ಅಭಿಮಾನಿಗಳ ಪರ ಸ್ಮಿತ್ ಕ್ಷಮೆ ಕೇಳಿದ ಕೊಹ್ಲಿ ಇವತ್ತು ಜಗಮೆಚ್ಚಿದ ಮಗ!

ಆಸೀಸ್ ಕ್ರಿಕೆಟಿಗ ಸ್ಟೀವ್ ಸ್ಮಿತ್‌ಗೆ ಚೀಟರ್ ಚೀಟರ್ ಎಂದು ಕರೆಯುತ್ತಿದ್ದ ಭಾರತೀಯ ಅಭಿಮಾನಿಗಳ ವರ್ತನೆ ಆಕ್ರೋಶ  ವ್ಯಕ್ತಪಡಿಸಿದ್ದ ಕೊಹ್ಲಿ, ಬಳಿಕ ಸ್ಮಿತ್ ಬಳಿ ಕ್ಷಮೆ ಕೇಳಿದ್ದರು. ಅಭಿಮಾನಿಗಳ ಪರವಾಗಿ ಕ್ಷಮೆ ಕೇಳಿದ ಕೊಹ್ಲಿ ನಡತೆ ಇದೀಗ ಎಲ್ಲರ ಮೆಚ್ಚುಗೆಗೆ ಪಾತ್ರವಾಗಿದೆ. ಕೊಹ್ಲಿ ನಡತೆ ಕುರಿತು ಟ್ವಿಟರಿಗರ ಪ್ರತಿಕ್ರಿಯೆ ಇಲ್ಲಿದೆ.

ಓವಲ್(ಜೂ.10): ವಿಶ್ವಕಪ್ ಟೂರ್ನಿಯಲ್ಲಿ ಟೀಂ ಇಂಡಿಯಾ ಸತತ 2ನೇ ಗೆಲುವು ಸಾಧಿಸಿ ಮುನ್ನುಗ್ಗುತ್ತಿದೆ. ಆಸ್ಟ್ರೇಲಿಯಾ ವಿರುದ್ಧ ಭಾರತ 36 ರನ್ ಗೆಲುವು ಸಾಧಿಸಿತು. ಬಾಲ್ ಟ್ಯಾಂಪರಿಂಗ್ ನಿಷೇಧದ ಬಳಿಕ ವಿಶ್ವಕಪ್ ಆಡುತ್ತಿರುವ ಸ್ಟೀವ್ ಸ್ಮಿತ್‌ಗೆ ಭಾರತೀಯ ಅಭಿಮಾನಿಗಳು ಅಣಕಿಸಿದ್ದರು.  ಇದಕ್ಕೆ ಗರಂ ಆದ ವಿರಾಟ್ ಕೊಹ್ಲಿ ತಕ್ಷಣವೇ ಅಭಿಮಾನಿಗಳಿಗೆ ಅಣಕಿಸದಂತೆ ಸೂಚನೆ ನೀಡಿದ್ದರು. ಇಷ್ಟೇ ಅಲ್ಲ ಅಭಿಮಾನಿಗಳ ಪರವಾಗಿ ವಿರಾಟ್ ಕೊಹ್ಲಿ, ಸ್ಮಿತ್ ಬಳಿ ಕ್ಷಮೇ ಕೇಳಿದ್ದಾರೆ. ಕೊಹ್ಲಿ ನಡತೆಗೆ ಎಲ್ಲರೂ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ. 

ವಿರಾಟ್ ಕೊಹ್ಲಿ ಕ್ರಿಕೆಟ್‌ನ ಜಂಟ್ಲಮೆನ್. ಕೊಹ್ಲಿ ನಡೆತ ಎಲ್ಲರಿಗೂ ಮಾದರಿ ಎಂದು ಸಾಮಾಜಿಕ ಜಾಲತಾಣದಲ್ಲಿ ಕ್ರಿಕೆಟ್ ದಿಗ್ಗಜರು, ಅಭಿಮಾನಿಗಳು ಪ್ರಶಂಸೆ ವ್ಯಕ್ತಪಡಿಸಿದ್ದಾರೆ.