ಇಂದಿ​ನಿಂದ ಪ್ರಧಾನಿ ಮೋದಿ ಐತಿಹಾಸಿಕ ಅಮೆರಿಕ ಪ್ರವಾಸ: ಏನೇನು ಕಾರ್ಯಕ್ರಮ?

ಪ್ರಧಾನಿ ನರೇಂದ್ರ ಮೋದಿ ಮಂಗ​ಳ​ವಾ​ರ​ದಿಂದ 4 ದಿನ ಅಮೆರಿಕ ಮತ್ತು 2 ದಿನ ಈಜಿಪ್ಟ್‌ ಪ್ರವಾಸ ಕೈಗೊ​ಳ್ಳ​ಲಿ​ದ್ದಾ​ರೆ. ಇದು ಮೋದಿ ಅವರ ಐತಿ​ಹಾ​ಸಿಕ ಪ್ರವಾ​ಸ​ವಾ​ಗ​ಲಿದ್ದು, ಹಲವು ಪ್ರಥಮಗಳಿಗೆ ಸಾಕ್ಷಿ​ಯಾ​ಗ​ಲಿ​ದೆ.

ನವದೆಹಲಿ (ಜೂ.20): ಪ್ರಧಾನಿ ನರೇಂದ್ರ ಮೋದಿ ಮಂಗ​ಳ​ವಾ​ರ​ದಿಂದ 4 ದಿನ ಅಮೆರಿಕ ಮತ್ತು 2 ದಿನ ಈಜಿಪ್ಟ್‌ ಪ್ರವಾಸ ಕೈಗೊ​ಳ್ಳ​ಲಿ​ದ್ದಾ​ರೆ. ಇದು ಮೋದಿ ಅವರ ಐತಿ​ಹಾ​ಸಿಕ ಪ್ರವಾ​ಸ​ವಾ​ಗ​ಲಿದ್ದು, ಹಲವು ಪ್ರಥಮಗಳಿಗೆ ಸಾಕ್ಷಿ​ಯಾ​ಗ​ಲಿ​ದೆ. ಮೋದಿ ಅವರಿಗೆ ಅಮೆ​ರಿಕ ಸರ್ಕಾ​ರವೇ ಈ ಸಲ ಭೇಟಿಗೆ ಆಹ್ವಾನ ನೀಡಿದ್ದು, ಅಮೆ​ರಿ​ಕದ ಆಹ್ವಾ​ನಿ​ತ​ರಾಗಿ ಅಲ್ಲಿಗೆ ಭೇಟಿ ನೀಡು​ತ್ತಿ​ರುವ ಭಾರ​ತದ ಎರಡನೇ ಪ್ರಧಾನಿ ಎಂಬ ಹೆಗ್ಗ​ಳಿ​ಕೆಗೆ ಪಾತ್ರ​ರಾ​ಗ​ಲಿ​ದ್ದಾರೆ. ಜತೆಗೆ ಅಮೆ​ರಿಕ ಅಧ್ಯಕ್ಷ ಜೋ ಬೈಡೆನ್‌ ಅವ​ರಿಂದ ಆಹ್ವಾನ ಪಡೆದು ಅಮೆ​ರಿ​ಕಕ್ಕೆ ಭೇಟಿ ನೀಡು​ತ್ತಿ​ರುವ 3ನೇ ವಿಶ್ವ ನಾಯಕ ಎನ್ನಿ​ಸಿ​ಕೊ​ಳ್ಳ​ಲಿ​ದ್ದಾರೆ. 

ಇನ್ನೊಂದೆಡೆ ಅಮೆ​ರಿಕ ಸಂಸ​ತ್ತನ್ನು ಉದ್ದೇ​ಶಿಸಿ 2ನೇ ಸಲ ಭಾಷಣ ಮಾಡ​ಲಿ​ರುವ ಭಾರ​ತದ ಮೊದಲ ಪ್ರಧಾನಿ ಎಂಬ ಕೀರ್ತಿಗೂ ಮೋದಿ ಭಾಜ​ನ​ರಾ​ಗ​ಲಿ​ದ್ದಾ​ರೆ. ಇದು ಪ್ರಧಾ​ನಿ​ಯಾಗಿ ಮೋದಿ ಅಮೆ​ರಿ​ಕಕ್ಕೆ ನೀಡ​ಲಿ​ರುವ 7ನೇ ಭೇಟಿ ಆಗ​ಲಿ​ದೆ. ಈ ಹಿಂದೆ ಮನಮೋಹನ ಸಿಂಗ್‌ ಅವರು ಭಾರತದ ಪ್ರಧಾನಿಯಾಗಿದ್ದಾಗ ಅಮೆರಿಕದ ಆಹ್ವಾನ ಪಡೆದು ಅಧಿಕೃತ ಭೇಟಿ ನೀಡಿದ್ದರು. ಅಮೆರಿಕದ ಸಂಸತ್ತಿನಲ್ಲೂ ಅವರು ಒಂದು ಸಲ ಭಾಷಣ ಮಾಡಿದ್ದರು. ಅಮೆರಿಕದ ಭೇಟಿ ಬಳಿಕ ಪ್ರಧಾನಿ ಮೋದಿ ಈಜಿ​ಪ್ಟ್‌ಗೆ ಭೇಟಿ ನೀಡಲಿದ್ದು, ಆ ದೇಶಕ್ಕೆ ಭೇಟಿ ನೀಡುತ್ತಿರುವ ಭಾರ​ತದ ಮೊಟ್ಟ​ಮೊ​ದಲ ಪ್ರಧಾನಿ ಎಂಬ ಕಿರೀ​ಟವೂ ಮೋದಿ ಮುಡಿಗೆ ಏರ​ಲಿ​ದೆ. ಮೋದಿಯವರ ​ಅ​ಮೆ​ರಿಕ ಭೇಟಿ ವೇಳೆ ವಿವಿಧ ಕಾರ್ಯ​ಕ್ರಮಗ​ಳು ನಡೆ​ಯ​ಲಿದ್ದು, ರಕ್ಷಣಾ ಸಹ​ಕಾ​ರವೇ ಪ್ರಮುಖ ಕಾರ್ಯ​ಸೂ​ಚಿ ಆಗ​ಲಿದೆ ಎಂದು ಭಾರ​ತದ ವಿದೇ​ಶಾಂಗ ಸಚಿ​ವಾ​ಲಯ ಹೇಳಿ​ದೆ.

ಮೋದಿ ಪ್ರವಾ​ಸ​ದಲ್ಲಿ ಏನೇ​ನು?: ಜೂ.21ರಂದು ಅಮೆರಿಕದ ನ್ಯೂಯಾರ್ಕ್ಗೆ ಆಗಮಿಸಲಿರುವ ಪ್ರಧಾನಿ ಮೋದಿ ವಿಶ್ವಸಂಸ್ಥೆಯಲ್ಲಿ 9ನೇ ಅಂತರಾಷ್ಟ್ರೀಯ ಯೋಗ ದಿನಾಚರಣೆ ಕಾರ್ಯಕ್ರಮದಲ್ಲಿ ಭಾಗಿಯಾಗಲಿದ್ದಾರೆ. ಅವರಿಗೆ 180 ದೇಶಗಳ ಪ್ರಮುಖರು ಸಾಥ್‌ ನೀಡಲಿದ್ದಾರೆ. ಅಂದೇ ರಾತ್ರಿ ವಾಷಿಂಗ್ಟನ್‌ಗೆ ತೆರಳಲಿರುವ ಮೋದಿ ಅವರಿಗೆ ಅಮೆರಿಕ ಅಧ್ಯಕ್ಷ ಜೋ ಬೈಡೆನ್‌ ಮತ್ತು ಅವರ ಪತ್ನಿ ಜಿಲ್‌ ಆತ್ಮೀಯ ಔತಣ ಕೂಟ ಆಯೋಜಿಸಿದ್ದಾರೆ.

ಮಾರನೇ ದಿನ ಜೂ.22ರಂದು ಮೋದಿ ಅವರಿಗೆ ಅಮೆರಿಕ ಅಧ್ಯಕ್ಷರ ಪರವಾಗಿ ಸಾಂಪ್ರದಾಯಿಕ ಸ್ವಾಗತ ಕೋರಲಾಗುವುದು. ಜೊತೆಗೆ ಸರ್ಕಾರ ಕಡೆಯಿಂದ ಔತಣ ಕೂಟ ಆಯೋಜಿಸಲಾಗಿದೆ. ಅಂದು ಮೋದಿ ಅಮೆರಿಕ ಸಂಸತ್ತಿನ ಜಂಟಿ ಅಧಿವೇಶನ ಉದ್ದೇಶಿಸಿ ಮಾತನಾಡಲಿದ್ದಾರೆ. ಈ ಮೂಲಕ ಅಮೆ​ರಿಕ ಸಂಸ​ತ್ತಿ​ನಲ್ಲಿ ಮಾತ​ನಾ​ಡುವ ಭಾರ​ತ​ದ 2ನೇ ಪ್ರಧಾನಿ ಎನ್ನಿ​ಸಿ​ಕೊ​ಳ್ಳ​ಲಿ​ದ್ದಾ​ರೆ. ಜೂ.23ರಂದು ಮೋದಿ ಅವರಿಗೆ ಅಮೆರಿಕ ಉಪಾಧ್ಯಕ್ಷೆ ಕಮಲಾ ಹ್ಯಾರಿಸ್‌ ಔತಣ ಕೂಟ ಆಯೋಜಿಸಿದ್ದಾರೆ. ಅಂದು ಮೋದಿ ವಿವಿಧ ಕಂಪನಿಗಳ ಸಿಇಒಗಳು, ಉದ್ಯಮಿಗಳು, ಖ್ಯಾತನಾಮರನ್ನು ಭೇಟಿಯಾಗಲಿದ್ದಾರೆ. ಜೊತೆಗೆ ಭಾರತೀಯ ಸಮುದಾಯದವರನ್ನು ಉದ್ದೇಶಿಸಿ ಮಾತನಾಡಲಿದ್ದಾರೆ.

ಈಜಿಪ್ಟ್‌ಗೆ ಭಾರತದ ಪ್ರಧಾನಿ ಚೊಚ್ಚಲ ಭೇಟಿ: ಜೂ.24ರಂದು ಈಜಿಪ್ಟ್‌ಗೆ ಭೇಟಿ ನೀಡಲಿರುವ ಪ್ರಧಾನಿ ಮೋದಿ, ಈ ದೇಶಕ್ಕೆ ತೆರ​ಳು​ತ್ತಿ​ರುವ ಮೊದಲ ಭಾರ​ತದ ಪ್ರಧಾನಿ ಎನ್ನಿ​ಸಿ​ಕೊ​ಳ್ಳ​ಲಿ​ದ್ದಾರೆ. ಈ ವೇಳೆ ಅವರು ಅಲ್‌ ಹಕೀಮಿ ಮಸೀದಿಗೆ ಭೇಟಿ ನೀಡಲಿದ್ದಾರೆ. ಬಳಿಕ ಅಧ್ಯಕ್ಷ ಅಬ್ದೆಲ್‌ ಫತ್ತಾ ಎಲ್‌ ಸಿಸಿ ಅವರೊಂದಿಗೆ ದ್ವಿಪಕ್ಷೀಯ ಮಾತುಕತೆ ನಡೆಸಲಿದ್ದಾರೆ. 25ರಂದು ಭಾರ​ತಕ್ಕೆ ವಾಪ​ಸಾ​ಗ​ಲಿ​ದ್ದಾ​ರೆ.

ರಕ್ಷಣಾ ವಿಷಯ ಪ್ರಧಾ​ನ​: ಸೋಮವಾರ ಸುದ್ದಿ​ಗೋ​ಷ್ಠಿ​ಯಲ್ಲಿ ಈ ಬಗ್ಗೆ ಮಾತ​ನಾ​ಡಿದ ವಿದೇಶಾಂಗ ಸಚಿವಾಲಯದ ಕಾರ್ಯದರ್ಶಿ ವಿನಯ್‌ ಮೋಹನ್‌ ಕ್ವಾತ್ರಾ, ‘ರಕ್ಷಣಾ ಸಹ-ಉತ್ಪಾದನೆ ಮತ್ತು ಸಹ ಅಭಿವೃದ್ಧಿಯ ಕುರಿತ ಎಲ್ಲಾ ವಿಷಯಗಳು ಪ್ರಧಾನಿ ನರೇಂದ್ರ ಮೋದಿ ಮತ್ತು ಅಮೆರಿಕ ಅಧ್ಯಕ್ಷ ಜೋ ಬೈಡೆನ್‌ ಅವರ ನಡುವಿನ ಮಾತುಕತೆಯ ಪ್ರಮುಖ ಭಾಗವಾಗಿರಲಿದೆ. ದ್ವಿಪಕ್ಷೀಯ ರಕ್ಷಣಾ ಸಹಕಾರವನ್ನು ಪ್ರಮುಖವಾಗಿ ಚರ್ಚಿಸಲಾಗುವುದು. ವ್ಯಾಪಾರ ಮತ್ತು ಹೂಡಿಕೆಯಲ್ಲಿ ಸಹಕಾರವೂ ಚರ್ಚೆಯಲ್ಲಿ ಎರಡನೇ ಪ್ರಮುಖ ವಿಷಯವಾಗಿರಲಿದೆ. ಟೆಲಿಕಾಂ, ಬಾಹ್ಯಾಕಾಶ, ಉತ್ಪಾದನೆ ಮತ್ತು ಹೂಡಿಕೆ ಮೂರನೇ ಪ್ರಮುಖ ಚರ್ಚೆಯ ವಿಷಯವಾಗಿರಲಿದೆ’ ಎಂದರು.

ರಕ್ಷಣಾ ಸಹ​ಕಾರದ ವಿವ​ರ​ವನ್ನು ಕ್ವಾತ್ರಾ ನೀಡ​ಲಿ​ಲ್ಲ​ವಾ​ದರೂ ಅಮೆ​ರಿಕ ನಿರ್ಮಿತ ಡ್ರೋನ್‌ ಖರೀದಿ ಒಪ್ಪಂದಕ್ಕೆ ಈ ವೇಳೆ ಅಂಕಿತ ಬೀಳ​ಲಿದೆ. ಅಲ್ಲದೆ ಯುದ್ಧ​ವಿ​ಮಾನ ನಿರ್ಮಾಣ ತಂತ್ರ​ಜ್ಞಾನವನ್ನು (ಜೆಟ್‌ ಎಂಜಿನ್‌ ಟೆಕ್ನಾ​ಲ​ಜಿ) ಭಾರ​ತ​ದೊಂದಿಗೆ ಹಂಚಿ​ಕೊ​ಳ್ಳುವ ಒಪ್ಪಂದಕ್ಕೂ ಅಂಕಿತ ಬೀಳ​ಲಿ​ದೆ. ಇದು ಯುದ್ಧ​ವಿ​ಮಾನ ನಿರ್ಮಾ​ಣ​ದಲ್ಲಿ ಕ್ರಾಂತಿ​ಕಾ​ರ​ಕ​ವ​ಗ​ಬ​ಹು​ದು ಎಂದು ಹೇಳ​ಲಾ​ಗಿ​ದೆ.

ಏನೇನು ಕಾರ‍್ಯಕ್ರಮ?
- ಜೂ.21ರಂದು ಅಮೆರಿಕದ ನ್ಯೂಯಾರ್ಕ್ಗೆ ಮೋದಿ ಆಗಮನ
- ಅಂದೇ ವಿಶ್ವಸಂಸ್ಥೆಯಲ್ಲಿ 9ನೇ ಅಂ.ರಾ. ಯೋಗ ದಿನದಲ್ಲಿ ಭಾಗಿ
- ರಾತ್ರಿ ವಾಷಿಂಗ್ಟನ್‌ನಲ್ಲಿ ಮೋದಿಗೆ ಬೈಡೆನ್‌ ದಂಪತಿಯ ಔತಣ
- ಜೂ.22ರಂದು ಅಮೆರಿಕದ ಅಧ್ಯಕ್ಷರಿಂದ ಸಾಂಪ್ರದಾಯಿಕ ಸ್ವಾಗತ
- ಅದೇ ದಿನ ಪ್ರಧಾನಿಗೆ ಅಮೆರಿಕ ಸರ್ಕಾರದಿಂದ ಅಧಿಕೃತ ಔತಣ
- ಅಂದು ಅಮೆರಿಕದ ಜಂಟಿ ಸಂಸತ್ತನ್ನು ಉದ್ದೇಶಿಸಿ ಮೋದಿ ಭಾಷಣ
- ಜೂ.23ರಂದು ಅಮೆರಿಕ ಉಪಾಧ್ಯಕ್ಷೆ ಕಮಲಾ ಹ್ಯಾರಿಸ್‌ ಔತಣ
- ಅಂದು ವಿವಿಧ ಕಂಪನಿಗಳ ಸಿಇಒ, ಉದ್ಯಮಿಗಳ ಜತೆ ಮೋದಿ ಭೇಟಿ
- ಅದೇ ದಿನ ಭಾರತೀಯ ಸಮುದಾಯವನ್ನುದ್ದೇಶಿಸಿ ಮೋದಿ ಭಾಷಣ