ಲೂಧಿಯಾನದಲ್ಲಿ ಕಟ್ಟಡವೊಂದು ಹಠಾತ್ ಕುಸಿದಿದ್ದು ತಾಯಿ ಮತ್ತು ಮಗು ಪವಾಡಸದೃಶವಾಗಿ ಪಾರಾದ ಘಟನೆ ನಡೆದಿದೆ. ಸಿಸಿಟಿವಿ ದೃಶ್ಯಾವಳಿಗಳು ತಾಯಿ ತನ್ನ ಮಗುವನ್ನು ಎತ್ತಿಕೊಂಡು ಓಡುತ್ತಿರುವುದನ್ನು ತೋರಿಸುತ್ತವೆ.
ಲೂಧಿಯಾನ: ಕಟ್ಟಡವೊಂದು ಇದ್ದಕ್ಕಿದ್ದಂತೆ ಕುಸಿದು ಬೀಳಲು ಆರಂಭಿಸಿದ್ದು, ಈ ಅವಘಡದಲ್ಲಿ ಕೆಲ ಸೆಕೆಂಡ್‌ಗಳಲ್ಲಿ ತಾಯಿ ಮಗು ಇಬ್ಬರೂ ಪವಾಡ ಸದೃಶರಾಗಿ ಪಾರಾದ ಅಚ್ಚರಿಯ ಘಟನೆ ಪಂಜಾಬ್‌ನ ಲೂಧಿಯಾನಾದಲ್ಲಿ ನಡೆದಿದೆ. ನಾಲ್ಕು ಅಂತಸ್ಥಿನ ಕಟ್ಟಡವೊಂದು ಇದಕ್ಕಿದ್ದಂತೆ ಕುಸಿಯಲು ಶುರುವಾಗಿದ್ದು, ಈ ವೇಳೆ ತಾಯಿ ಹಾಗೂ ಮಗು ಹಾಗೂ ಇನ್ನು ಕೆಲವರು ಆ ಕಟ್ಟಡದ ಪಕ್ಕದಲ್ಲಿ ನಡೆದು ಹೋಗುತ್ತಿದ್ದರು. ಆದರೆ ಈ ಕಟ್ಟಡ ಬೀಳುತ್ತಿರುವುದರ ಅರಿವಾಗುತ್ತಿದ್ದಂತೆ ತಾಯಿ ಮಗುವನ್ನೆತ್ತಿಕೊಂಡು ಓಡಲು ಶುರು ಮಾಡಿದ್ದು, ಸಾವಿನ ದವಡೆಯಿಂದ ಕೆಲ ಕ್ಷಣದಲ್ಲಿ ಪಾರಾಗಿದ್ದಾರೆ. ಈ ಆಘಾತಕಾರಿ ದೃಶ್ಯ ಸಂಪೂರ್ಣವಾಗಿ ಸ್ಥಳೀಯ ಸಿಸಿ ಕ್ಯಾಮರಾದಲ್ಲಿ ಸೆರೆ ಆಗಿದ್ದು, ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.
'ಲೂಧಿಯಾನದ ಹಳೇ ಮಾರುಕಟ್ಟೆ ಬಳಿ ನಿನ್ನೆ ಈ ಘಟನೆ ನಡೆದಿದೆ. ಕುಸಿದ ಕಟ್ಟಡವೂ ಅಂದಾಜು 100 ವರ್ಷ ಹಳೆಯ ಕಟ್ಟಡವಾಗಿದ್ದು, ತಾಯಿಯೋರ್ವಳ ಸಮಯಪ್ರಜ್ಞೆಯಿಂದ ಅಮ್ಮ ಮಗು ಇಬ್ಬರು ಈ ದೊಡ್ಡ ಅನಾಹುತದಿಂದ ಪಾರಾಗಿದ್ದಾರೆ. ಈ ತಾಯಿ ಮಗುವಿನ ಜೊತೆ ಅಲ್ಲಿದ್ದ ಇನ್ನು ಕೆಲ ಯುವಕರು ಕಟ್ಟಡ ಬೀಳುತ್ತಿರುವುದನ್ನು ನೋಡಿ ಓಡುತ್ತಿರುವ ದೃಶ್ಯ ಕ್ಯಾಮರಾದಲ್ಲಿ ಸೆರೆ ಆಗಿದೆ. ವೈರಲ್ ಆಗಿರುವ ವೀಡಿಯೋದಲ್ಲಿ ಕಟ್ಟಡ ಅವಶೇಷಗಳು ಕುಸಿದು ಮಹಿಳೆ ಪಕ್ಕದಲ್ಲೇ ಬೀಳುತ್ತಿರುವುದನ್ನು ಕಾಣಬುದಾಗಿದೆ. ಈ ತಾಯಿ ಹಾಗೂ ಮಗುವಿಗೆ ಸಣ್ಣಪುಟ್ಟ ಗಾಯಗಳಾಗಿವೆ ಎಂದು ವರದಿಯಾಗಿದೆ. ಕಟ್ಟಡ ಕುಸಿಯುತ್ತಿದ್ದಂತೆ ತಾಯಿ ಮಗುವನ್ನೆತ್ತಿಕೊಂಡು ಓಡಿದರೂ ಆಕೆ ನಡುವೆ ಕುಸಿದು ಬಿದ್ದಿರುವುದು ವೀಡಿಯೋದಲ್ಲಿದೆ. ಆದರೆ ಅದೃಷ್ಟವಶಾತ್ ದೊಡ್ಡ ಅನಾಹುತದಿಂದ ಆಕೆ ಪಾರಾಗಿದ್ದಾಳೆ.
ಜಗನ್ನಾಥಯಾತ್ರೆ ವೇಳೆ ಅವಘಡ, ರಥಯಾತ್ರೆ ಸಾಗುತ್ತಿದ್ದಂತೆ ಕುಸಿದ ಕಟ್ಟಡ, ವಿಡಿಯೋ ವೈರಲ್!
ಈ ಕಟ್ಟಡವೂ ಶಿಥಿಲವಾದ ಸ್ಥಿತಿಯಲ್ಲಿದ್ದು, ಅನೇಕ ಬಾರಿ ಈ ಕಟ್ಟಡವನ್ನು ತೆರವುಗೊಳಿಸುವಂತೆ ಸ್ಥಳೀಯರು ಸ್ಥಳೀಯಾಡಳಿತ ಹಾಗೂ ಕಟ್ಟಡ ಮಾಲೀಕರಿಗೆ ದೂರು ನೀಡಿದ್ದರು. ಆದರೆ ಯಾವುದೇ ಪ್ರಯೋಜನವಾಗಿಲ್ಲ. ಆದರೆ ನಿನ್ನೆ ಈ ಕಟ್ಟಡ ಇದ್ದಕ್ಕಿದ್ದಂತೆ ಕುಸಿದು ಬಿದ್ದಿದೆ. ಈ ಅವಘಢದಲ್ಲಿ ಪಾರಾದವರನ್ನು ಖುಷಿ ಆರೋರಾ ಹಾಗೂ ಅವರ ಒಂದೂವರೆ ವರ್ಷದ ಮಗು ಎಂದು ಗುರುತಿಸಲಾಗಿದೆ. ಕೆಲ ಮೂಲಗಳ ಪ್ರಕಾರ ಕಟ್ಟಡದ ಅವಶೇಷಗಳ ಸಣ್ಣ ತುಂಡುಗಳು ಇವರ ಮೇಲೆ ಬಿದ್ದಿದ್ದು, ಇದರಿಂದ ಖುಷಿ ಹಾಗೂ ಮಗುವಿಗೆ ಸಣ್ಣಪುಟ್ಟ ಗಾಯಗಳಾಗಿವೆ ಎಂದು ತಿಳಿದು ಬಂದಿದೆ. ಕೂಡಲೇ ಅವರನ್ನು ಆಸ್ಪತ್ರೆಗೆ ದಾಖಲಿಸಿ ಚಿಕಿತ್ಸೆ ನೀಡಲಾಗಿದೆ.
के पुराने बाज़ार में गिरती इमारत के नीचे आने से महिला बाल-बाल बची.. पुराने बाज़ार में 100 साल पुरानी इमारत अचानक ढह गई.. जिसका CCTV video viral. pic.twitter.com/BQzvTnSrdW
— HAMARI AWAZ Aap tak (@hamariawaz_news)