ಕಾಶ್ಮೀರದಲ್ಲಿ 12.89 ಕಿ.ಮೀ. ಉದ್ದದ ರಕ್ಷಣಾ ಸುರಂಗವನ್ನು ನಿರ್ಮಾಣ ಮಾಡಲಾಗಿದ್ದು, ಇದು ದೇಶದ ಅತಿ ಉದ್ದದ ರೈಲ್ವೆ ಸುರಂಗ ಮಾರ್ಗ ಎನ್ನಲಾಗಿದೆ. ರಕ್ಷಣಾ ಕಾರ್ಯಾಚರಣೆಯ ವೇಳೆ ಇದರ ಬಳಕೆ ಮಾಡಲಾಗುತ್ತದೆ.
ಬನಿಹಾಲ್/ ಜಮ್ಮು (ಡಿ.16): ನಿರ್ಮಾಣ ಹಂತದಲ್ಲಿರುವ 111 ಕಿ.ಮೀ. ದೂರದ ಬನಿಹಾಲ್-ಕಟ್ರಾ ರೈಲ್ವೇ ಮಾರ್ಗದಲ್ಲಿ 12.89 ಕಿ.ಮೀ. ಉದ್ದದ ಸುರಂಗ ಮಾರ್ಗ ನಿರ್ಮಾಣವನ್ನು ಗುರುವಾರ ಯಶಸ್ವಿಯಾಗಿ ಪೂರ್ಣಗೊಳಿಸಲಾಗಿದೆ. ಇದು ಭಾರತದ ಅತಿ ಉದ್ದದ ರೈಲ್ವೇ ಸುರಂಗ ಎಂಬ ಖ್ಯಾತಿಗೆ ಪಾತ್ರವಾಗಿದೆ. ಇದೊಂದು ರಕ್ಷಣಾ ಸುರಂಗ ಮಾರ್ಗವಾಗಿದ್ದು, ತುರ್ತು ಸಂದರ್ಭಗಳಲ್ಲಿ ಬಳಸಲ್ಪಡುತ್ತದೆ. ಉದಮ್‌ಪುರ-ಶ್ರೀನಗರ-ಬಾರಾಮುಲ್ಲಾ ರೈಲ್ವೆ ಯೋಜನೆಯ ಭಾಗವಾಗಿರುವ ಈ ಮಾರ್ಗದಲ್ಲಿ ಈಗಾಗಲೇ ನಿರ್ಮಾಣ ಮಾಡಿರುವ 12.75 ಕಿ.ಮೀ. ಉದ್ದದ ಟಿ-49 ಸುರಂಗಕ್ಕೆ ಸಮಾನಾಂತರವಾಗಿ ಈ ರಕ್ಷಣಾ ಸುರಂಗ ಮಾರ್ಗವನ್ನು ನಿರ್ಮಾಣ ಮಾಡಲಾಗಿದೆ. ಇದು ಮುಖ್ಯ ಸುರಂಗ ಮಾರ್ಗಕ್ಕಿಂತಲೂ 140 ಮೀ. ಉದ್ದವಾಗಿದೆ. ನಿರಂತರವಾಗಿ ರೈಲು ಸಂಚರಿಸುವ ಟಿ-49 ಮಾರ್ಗದಲ್ಲಿ ಅಪಘಾತ ಅಥವಾ ತುರ್ತು ಸ್ಥಿತಿ ಉಂಟಾದರೆ ರಕ್ಷಣೆಗಾಗಿ ಈ ಮಾರ್ಗವನ್ನು ಬಳಕೆ ಮಾಡಲಾಗುತ್ತದೆ. ಈ 2 ಮಾರ್ಗಗಳ ನಡುವೆ 33 ಕಡೆ ದಾಟುವಂತಹ ಮಾರ್ಗಗಳನ್ನು ನಿರ್ಮಾಣ ಮಾಡಲಾಗಿದೆ. ವಿಶೇಷ ತಂತ್ರಜ್ಞಾನವನ್ನು ಬಳಕೆ ಮಾಡಿ ಕುದುರೆ ಲಾಳಾಕಾರದಲ್ಲಿ ಈ ಸುರಂಗವನ್ನು ನಿರ್ಮಾಣ ಮಾಡಲಾಗಿದೆ.
ಬರಲಿದೆ ಬೈಕ್‌ನಂತೆ ಬಾಗುವ ರೈಲು: 2025ಕ್ಕೆ ಟಿಲ್ಟಿಂಗ್ ರೈಲು ಆಗಮನ
ಭಾರತದ ಅತಿ ಉದ್ದದ ಎಸ್ಕೇಪ್ ಟನಲ್: ಯುಎಸ್‌ಬಿಆರ್‌ಎಲ್ ಯೋಜನೆಯಡಿಯಲ್ಲಿ ಕತ್ರಾದದ ಖಾರಿ ಮತ್ತು ಬನಿಹಾಲ್ ನಿಲ್ದಾಣಗಳ ನಡುವಿನ ಅತಿ ಉದ್ದದ ರೈಲು ಸುರಂಗ T-49 ಗಾಗಿ ಎಸ್ಕೇಪ್ ಟನಲ್ (12.89 ಕಿಮೀ) ನಿರ್ಮಾಣ ಕಾರ್ಯವು ಪ್ರಮುಖ ರಚನೆಯ ಕುರಿತು ಯಶಸ್ವಿಯಾಗಿ ಮಾತುಕತೆ ನಡೆಸಿದ ನಂತರ ಇಂದು ಪೂರ್ಣಗೊಂಡಿದೆ ಎಂದು ಕೆಲಸದಲ್ಲಿ ತೊಡಗಿರುವ ಹಿರಿಯ ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ. "ಇದು ಭಾರತದ ಅತ್ಯಂತ ಉದ್ದವಾದ ಎಸ್ಕೇಪ್ ಟನಲ್ ಆಗಿದೆ" ಎಂದು ಅಧಿಕಾರಿ ಹೇಳಿದ್ದಾರೆ.
ರೈಲಲ್ಲಿ ಈ ಮೂರು ವಸ್ತು ಕೊಂಡೊಯ್ದರೆ ಜೈಲು ಗ್ಯಾರಂಟಿ
ರಕ್ಷಣಾ ಸುರಂಗ ಮಾರ್ಗದ ವಿಶೇಷತೆಗಳು