ಒಂಬತ್ತನೇ ತರಗತಿಯ ವಿದ್ಯಾರ್ಥಿಯೊಬ್ಬ ದೀರ್ಘಕಾಲದಿಂದ ಹೊಟ್ಟೆನೋವು ಮತ್ತು ಉಸಿರಾಟದ ತೊಂದರೆಯಿಂದ ಬಳಲುತ್ತಿದ್ದ. ಅಲ್ಟ್ರಾಸೌಂಡ್ ನಂತರ ವೈದ್ಯರು ಹುಡುಗನ ಹೊಟ್ಟೆಯಲ್ಲಿ ಗಡಿಯಾರದ ಬೆಲ್ಟ್, ಬ್ಲೇಡ್ ತುಂಡು, ಮೊಳೆ ಸೇರಿದಂತೆ ಸುಮಾರು 56 ಲೋಹದ ತುಂಡುಗಳನ್ನು ಕಂಡುಕೊಂಡರು. ಶಸ್ತ್ರಚಿಕಿತ್ಸೆಯ ನಂತರ ಆದಿತ್ಯ ಮೃತಪಟ್ಟ.
ಒಂಬತ್ತನೇ ತರಗತಿಯ ವಿದ್ಯಾರ್ಥಿಯೊಬ್ಬ ದೀರ್ಘಕಾಲದಿಂದ ಹೊಟ್ಟೆನೋವು ಮತ್ತು ಉಸಿರಾಟದ ತೊಂದರೆಯಿಂದ ಬಳಲುತ್ತಿದ್ದ. ಅಲ್ಟ್ರಾಸೌಂಡ್ ಗಾಗಿ ಹದಿನೈದು ವರ್ಷದ ಆದಿತ್ಯನನ್ನು ಆಸ್ಪತ್ರೆಗೆ ಕರೆದೊಯ್ದಾಗ ವೈದ್ಯರು ಆಶ್ಚರ್ಯಚಕಿತರಾದರು! ಏಕೆಂದರೆ, ವೈದ್ಯರು ಹುಡುಗನ ಹೊಟ್ಟೆಯಲ್ಲಿ ಗಡಿಯಾರದ ಬೆಲ್ಟ್, ಬ್ಲೇಡ್ ತುಂಡು, ಮೊಳೆ ಸೇರಿದಂತೆ ಸುಮಾರು 56 ಲೋಹದ ತುಂಡುಗಳನ್ನು ಕಂಡುಕೊಂಡರು. ಈ ಅಪರೂಪದ, ದುರಂತ ಘಟನೆ ಉತ್ತರ ಪ್ರದೇಶದ ಹಥ್ರಾಸ್ ಜಿಲ್ಲೆಯಲ್ಲಿ ನಡೆದಿದೆ.
ಹಥ್ರಾಸ್‌ನ ರತ್ನಗರ್ಭಾ ಕಾಲೋನಿಯ ನಿವಾಸಿ ಸಂಚೇತ್ ಶರ್ಮಾ ಅವರ ಪುತ್ರ ಇತ್ತೀಚೆಗೆ ಹೊಟ್ಟೆನೋವು ಮತ್ತು ಉಸಿರಾಟದ ತೊಂದರೆಯಿಂದ ಬಳಲುತ್ತಿದ್ದರು ಎಂದು ತಿಳಿದುಬಂದಿದೆ. ಅವರನ್ನು ಸ್ಥಳೀಯ ಖಾಸಗಿ ಆಸ್ಪತ್ರೆಗೆ ಚಿಕಿತ್ಸೆಗಾಗಿ ಕರೆದೊಯ್ಯಲಾಗಿದೆ ಎಂದು ಕುಟುಂಬ ಸದಸ್ಯರು ತಿಳಿಸಿದ್ದಾರೆ. ಆದರೆ, ಇಲ್ಲಿ ಹುಡುಗನ ಸ್ಥಿತಿ ಹದಗೆಟ್ಟಾಗ ವೈದ್ಯರ ಸಲಹೆಯ ಮೇರೆಗೆ ಅವರನ್ನು ಜೈಪುರದ ಎಸ್‌ಡಿಎಂಎಚ್ ಆಸ್ಪತ್ರೆಗೆ ಕರೆದೊಯ್ಯಲಾಯಿತು, ಅಲ್ಲಿ ಕೆಲವು ದಿನಗಳ ಚಿಕಿತ್ಸೆಯ ನಂತರ ಅವರನ್ನು ಮನೆಗೆ ಕಳುಹಿಸಲಾಯಿತು.
undefined
ಚಾಣಕ್ಯ ನೀತಿ: ಈ 5 ಗುಣಗಳಿದ್ರೆ ಕಷ್ಟದಲ್ಲೂ ಖಂಡಿತಾ ಸುಖವಿದೆ
ಆದರೆ, ಸಮಸ್ಯೆ ಮತ್ತೆ ಶುರುವಾದಾಗ ಅಕ್ಟೋಬರ್ 25 ರಂದು ಆ ಹುಡುಗನಿಗೆ ಮತ್ತೆ ಸಮಸ್ಯೆ ಶುರುವಾದಾಗ ಅವನನ್ನು ಖಾಸಗಿ ಆಸ್ಪತ್ರೆಗೆ ಕರೆದೊಯ್ಯಲಾಯಿತು. ವೈದ್ಯರು ಅವರ ಮೂಗಿನ ಸಿಟಿ ಸ್ಕ್ಯಾನ್‌ನಲ್ಲಿ ಒಂದು ಗಡ್ಡೆಯನ್ನು ಕಂಡುಕೊಂಡರು ಮತ್ತು ಶಸ್ತ್ರಚಿಕಿತ್ಸೆ ಮಾಡಿ ಅದನ್ನು ತೆಗೆದುಹಾಕಿದರು. ಆದರೆ, ಇದರ ನಂತರವೂ ಹೊಟ್ಟೆಯ ಸಮಸ್ಯೆ ಹಾಗೆಯೇ ಇತ್ತು. ದುರದೃಷ್ಟವಶಾತ್ ಶಸ್ತ್ರಚಿಕಿತ್ಸೆಯ ನಂತರದ ದಿನ ಆದಿತ್ಯ ಮೃತಪಟ್ಟ.
ಹುಡುಗನ ಕುಟುಂಬ ಸದಸ್ಯರು ಹೇಳುವಂತೆ, ಅಕ್ಟೋಬರ್ 26 ರಂದು ಆದಿತ್ಯನ ಹೊಟ್ಟೆಯ ಅಲ್ಟ್ರಾಸೌಂಡ್ ಅನ್ನು ಖಾಸಗಿ ಅಲ್ಟ್ರಾಸೌಂಡ್ ಕೇಂದ್ರದಲ್ಲಿ ಮಾಡಲಾಯಿತು ಮತ್ತು ಅಲ್ಲಿ 19 ಅಸಹಜ ಲೋಹದ ತುಂಡುಗಳು ಕಂಡುಬಂದವು. ಇದರ ನಂತರ ಇಲ್ಲಿನ ವೈದ್ಯರು ಆದಿತ್ಯನನ್ನು ನೋಯ್ಡಾದ ಖಾಸಗಿ ಆಸ್ಪತ್ರೆಗೆ ರೆಫರ್ ಮಾಡಿದರು. ನಂತರ ಅವರನ್ನು ಅಲ್ಲಿಗೆ ಕರೆದೊಯ್ಯಲಾಯಿತು.
ಚುನಾವಣಾ ತಂತ್ರ ರೂಪಿಸಲು ಪ್ರಶಾಂತ್ ಕಿಶೋರ್ ಫೀಸ್ ಪಡೆದಿದ್ದು ಬಹಿರಂಗ!
ಇಲ್ಲಿನ ಅಲ್ಟ್ರಾಸೌಂಡ್ ವರದಿಯು ಆದಿತ್ಯನ ಹೊಟ್ಟೆಯಲ್ಲಿ ಸುಮಾರು 56 ವಸ್ತುಗಳಿವೆ ಎಂದು ತೋರಿಸಿದೆ. ಅವರ ಕುಟುಂಬ ದೆಹಲಿಯ ಸಫ್ದರ್‌ಜಂಗ್ ಆಸ್ಪತ್ರೆಗೆ ಕರೆದೊಯ್ದಿತು, ಅಲ್ಲಿ ಅಲ್ಟ್ರಾಸೌಂಡ್ ಅದೇ ವರದಿಯನ್ನು ನೀಡಿತು. ನಂತರ ಅಕ್ಟೋಬರ್ 27 ರಂದು ಅವರಿಗೆ ಶಸ್ತ್ರಚಿಕಿತ್ಸೆ ಮಾಡಲಾಯಿತು. ಎಲ್ಲಾ ವಸ್ತುಗಳನ್ನು ತೆಗೆದು ಹಾಕಲಾಯಿತು ಮತ್ತು ಅವರ ಹೊಟ್ಟೆಯನ್ನು ಸಂಪೂರ್ಣವಾಗಿ ಸ್ವಚ್ಛಗೊಳಿಸಲಾಯಿತು. ಆದರೆ, ದುರದೃಷ್ಟವಶಾತ್, ಚಿಕಿತ್ಸೆಯ ನಂತರ ಅಕ್ಟೋಬರ್ 28 ರಂದು ರಾತ್ರಿ ಆದಿತ್ಯ ಮೃತಪಟ್ಟ.