ಸಬ್‌ಸ್ಕ್ರಿಪ್ಶನ್‌ ಅಗತ್ಯವೇ ಇಲ್ಲ, ನೆಟ್‌ಫ್ಲಿಕ್ಸ್‌ನಲ್ಲಿ ಉಚಿತವಾಗಿ ನೋಡಬಹುದಾದ ಮೂವಿ-ಸಿರೀಸ್‌!

ಸ್ಟ್ರೇಂಜರ್ ಥಿಂಗ್ಸ್, ಬರ್ಡ್ ಬಾಕ್ಸ್ ನಂತಹ ನೆಟ್‌ಫ್ಲಿಕ್ಸ್ ಒರಿಜಿನಲ್ಸ್‌ಗಳನ್ನು ಉಚಿತವಾಗಿ ವೀಕ್ಷಿಸಬಹುದು. ಈ ಆಫರ್ ಡೆಸ್ಕ್‌ಟಾಪ್ ಮತ್ತು ಆಂಡ್ರಾಯ್ಡ್ ಬ್ರೌಸರ್‌ಗಳಲ್ಲಿ ಮಾತ್ರವೇ ಲಭ್ಯವಿದೆ. 

ಇಂದು ಚಿತ್ರಮಂದಿರಗಳಲ್ಲಿ ಸಿನಿಮಾ ವೀಕ್ಷಿಸುವುದು ಕಡಿಮೆಯಾಗಿದೆ. ಹೊಸ ಸಿನಿಮಾಗಳು ಬಿಡುಗಡೆಯಾದ ಕೆಲವೇ ದಿನಗಳಲ್ಲಿ ಒಟಿಟಿಗಳಲ್ಲಿ ಬಿಡುಗಡೆಯಾಗುತ್ತಿವೆ. ಇದರಿಂದ ನಿರ್ಮಾಪಕರಿಗೆ ಹೂಡಿಕೆ ವಾಪಸ್ಸಾಗುತ್ತದೆ. ಒಟಿಟಿಗಳಲ್ಲಿ ಬೇಗ ಬಿಡುಗಡೆ ಮಾಡುವುದು ಉತ್ತಮ ಎಂದು ನಿರ್ಮಾಪಕರು ಮತ್ತು ಒಟಿಟಿ ನಿರ್ವಾಹಕರು ಭಾವಿಸುತ್ತಾರೆ.  

ನೆಟ್‌ಫ್ಲಿಕ್ಸ್ ಹೊಸ ಆಫರ್ ನೀಡುತ್ತಿದೆ. ಟ್ರೈಲರ್ ಜೊತೆಗೆ ವೆಬ್ ಸರಣಿಯ ಮೊದಲ ಭಾಗವನ್ನು ಉಚಿತವಾಗಿ ವೀಕ್ಷಿಸಬಹುದು.   ನೆಟ್‌ಫ್ಲಿಕ್ಸ್‌ನಲ್ಲಿ ಕೆಲವು ಆಯ್ದ ಚಲನಚಿತ್ರಗಳು ಮತ್ತು ಟಿವಿ ಸರಣಿಗಳನ್ನು ಈಗ ಉಚಿತವಾಗಿ ವೀಕ್ಷಿಸಬಹುದು. ಯಾವುದೇ ಡೆಸ್ಕ್‌ಟಾಪ್ ಅಥವಾ ಆಂಡ್ರಾಯ್ಡ್ ಬ್ರೌಸರ್ ಬಳಸಿ ಇದನ್ನು ವೀಕ್ಷಿಸಬಹುದು.

ಪ್ರಸ್ತುತ, ಐಒಎಸ್ ಬ್ರೌಸರ್‌ಗಳು ಈ ಸೌಲಭ್ಯವನ್ನು ಬೆಂಬಲಿಸುವುದಿಲ್ಲ. ಇದು ವೆಬ್-ಮಾತ್ರ ಆಪ್ಶನ್‌ ಆಗಿದೆ. ಹೊಸ ಬಳಕೆದಾರರನ್ನು ಆಕರ್ಷಿಸಲು ಇದು ಮಾರ್ಕೆಟಿಂಗ್ ತಂತ್ರ. ನೀವು ನೆಟ್‌ಫ್ಲಿಕ್ಸ್‌ಗೆ ಭೇಟಿ ನೀಡಿ ಅವರ್ ಪ್ಲಾನೆಟ್, ಸ್ಟ್ರೇಂಜರ್ ಥಿಂಗ್ಸ್, ಬರ್ಡ್ ಬಾಕ್ಸ್ ಮುಂತಾದವುಗಳನ್ನು ಉಚಿತವಾಗಿ ವೀಕ್ಷಿಸಬಹುದು. ಟಿವಿ ಕಾರ್ಯಕ್ರಮಗಳ ಮೊದಲ ಸಂಚಿಕೆಯನ್ನು ಉಚಿತವಾಗಿ ವೀಕ್ಷಿಸಬಹುದು. 

Apple TV+ ನಲ್ಲೂ ಇದೇ ರೀತಿಯ ವೈಶಿಷ್ಟ್ಯವಿದೆ. netflix.com/watch-free ಗೆ ಭೇಟಿ ನೀಡುವ ಮೂಲಕ ಉಚಿತವಾಗಿ ವೀಕ್ಷಿಸಬಹುದಾದ ಎಲ್ಲಾ ಸರಣಿಗಳು ಮತ್ತು ಚಲನಚಿತ್ರಗಳ ಪಟ್ಟಿಯನ್ನು ನೋಡಬಹುದು. ನೆಟ್‌ಫ್ಲಿಕ್ಸ್‌ಗೆ ಚಂದಾದಾರರಾಗಲು ತಿಂಗಳಿಗೆ ರೂ.349 ವೆಚ್ಚವಾಗುತ್ತದೆ.