ವಾಸ್ತು ಪ್ರಕಾರ ಈ ವಸ್ತುಗಳನ್ನು ಗಿಫ್ಟ್ ನೀಡಿ, ಅದೃಷ್ಟ ನಿಮ್ಮದಾಗುತ್ತೆ!

ವಿಶೇಷ ಸಂದರ್ಭದಲ್ಲಿ ಗಿಫ್ಟ್ ನೀಡುವಾಗ, ಯಾವ ಉಡುಗೊರೆ ನೀಡೋದು ಬೆಸ್ಟ್ ಎಂದು ನಾವು ಯೋಚಿಸುತ್ತೇವೆ. ವಾಸ್ತು ಶಾಸ್ತ್ರದಲ್ಲಿ, ಅಂತಹ ಕೆಲವು ಉಡುಗೊರೆಗಳನ್ನು ಹೇಳಲಾಗಿದೆ, ಇದು ಮುಂದೆ ಇರುವ ವ್ಯಕ್ತಿಯನ್ನು ಸಂತೋಷಪಡಿಸುತ್ತೆ. ಜೊತೆಗೆ, ಯಶಸ್ಸಿನ ಮಾರ್ಗವೂ ಅವನಿಗೆ ತೆರೆದುಕೊಳ್ಳುತ್ತೆ.

ಪ್ರೀತಿಪಾತ್ರರಿಗೆ ಅವರ ಮದುವೆ, ಜನ್ಮದಿನ ಇತ್ಯಾದಿಗಳಲ್ಲಿ ಗಿಫ್ಟ್ (Gift) ನೀಡಲಾಗುತ್ತೆ. ಉಡುಗೊರೆಯನ್ನು ನೀಡುವಾಗ, ನಾವು ನೀಡುವ ಗಿಫ್ಟ್ ಆ ವ್ಯಕ್ತಿ ಇಷ್ಟಪಡಬೇಕು ಎಂದು ಖಚಿತಪಡಿಸಿಕೊಳ್ಳಲು ನಾವು ಪ್ರಯತ್ನಿಸುತ್ತೇವೆ. ಹಾಗೆಯೇ ಅದು ಅವರ ಅಗತ್ಯಗಳಿಗೆ ಅನುಗುಣವಾಗಿರಬೇಕು. ಆದರೆ ವಾಸ್ತು ಶಾಸ್ತ್ರದಲ್ಲಿ, ಕೆಲವು ವಸ್ತುಗಳು ಗಿಫ್ಟ್  ಸ್ವೀಕರಿಸುವ ವ್ಯಕ್ತಿಯ ಅದೃಷ್ಟವನ್ನು ಹೆಚ್ಚಿಸುತ್ತೆ ಎಂಬುದರ ಬಗ್ಗೆ ಹೇಳಲಾಗಿದೆ ಎಂದು ನಿಮಗೆ ತಿಳಿದಿದ್ಯಾ.

ಯಾವುದನ್ನು ಗಿಫ್ಟ್ ಆಗಿ ಕೊಡಬಹುದು?
ಅನೇಕ ಜನರು ದೇವರು ಮತ್ತು ದೇವತೆಗಳ ವಿಗ್ರಹ(Idol) ಅಥವಾ ಚಿತ್ರಗಳನ್ನು ಉಡುಗೊರೆಯಾಗಿ ನೀಡುತ್ತಾರೆ. ಗಣೇಶನ ಚಿತ್ರವನ್ನು ಉಡುಗೊರೆಯಾಗಿ ನೀಡೋದು ತುಂಬಾ ಮಂಗಳಕರವೆಂದು ಪರಿಗಣಿಸಲಾಗಿದೆ. ಗಣೇಶನು ಉಡುಗೊರೆಯನ್ನು ಸ್ವೀಕರಿಸುವ ವ್ಯಕ್ತಿಯ ಎಲ್ಲಾ ದುಃಖಗಳನ್ನು ಹೋಗಲಾಡಿಸುತ್ತಾನೆ. ಮತ್ತು ಅವನ ಮನೆಯಲ್ಲಿ ಶಾಂತಿ ಮತ್ತು ಸಂತೋಷ ಹೆಚ್ಚಿಸುತ್ತಾನೆ ಎಂಬ ನಂಬಿಕೆ ಇದೆ.

ಈ ಪ್ರಾಣಿಯ ಪ್ರತಿಮೆಯನ್ನು ಉಡುಗೊರೆಯಾಗಿ ನೀಡಿ  
ಆನೆಯನ್ನು ಗಣೇಶನ ರೂಪವೆಂದು ಪರಿಗಣಿಸಲಾಗಿದೆ. ಆದ್ದರಿಂದ, ಆನೆ(Elephant) ವಿಗ್ರಹವನ್ನು ಉಡುಗೊರೆಯಾಗಿ ನೀಡೋದು ತುಂಬಾ ಮಂಗಳಕರವೆಂದು ಪರಿಗಣಿಸಲಾಗಿದೆ. ಆದರೆ ಈ ಪ್ರತಿಮೆಯು ಬೆಳ್ಳಿ, ಹಿತ್ತಾಳೆ ಅಥವಾ ಮರದಿಂದ ಮಾಡಲ್ಪಟ್ಟಿರಬೇಕು ಎಂಬುದನ್ನು ನೆನಪಿನಲ್ಲಿಡಿ. ಅಲ್ಲದೆ, ಆನೆ ಜೋಡಿಯನ್ನು ನೀಡುವುದು ವ್ಯಕ್ತಿಯ ಅದೃಷ್ಟವನ್ನು ಹೆಚ್ಚಿಸುತ್ತೆ.

ಯಾವ ಲೋಹ ಮಂಗಳಕರ?
ವಾಸ್ತು ಶಾಸ್ತ್ರದಲ್ಲಿ ಬೆಳ್ಳಿಯನ್ನು ಬಹಳ ಮಂಗಳಕರ ಲೋಹವೆಂದು ಪರಿಗಣಿಸಲಾಗಿದೆ. ಅಲ್ಲದೆ, ಬೆಳ್ಳಿಯು ತಾಯಿ ಲಕ್ಷ್ಮಿಗೆ (Goddess Lakshmi)ಸಂಬಂಧಿಸಿದೆ ಎಂದು ನಂಬಲಾಗಿದೆ. ಬೆಳ್ಳಿಯ ನಾಣ್ಯಗಳು ಮುಂತಾದ ಬೆಳ್ಳಿಯಿಂದ ಮಾಡಿದ ವಸ್ತುಗಳನ್ನು ಉಡುಗೊರೆಯಾಗಿ ನೀಡುವ ಮೂಲಕ, ಮಾತಾ ಲಕ್ಷ್ಮಿಯ ಆಶೀರ್ವಾದವು ಉಡುಗೊರೆಯನ್ನು ಸ್ವೀಕರಿಸುವ ವ್ಯಕ್ತಿಯ ಮೇಲೆ ಉಳಿಯುತ್ತೆ.

ಈ ಫೋಟೋ ಅತ್ಯುತ್ತಮ ಉಡುಗೊರೆಯಾಗಿದೆ.
ವಾಸ್ತು ಶಾಸ್ತ್ರದ ಪ್ರಕಾರ, ಏಳು ಓಡುವ ಕುದುರೆಗಳ(Seven running horse) ಚಿತ್ರವು ವ್ಯಕ್ತಿಯ ಅದೃಷ್ಟವನ್ನು ಬೆಳಗಿಸುತ್ತೆ. ಆದ್ದರಿಂದ ನೀವು ಈ ಚಿತ್ರವನ್ನು ಉಡುಗೊರೆಯಾಗಿ ನೀಡಬಹುದು. ಇದಲ್ಲದೆ, ನೀವು ಜೇಡಿಮಣ್ಣಿನ ಷೋ ಪೀಸ್ ಗಳನ್ನು ಉಡುಗೊರೆಯಾಗಿ ನೀಡಬಹುದು. ಇದು ಸ್ಥಗಿತಗೊಂಡ ಹಣವನ್ನು ಮರಳಿ ಬರುವಂತೆ ಮಾಡುತ್ತೆ.

ಪುಟ್ಟ ನೀರಿನ ಕಾರಂಜಿ (Fountain)
ಹರಿಯುವ ನೀರು ವಾಸ್ತು ಶಾಸ್ತ್ರದಲ್ಲಿ ಸಂಪತ್ತು ಮತ್ತು ಸಮೃದ್ಧಿಯ ಹರಿವನ್ನು ಸಂಕೇತಿಸುತ್ತದೆ. ಹರಿಯುವ ನೀರನ್ನು ನಿಮ್ಮ ಕೋಣೆಯ ಒಂದು ಭಾಗವಾಗಿ ಸೇರಿಸಲು ಸುಲಭವಾದ ಮಾರ್ಗವೆಂದರೆ ಸಣ್ಣ ನೀರಿನ ಕಾರಂಜಿಯನ್ನು ಸೇರಿಸುವುದು. ಹಾಗಾಗಿ ನೀವು ಹರಿಯುವ ನೀರಿನ ಪುಟ್ಟ ಕಾರಂಜಿಯನ್ನು ಉಡುಗೊರೆಯಾಗಿ ನೀಡಬಹುದು.

ಲಾಫಿಂಗ್ ಬುದ್ಧ (Laughing Buddha)
ಲಾಫಿಂಗ್ ಬುದ್ಧ ಸಂಪತ್ತು ಮತ್ತು ಸಮೃದ್ಧಿಯ ಸಂಕೇತವಾಗಿದೆ ಮತ್ತು ಮನೆಗೆ ಅದೃಷ್ಟವನ್ನು ತರುತ್ತದೆ ಎಂದು ತಿಳಿದುಬಂದಿದೆ. ಬುದ್ಧನ ದೊಡ್ಡ ಉಬ್ಬಿದ ಹೊಟ್ಟೆ ಸಂತೋಷದ ಸಂಕೇತವಾಗಿದೆ ಮತ್ತು ನಿಮ್ಮ ದಾರಿಯಲ್ಲಿ ಸ್ವಲ್ಪ ಅದೃಷ್ಟ ಬರಬೇಕೆಂದು ನೀವು ಬಯಸಿದರೆ ಮುಂದೆ ಹೋಗಿ ಅವನ ಹೊಟ್ಟೆಯನ್ನು ಉಜ್ಜಿಕೊಳ್ಳಿ. ವಿವಿಧ ರೀತಿಯ ಲಾಫಿಂಗ್ ಬುದ್ಧ ಮನೆಯಲ್ಲಿ ವಿಶಿಷ್ಟ ಕಂಪನಗಳನ್ನು ಸೃಷ್ಟಿಸುತ್ತಾನೆ. ಅವುಗಳನ್ನು ನೀವು ಉಡುಗೊರೆಯಾಗಿ ನೀಡಬಹುದು.