ ಆಪಲ್ ಕಂಪನಿಯ ಸಾಧನಗಳಿಗೆ ಜಗತ್ತಿನಾದ್ಯಂತ ಬಹುದೊಡ್ಡ ಗ್ರಾಹಕವಲಯವು ಸೃಷ್ಟಿಯಾಗಿದೆ. ಫೋನುಗಳು ಸ್ವಲ್ಪ ದುಬಾರಿ ಎನಿಸಿದರೂ ಅತ್ಯಾಧುನಿಕ ತಂತ್ರಜ್ಞಾನ ಬಳಕೆಯಿಂದಾಗಿ ಅವು ವಿಶಿಷ್ಟ ಅನುಭವವನ್ನು ನೀಡುತ್ತವೆ ಎಂಬುದನ್ನು ಮರೆಯಬಾರದು.