ಸುಕೇಶ್ ಚಂದ್ರಶೇಖರ್ ಅವರನ್ನು ತಿಹಾರ್ ಜೈಲಿನಲ್ಲಿ ಭೇಟಿಯಾದ ಈ ನಿಕ್ಕಿ ತಾಂಬೋಲಿ ಯಾರು?

First Published Sep 16, 2022, 5:34 PM IST

ಸುಕೇಶ್ ಚಂದ್ರಶೇಖರ್ (Sukesh Chandrashekhar) ಅವರ 200 ಕೋಟಿ ಅಕ್ರಮ ಹಣ ವರ್ಗಾವಣೆ ಪ್ರಕರಣ ಪ್ರತಿದಿನ ಹೊಸ ತಿರುವು ಪಡೆಯುತ್ತಿದೆ. ಅಷ್ಟೇ ಅಲ್ಲ ಪ್ರತಿ ವಿಚಾರಣೆ ಬಳಿಕ ಹೊಸ ಹೊಸ ನಟಿಯರ ಹೆಸರುಗಳು ಕೇಳಿಬರುತ್ತಿದೆ.ಇಡಿ ಚಾರ್ಜ್ ಶೀಟ್ ಪ್ರಕಾರ, ಬಿಗ್ ಬಾಸ್ ಖ್ಯಾತಿಯ ನಿಕ್ಕಿ ತಾಂಬೋಲಿ (Nikki Tamboli) ಮತ್ತು ಟಿವಿ ನಟಿಯರಾದ ಚಾಹತ್ ಖನ್ನಾ, ಸೋಫಿಯಾ ಸಿಂಗ್ ಮತ್ತು ಅರುಷಾ ಪಾಟೀಲ್ ಸೇರಿದಂತೆ ನಾಲ್ವರು ನಟಿಯರು ತಿಹಾರ್ ಜೈಲಿನಲ್ಲಿ ಸುಖೇಶ್ ಚಂದ್ರಶೇಖರ್ ಅವರನ್ನು ಭೇಟಿ ಮಾಡಿದ್ದಾರೆ ಎಂದು ಆರೋಪಿಸಲಾಗಿದೆ. ಈ ನಿಕ್ಕಿ ತಾಂಬೋಲಿ ಯಾರು?

Small Screen

ಸುಕೇಶ್ ಚಂದ್ರಶೇಖರ್ ಅವರನ್ನು ಒಳಗೊಂಡ ಮನಿ ಲಾಂಡರಿಂಗ್ ಪ್ರಕರಣದ ವಿಚಾರಣೆಯ ಸಮಯದಲ್ಲಿ ಕಿರುತೆರೆಯ ನಟಿಯರಾದ ಚಾಹತ್ ಖನ್ನಾ ಮತ್ತು ನಿಕ್ಕಿ ತಾಂಬೋಲಿ ಅವರು ಬೆಳಕಿಗೆ ಬಂದಿದ್ದಾರೆ.

ನಿಕ್ಕಿ ಸುಕೇಶ್‌ಯಿಂದ 3.5 ಲಕ್ಷ ರೂಪಾಯಿ ಮತ್ತು ಗುಸ್ಸಿ ಕೈಚೀಲವನ್ನು ಪಡೆದಿದ್ದಾರೆ ಎಂದು ಜಾರಿ ನಿರ್ದೇಶನಾಲಯ (ಇಡಿ) ಚಾರ್ಜ್ ಡಾಕ್ಯುಮೆಂಟ್ ಹೇಳುತ್ತದೆ. ಇದೇ ಆರೋಪಕ್ಕಾಗಿ ನಟಿ ನೋರಾ ಫತೇಹಿ ಗುರುವಾರ (ಸೆಪ್ಟೆಂಬರ್ 15) ದೆಹಲಿ ಪೊಲೀಸರ ಆರ್ಥಿಕ ಅಪರಾಧ ವಿಭಾಗದ (ಇಒಡಬ್ಲ್ಯು) ಮುಂದೆ ಹಾಜರಾಗಿದ್ದರು.

ಸುಕೇಶ್ ಅವರು ನಿಕಿತಾ ತಾಂಬೋಲಿ, ಚಾಹತ್ ಖನ್ನಾ, ಸೋಫಿಯಾ ಸಿಂಗ್ ಮತ್ತು ಅರುಷಾ ಪಾಟೀಲ್ ಅವರನ್ನು ಜೈಲಿನಲ್ಲಿದ್ದಾಗ ಭೇಟಿಯಾದರು ಎಂದು ಲೇಖನವು ಹೇಳುತ್ತದೆ. ಅವರೆಲ್ಲರೂ ದೆಹಲಿಯ ತಿಹಾರ್ ಜೈಲಿಗೆ ಭೇಟಿ ನೀಡಿದ್ದರು ಮತ್ತು ಅಲ್ಲಿ ಅವರ ಸ್ನೇಹಿತೆ ಪಿಂಕಿ ಇರಾನಿ ಅವರನ್ನು ಸಹ ಭೇಟಿ ಮಾಡಿದರು ಎಂಬ ವಿಷಯ ವರದಿಯಾಗಿದೆ.

ಸುಕೇಶ್ ಚಂದ್ರಶೇಖರ್ ಆರೋಪಿ ಪಿಂಕಿ ಇರಾನಿಗೆ ಏಪ್ರಿಲ್ 2018 ರ ಅವರ ಆರಂಭಿಕ ಭೇಟಿಯಲ್ಲಿ ಒಟ್ಟು ರೂ. 10 ಲಕ್ಷ ನೀಡಿದ್ದರು, ಮತ್ತು ನಂತರ ಅವರು ಅದೇ ಹಣದಿಂದ ನಿಕಿತಾ ತಾಂಬೋಲಿಗೆ 1.5 ಲಕ್ಷ ರೂ ನೀಡಿದ್ದಾರೆ. ಮೊದಲ ಭೇಟಿಯ ಎರಡು ಮೂರು ವಾರಗಳ ನಂತರ ಎರಡನೇ ಬಾರಿಗೆ ಸುಕೇಶ್ ಚಂದ್ರಶೇಖರ್ ಅವರನ್ನು ಭೇಟಿ ಮಾಡಲು ನಿಕ್ಕಿ ಒಬ್ಬಂಟಿಯಾಗಿ ಹೋದರು ಮತ್ತು ಆಗ ಆರೋಪಿ ಸುಕೇಶ್ ಚಂದ್ರಶೇಖರ್ ಅವರಿಂದ 2 ಲಕ್ಷ ರೂಪಾಯಿ ಮತ್ತು ಗುಸ್ಸಿ ಬ್ಯಾಗ್ ಪಡೆದರು ಜಾರಿ ನಿರ್ದೇಶನಾಲಯದ ಚಾರ್ಜ್ ಶೀಟ್‌ನಲ್ಲಿದೆ ಎಂದು ಇಂಡಿಯಾ ಟುಡೇ ವರದಿ ಮಾಡಿದೆ.

ಈ ನಿಕ್ಕಿ ತಾಂಬೋಲಿ ಯಾರು? ಕಿರುತೆರೆಯ ಪ್ರಸಿದ್ಧ ವ್ಯಕ್ತಿಗಳಲ್ಲಿ ಒಬ್ಬರು ನಿಕ್ಕಿ ತಾಂಬೋಲಿ. ಅತ್ಯಂತ ಪ್ರಸಿದ್ಧ ರಿಯಾಲಿಟಿ ಶೋ ಬಿಗ್ ಬಾಸ್ 14 ರಲ್ಲಿ ಭಾಗವಹಿಸಿದ ನಂತರ ನಟಿ ಪ್ರಸಿದ್ಧರಾದರು. ಈ ರಿಯಾಲಿಟಿ ಶೋನ ನಂತರ ಫೇಮಸ್ ಟಿವಿ ಸ್ಟಾರ್ಸ್‌ ಜೊತೆ ಅವರು ಹಲವಾರು ಸಂಗೀತ ವೀಡಿಯೊಗಳಲ್ಲಿ ಕಾಣಿಸಿಕೊಂಡರು,

ನಟನೆಯ ಜೊತೆಗೆ, ನಿಕ್ಕಿ ಅವರ ಸ್ಟೈಲಿಂಗ್‌ ಸೆನ್ಸ್‌ ಕೂಡ ಅಭಿಮಾನಿಗಳಿಂದ ಪ್ರಶಂಸಿಸಲ್ಪಟ್ಟಿದೆ. ಆಕೆಯ ಮನಮೋಹಕ ಫೋಟೋಗಳಿಂದಾಗಿ ಅವರು ಸಾಮಾಜಿಕ ಮಾಧ್ಯಮದಲ್ಲಿ ಸಾಕಷ್ಟು ಅಭಿಮಾನಿಗಳನ್ನು ಹೊಂದಿದ್ದಾರೆ.

ನಿಕ್ಕಿ ತಮಿಳು ಚಲನಚಿತ್ರ "ಕಾಂಚನಾ 3" ನಲ್ಲಿ ನಟಿಸಿದ್ದಾರೆ, ಆ ವರ್ಷ ಭಾಷೆಯಲ್ಲಿ ಅತಿ ಹೆಚ್ಚು ಗಳಿಕೆ ಮಾಡಿದ ಚಲನಚಿತ್ರಗಳಲ್ಲಿ ಒಂದಾಗಿದೆ. ಇದರ ಜೊತೆಗೆ ಎರಡು ತೆಲುಗು ಸಿನಿಮಾಗಳಲ್ಲಿ ನಟಿ ಕಾಣಿಸಿಕೊಂಡಿದ್ದಾರೆ.

ಡೇರಿಂಗ್ ರಿಯಾಲಿಟಿ ಸರಣಿ ಖತ್ರೋನ್ ಕೆ ಖಿಲಾಡಿ 11 ರಲ್ಲಿ ಕಾಣಿಸಿಕೊಂಡ ನಂತರ ನಿಕ್ಕಿ ನಂತರ ವಿವಿಧ ಸಂಗೀತ ವೀಡಿಯೊಗಳಲ್ಲಿ ಕಾಣಿಸಿಕೊಂಡರು. ಪ್ರತೀಕ್ ಸೆಹಜ್ಪಾಲ್ ಜೊತೆಗೆ, ಅವರು 'ದಿ ಖಾತ್ರಾ ಖಾತ್ರಾ ಶೋ'ನಲ್ಲಿ ಅತಿಥಿ ಪಾತ್ರದಲ್ಲಿ ಕಾಣಿಸಿಕೊಂಡರು. "ಏಕ್ ಹಸೀನಾ ನೆ" ಗಾಗಿ ಮ್ಯೂಸಿಕ್ ವೀಡಿಯೋ ರಚಿಸಲು ನಿಕ್ಕಿ ಕಿರುತೆರೆ ನಟ ಶಾಹೀರ್ ಶೇಖ್ ಜೊತೆ ಸೇರಿಕೊಂಡರು.

ಸುಕೇಶ್ ಚಂದ್ರಶೇಖರ್ ಅವರನ್ನು ತಿಹಾರ್ ಜೈಲಿನಲ್ಲಿ ಭೇಟಿಯಾದ ಈ ನಿಕ್ಕಿ ತಾಂಬೋಲಿ ಯಾರು?

Related Posts

LATEST NEWS

Recent Videos