ಚಲಿಸುತ್ತಿದ್ದ ರೈಲಿನಡಿಗೆ ಬಿದ್ದ ಇಬ್ಬರು ಪ್ರಯಾಣಿಕರ ರಕ್ಷಿಸಿದ RPF ಮಹಿಳಾ ಪೇದೆ!

ರೈಲು ಹತ್ತುವಾಗ ಹಾಗೂ ಇಳಿಯುವಾಗ ಎಚ್ಚರವಿರಬೇಕು ಅನ್ನೋ ಸೂಚನೆಯನ್ನು ಎಲ್ಲಾ ನಿಲ್ದಾಣಗಳಲ್ಲಿ ಕೇಳಬಹುದು. ಕಾರಣ ಕೆಲಸ ಸುಲಭವಾದರೂ ಅತ್ಯಂತ ಅಪಾಯ ಕೂಡ ಹೌದು. ಹೀಗೆ ಎಚ್ಚರ ತಪ್ಪಿದ್ದ ಇಬ್ಬರು ಪ್ರಯಾಣಿಕರು, ಚಲಿಸುತ್ತಿರುವ ರೈಲಿನಡಿಗೆ ಬಿದಿದ್ದಾರೆ. ಆದರೆ ಪ್ರಯಾಣಿಕರನ್ನು ಮಹಿಳಾ ಪೊಲೀಸ್ ಪೊಲೀಸ್ ಪೇದೆ ರಕ್ಷಿಸಿದ್ದಾರೆ

ಜಾರ್ಖಂಡ್(ಮಾ.21): ನಿಲ್ದಾಣದಿಂದ ರೈಲು ಚಲಿಸುತ್ತಿದೆ. ಈ ವೇಳೆ ಇಬ್ಬರು ಪ್ರಯಾಣಿಕರು ನಿಲ್ದಾಣ ಹಾಗೂ ರೈಲು ಹತ್ತುವಾಗ ಇರುವ ಅಂತರದೊಳಗೆ ಬಿದ್ದಿದ್ದಾರೆ. ಆದರೆ RPF ಮಹಿಳಾ ಪೇದೆ ತಕ್ಷಣ ಕಾರ್ಯಪ್ರವೃತ್ತರಾಗೋ ಮೂಲಕ ಇಬ್ಬರು ಪ್ರಯಾಣಿಕರನ್ನು ರಕ್ಷಿಸಿದ್ದಾರೆ. 

ಈ ಘಟನೆ ನಡೆದಿರುವುದು ಜಾರ್ಖಂಡ್‌ನ ಟಾಟಾನಗರ ರೈಲು ನಿಲ್ದಾಣದಲ್ಲಿ. ರೈಲು ಹಾಗು ನಿಲ್ದಾಣ ನಡುವಿನ ಅಂತರಕ್ಕೆ ಇಬ್ಬರು ಪ್ರಯಾಣಿಕರು ಕುಸಿದಿದ್ದಾರೆ. ಈ ವೇಳೆ ಇಬ್ಬರನ್ನು ಹಿಡಿದೆಳೆದ ಮಹಿಳಾ ಪೇದೆ ಪ್ರಾಣ ಉಳಿಸಿದ್ದಾರೆ. ಘಟನೆ ನೋಡಿದ ಮತ್ತೊರ್ವ ಮಹಿಳಾ ಪೇದೆ ಚಲಿಸುತ್ತಿರುವ ರೈಲಿನಿಂದ ಜಿಗಿದು ರಕ್ಷಣೆಗೆ ಧಾವಿಸಿದ್ದಾರೆ.

ಘಟನೆ ವಿವರ:

ಟಾಟಾ ನಗರ ರೈಲು ನಿಲ್ದಾಣದಲ್ಲಿ ರೈಲು ಚಲಿಸಲು ಆರಂಭಿಸಿದೆ. ಈ ವೇಳೆ ಇಳಿಯಲು ಪ್ರಯತ್ನಿದ ಮಹಿಳೆಗೆ ಕುಟಂಬಸ್ಥರು ಸಹಾಯ ಮಾಡಿದ್ದಾರೆ. ಆದರೆ ಇಬ್ಬರು ರೈಲು ಹಾಗೂ ನಿಲ್ದಾಣದ ಅಂತರದೊಳಕ್ಕೆ ಬಿದ್ದಿದ್ದಾರೆ. ಆದರೆ ಮಹಿಳಾ ಪೊಲೀಸ್ ಇಬ್ಬರನ್ನು ಹಿಡಿದೆಳೆದು ರಕ್ಷಿಸಿದ್ದಾರೆ.