India Latest News Live: ಸಾಲಕ್ಕೆ ಭಿಕ್ಷೆ ಬೇಡುವ ಪಾಕ್‌ 1 ವರ್ಷ IMFಬಾಸ್‌! ಪಟ್ಟಕ್ಕೇರಿದ್ರೂ ಪಾಕಿಸ್ತಾನಕ್ಕಿಲ್ಲ ಪವರ್

ನವದೆಹಲಿ: ಎಸ್‌ಐಆರ್‌ ವಿರುದ್ಧ ಕಾಕ್ರೋಚ್‌ ಜನತಾ ಪಕ್ಷವು ಪ್ರತಿಭಟನೆಯ ಕಹಳೆ ಮೊಳಗಿಸುತ್ತಿರುವ ನಡುವೆಯೇ ದೆಹಲಿಯಲ್ಲಿ ದಸರಾ ಅಂಗವಾಗಿ ರಾವಣನ ಜತೆ 30 ಅಡಿ ಜಿರಳೆ ದಹನಕ್ಕೂ ಸಿದ್ಧತೆ ನಡೆದಿದೆ. ಬಿಜೆಪಿ ಶಾಸಕ ಅಶೋಕ್ ಗೋಯಲ್ ನೇತೃತ್ವದ ಸಮಿತಿಯೊಂದು ಈ ಆಚರಣೆ ಮಾಡಲಿದೆ.

ದೆಹಲಿಯ ಪಿತಾಂಪುರದ ಶ್ರೀ ಕೇಶವ್ ರಾಮಲೀಲಾ ಸಮಿತಿಯು ಈ ವಿಭಿನ್ನ ಆಚರಣೆಗೆ ಮುಂದಾಗಿದೆ. ಇಲ್ಲಿನ ರಾಮಲೀಲಾ ಮೈದಾನದಲ್ಲಿ ರಾವಣ, ಕುಂಭಕರ್ಣ ಮತ್ತು ಮೇಘನಾದನ ಪ್ರತಿಕೃತಿಗಳ ಜೊತೆಗೆ ಜಿರಳೆಯ ಪ್ರತಿಕೃತಿಯೂ ದಹನವಾಗಲಿದೆ.

‘ ಜಿರಳೆ ಪ್ರತಿಕೃತಿಯನ್ನು ಕೊಳಕು ಮತ್ತು ಅಶುಚಿತ್ವದ ಸಂಕೇತವಾಗಿ ರೂಪಿಸಲಾಗಿದೆ. ಸ್ವಚ್ಛ ಭಾರತ ಮತ್ತು ಸ್ವಚ್ಛ ದೆಹಲಿ ಅಭಿಯಾನಕ್ಕೆ ಸಂದೇಶ ನೀಡುವ ಉದ್ದೇಶ ರಾವಣನ ಸೈನ್ಯದಲ್ಲಿರುವ ಅಸುರರ ಪೈಕಿ ಜಿರಳೆಯನ್ನೂ ಸೇರಿಸಲಾಗಿದೆ. ಇದರಲ್ಲಿ ಯಾವುದೇ ರಾಜಕೀಯವಿಲ್ಲ’ ಎಂದು ಅಶೋಕ್‌ ಸ್ಪಷ್ಟಪಡಿಸಿದ್ದಾರೆ.