* ದೇಶದಲ್ಲಿ ಮತ್ತೊಮ್ಮೆ ಕೊರೋನಾ ಅಲೆ ಅವಾಂತರ
* ಕೊರೋನಾ ಭೀತಿ ಮಧ್ಯೆ ಬಹಿರಂಗವಾಯ್ತು ಶಾಕಿಂಗ್ ನ್ಯೂಸ್
* 8 ಕೋಟಿ ಖರ್ಚು ಆದ್ರೂ ಬದುಕಲಿಲ್ಲ ರೈತ, 50 ಎಕರೆ ಜಮೀನು ಮಾರಾಟ
ಭೋಪಾಲ್(ಜ.13): ಕೋವಿಡ್ ಮಹಾಮಾರಿಯ ಮೂರನೇ ಅಲೆಯ ಭೀತಿಯ ನಡುವೆ, ಮಧ್ಯಪ್ರದೇಶದಿಂದ ಕೊರೋನಾದ ಅತ್ಯಂತ ನೋವಿನ ಮತ್ತು ಹೃದಯ ವಿದ್ರಾವಕ ಸುದ್ದಿ ಬೆಳಕಿಗೆ ಬಂದಿದೆ. ರೇವಾದ ಖ್ಯಾತ ರೈತ ಧರಂಜಯ್ ಸಿಂಗ್ (50) ಮಂಗಳವಾರ ರಾತ್ರಿ ಕೊರೋನಾದಿಂದ ಸಾವನ್ನಪ್ಪಿದ್ದಾರೆ. ದುಃಖದ ಸಂಗತಿಯೆಂದರೆ, ಅವರ ಚಿಕಿತ್ಸೆಗಾಗಿ ಅವರ ಕುಟುಂಬವು 8 ಕೋಟಿ ಖರ್ಚು ಮಾಡಿದೆ, ಹೀಗಿದ್ದರೂ ಅವರನ್ನು ಬದುಕಿಸಲು ಸಾಧ್ಯವಾಗಲಿಲ್ಲ. ಈ ಘಟನೆಯ ನಂತರ ಜಿಲ್ಲೆಯಾದ್ಯಂತ ಶೋಕ ಮಡುಗಟ್ಟಿದೆ.
ಲಂಡನ್ ವೈದ್ಯರು ಚಿಕಿತ್ಸೆಗೆ ಬರುತ್ತಿದ್ದರು
ವಾಸ್ತವವಾಗಿ, ಕಳೆದ ವರ್ಷ ಏಪ್ರಿಲ್ 2021 ರಲ್ಲಿ ರೈತ ಧರ್ಮಜಯ್ ಸಿಂಗ್ ಕೊರೋನಾ ಸೋಂಕಿಗೆ ಒಳಗಾದರು. ಆರಂಭದಲ್ಲಿ ಅವರನ್ನು ರೇವಾದ ಸಂಜಯ್ ಗಾಂಧಿ ಆಸ್ಪತ್ರೆಗೆ ದಾಖಲಿಸಲಾಗಿತ್ತು. ಅವರ ಸ್ಥಿತಿ ನಿರಂತರವಾಗಿ ಕ್ಷೀಣಿಸುತ್ತಿತ್ತು, ಆದ್ದರಿಂದ ಕುಟುಂಬ ಸದಸ್ಯರು ಅವರನ್ನು ವಿಮಾನದಲ್ಲಿ ಕರೆತಂದು ಚೆನ್ನೈನ ಅಪೋಲೋ ಆಸ್ಪತ್ರೆಗೆ ದಾಖಲಿಸಿದ್ದಾರೆ. ಅಲ್ಲಿ ಅವರು ಸುಮಾರು 254 ದಿನಗಳ ಕಾಲ ನಿರಂತರ ಚಿಕಿತ್ಸೆ ಪಡೆಯುತ್ತಿದ್ದರು. ಲಂಡನ್ ವೈದ್ಯರು ಆತನ ಚಿಕಿತ್ಸೆಗಾಗಿ ನಿಗಾ ಇರಿಸಿದ್ದರು. ಅವರನ್ನು ನೋಡಲು ಲಂಡನ್‌ನಿಂದ ಖ್ಯಾತ ವೈದ್ಯರು ಅಪೋಲೋ ಆಸ್ಪತ್ರೆಗೆ ಬರುತ್ತಿದ್ದರು. ಅವರನ್ನು ಎಕ್ಮೋ ಯಂತ್ರದಲ್ಲಿ ಹಾಕಲಾಗಿತ್ತು. ಅದೇ ಸಮಯದಲ್ಲಿ, ಅನೇಕ ವಿದೇಶಿ ವೈದ್ಯರು ಆನ್‌ಲೈನ್‌ನಲ್ಲಿ ಅವರ ಸ್ಥಿತಿಯ ಮೇಲೆ ಚಿಕಿತ್ಸೆಯನ್ನು ಶಿಫಾರಸು ಮಾಡುತ್ತಾರೆ.
ಚಿಕಿತ್ಸೆಗಾಗಿ 50 ಎಕರೆ ಜಮೀನು ಮಾರಿದ ಕುಟುಂಬಸ್ಥರು
ಸುಮಾರು ಒಂದು ವರ್ಷಗಳ ಕಾಲ ನಡೆದ ಚಿಕಿತ್ಸೆ ವೆಚ್ಚ ನಿಭಾಯಿಸಲು ಅವರ ಕುಟುಂಬವು 50 ಎಕರೆ ಭೂಮಿಯನ್ನು ಮಾರಾಟ ಮಾಡಿದೆ ಎಂಬುವುದು ಉಲ್ಲೇಖನೀಯ. ಏಕೆಂದರೆ ರೈತನ ಚಿಕಿತ್ಸೆಗೆ ಪ್ರತಿದಿನ 3 ಲಕ್ಷ ರೂ ಖರ್ಚಾಗುತ್ತಿತ್ತು. ಹೇಗಾದರೂ ಮನೆಯೊಡೆಯ ಸರಿಯಾಗಲಿ ಎಂದು ಎಲ್ಲರೂ ಬಯಸುತ್ತಿದ್ದರು. ಆದರೆ ಎಷ್ಟೇ ಪ್ರಯತ್ನ ಪಟ್ಟರೂ ಆತನ ಪ್ರಾಣ ಉಳಿಸಲಾಗಲಿಲ್ಲ. ಧರಂಜಯ್ ಸಿಂಗ್ ಅವರಿಗೆ 100 ಎಕರೆಗೂ ಹೆಚ್ಚು ಭೂಮಿ ಇತ್ತು. ಅವರೇ ಬದುಕದಿದ್ದರೆ ಈ ಭೂಮಿಯಿಂದ ಏನು ಪ್ರಯೋಜನ ಎಂದು ಮನೆಯವರು ಬಯಸಿದ್ದರು.
ಮಧ್ಯಪ್ರದೇಶ ಸರ್ಕಾರದಿಂದ ಸನ್ಮಾನ
ಧರ್ಮಜಯ್ ಸಿಂಗ್ ರೇವಾದಲ್ಲಿ ಮಾತ್ರವಲ್ಲದೆ ರಾಜ್ಯ ಮತ್ತು ದೇಶದ ಪ್ರಸಿದ್ಧ ರೈತರಾಗಿದ್ದರು. ಧರಂಜಯ್ ಸಿಂಗ್ ಅವರು ಸ್ಟ್ರಾಬೆರಿ ಕೃಷಿಗೆ ವಿಶಿಷ್ಟವಾಗಿ ಗುತರುತಿಸಿಕೊಂಡಿದ್ದರು ಹಾಗೂ ವಿಂಧ್ಯದಲ್ಲಿ ಗುಲಾಬಿ ಬೆಳೆದಿದ್ದರು. ಮುಖ್ಯಮಂತ್ರಿ ಶಿವರಾಜ್ ಸಿಂಗ್ ಚೌಹಾಣ್ ಅವರನ್ನು 26 ಜನವರಿ 2021 ರಂದು ಗೌರವಿಸಿದರು. ಅವರು ಕೃಷಿ ಜೊತೆಗೆ ಸಮಾಜ ಸೇವೆಗೆ ಹೆಸರಾಗಿದ್ದರು. ಅಷ್ಟೇ ಅಲ್ಲ, ಕೊರೋನಾ ಅವಧಿಯಲ್ಲಿ ಜನರ ಸೇವೆ ಮಾಡುವಾಗ ಅವರಿಗೆ ಸೋಂಕು ತಗುಲಿದೆ.
ನೋವಿನ ಕಥೆ ಹೇಳಿದ ಸಹೋದರ
ಈ ಬಗ್ಗೆ ಮಾಹಿತಿ ನೀಡಿದ ಧರ್ಮಜಯ್ ಅವರ ಹಿರಿಯ ಸಹೋದರ ಪ್ರದೀಪ್ ಸಿಂಗ್, ಅವರ ಸ್ಥಿತಿ ನಿರಂತರವಾಗಿ ಸುಧಾರಿಸುತ್ತಿದೆ ಎಂದು ಹೇಳಿದರು. ಆದರೆ ಒಂದು ವಾರದ ಹಿಂದೆ ಇದ್ದಕ್ಕಿದ್ದಂತೆ ಅವರ ಬಿಪಿ ಕಡಿಮೆಯಾಗಿತ್ತು. ಇದಾದ ಬಳಿಕ ವೈದ್ಯರು ಅವರನ್ನು ಐಸಿಯುಗೆ ದಾಖಲಿಸಿದ್ದಾರೆ. ಈ ಸಮಯದಲ್ಲಿ ಅವರಿಗೆ ಮೆದುಳಿನ ರಕ್ತಸ್ರಾವವನ್ನು ಹೊಂದಿದ್ದರು, ಇದರಿಂದಾಗಿ ಅವರಿಗೆ ವೆಂಟಿಲೇಟರ್ ಹಾಕಬೇಕಾಯಿತು. ಒಂದು ಕಾಲದಲ್ಲಿ ಸಂಪೂರ್ಣ ಗುಣಮುಖರಾಗಿದ್ದ ಅವರು ಈಗ ಜಗತ್ತಿಗೆ ವಿದಾಯ ಹೇಳಿದ್ದಾರೆ.