World Cup
ವಿಶ್ವಕಪ್ ಟೂರ್ನಿಯ ಲೀಗ್ ಪಂದ್ಯಗಳಲ್ಲಿ ಅಫ್ಘಾನಿಸ್ತಾನಕ್ಕೆ ಗೆಲುವು ಸಿಗದಿದ್ದರೂ, ಅದ್ಬುತ ಪ್ರದರ್ಶನ ನೀಡಿ ಎಲ್ಲರ ಮೆಚ್ಚುಗೆಗೆ ಪಾತ್ರವಾಗಿದೆ. ಇದೀಗ 3ನೇ ಪಂದ್ಯದಲ್ಲಿ ತಿರುಗೇಟು ನೀಡಲು ಸಜ್ಜಾಗಿದ್ದ ಅಫ್ಘಾನ್ ತಂಡಕ್ಕೆ ಸಂಕಷ್ಟ ಎದುರಾಗಿದೆ.
ಟೌನ್‌ಟನ್(ಜೂ.07): ವಿಶ್ವಕಪ್ ಟೂರ್ನಿ ಆರಂಭಿಕ 2 ಪಂದ್ಯದಲ್ಲಿ ಮುಗ್ಗರಿಸಿರುವ ಆಫ್ಘಾನಿಸ್ತಾನ ಇದೀಗ 3ನೇ ಪಂದ್ಯಕ್ಕೆ ಸಜ್ಜಾಗಿದೆ. ನ್ಯೂಜಿಲೆಂಡ್ ವಿರುದ್ದದ ಪಂದ್ಯಕ್ಕೂ ಮುನ್ನ ಅಫ್ಘಾನಿಸ್ತಾನ ತಂಡಕ್ಕೆ ಆಘಾತ ಎದುರಾಗಿದೆ. ಕಿವೀಸ್ ಮಣಿಸಲು ಸಜ್ಜಾಗಿದ್ದ ಅಫ್ಘಾನಿಸ್ತಾನ ತಂಡಕ್ಕೆ ಇದೀಗ ಇಂಜುರಿ ಸಮಸ್ಯೆ ಕಾಡುತ್ತಿದೆ.
ಇದನ್ನೂ ಓದಿ: ಗೆಳತಿ ಜೊತೆ ತೆರಳಿದ ಮುಂಬೈ ಕ್ರಿಕೆಟಿಗನ ಕೊಲೆ!
ಅಫ್ಘಾನ್ ತಂಡದ ಸ್ಟಾರ್ ಕ್ರಿಕೆಟಿಗ ಮೊಹಮ್ಮದ್ ಶೆಹಝಾದ್ ಮೊಣಕಾಲು ನೋವಿನಿಂದ ಟೂರ್ನಿಯಿಂದ ಹೊರಬಿದಿದ್ದಾರೆ. ಶೆಹಝಾದ್‌ಗೆ ಹೆಚ್ಚಿನ ವಿಶ್ರಾಂತಿಯ ಅಗತ್ಯವಿದೆ ಎಂದು ವೈದ್ಯರು ಸೂಚಿಸಿದ್ದಾರೆ. ಹೀಗಾಗಿ ವಿಶ್ವಕಪ್ ಟೂರ್ನಿಯಿಂದಲೇ ಶೆಹಝಾದ್ ಹೊರಗುಳಿಯಲಿದ್ದಾರೆ.
ಇದನ್ನೂ ಓದಿ: ಭಾರತ-ನ್ಯೂಜಿಲೆಂಡ್ ದ್ವಿಪಕ್ಷೀಯ ಸರಣಿ ವೇಳಾಪಟ್ಟಿ ಪ್ರಕಟ!
ಶೆಹಝಾದ್ ಬದಲು ಅಫ್ಘಾನಿಸ್ತಾನ ಅಂಡರ್ 19 ತಂಡದ ಯುವ ಕ್ರಿಕೆಟಿಗ ಇಕ್ರಂ ಅಲಿ ಖಿಲ್‌ಗೆ ಬುಲಾವ್ ನೀಡಲಾಗಿದೆ. ಆದರೆ ಶೆಹಝಾದ್ ತಂಡದಿಂದ ಹೊರಬಿದ್ದಿರುವುದು ಅಫ್ಘಾನ್ ತಂಡದ ಆತಂಕ ಹೆಚ್ಚಿಸಿದೆ.