ಲವ್ ಫೇಲ್ಯೂರ್ ಬಗ್ಗೆ ಮೊದಲ ಬಾರಿಗೆ ರಹಸ್ಯ ಬಿಚ್ಚಿಟ್ಟ ಕುಕ್ ವಿತ್ ಕೋಮಾಲಿ ಶಿವಾಂಗಿ!

ಇಲ್ಲಿಯವರೆಗೆ ತನ್ನ ವೈಯಕ್ತಿಕ ಜೀವನದ ಬಗ್ಗೆ ಏನನ್ನೂ ಹೇಳದ ಶಿವಾಂಗಿ ಮೊದಲ ಬಾರಿಗೆ ಪ್ರೀತಿ ವೈಫಲ್ಯದ ಬಗ್ಗೆ ಮಾತನಾಡಿದ್ದಾರೆ.

ಹಿನ್ನೆಲೆ ಗಾಯಕರಾದ ಕೃಷ್ಣಕುಮಾರ್ - ಬಿನ್ನಿ ಕೃಷ್ಣಕುಮಾರ್ ಅವರ ಮಗಳು 'ಶಿವಾಂಗಿ'. ಪೋಷಕರು ಇಬ್ಬರೂ ಹಿನ್ನೆಲೆ ಗಾಯಕರಾಗಿದ್ದರಿಂದ, ಇವರಿಗೂ ಚಿಕ್ಕ ವಯಸ್ಸಿನಿಂದಲೇ ಸಂಗೀತದ ಬಗ್ಗೆ ಆಸಕ್ತಿ ಇದ್ದುದರಿಂದ, ಸಂಗೀತ ಕಲಿತುಕೊಂಡರು.

ನಂತರ ಸೂಪರ್ ಸಿಂಗರ್ ಸೀಸನ್ 7 ಕಾರ್ಯಕ್ರಮದಲ್ಲಿ ಭಾಗವಹಿಸಿದ ಶಿವಾಂಗಿಯ ಧ್ವನಿಗೆ ದೊಡ್ಡ ಅಭಿಮಾನಿಗಳ ಬಳಗವೇ ಇದ್ದರೂ, ಇವರಿಂದ ಗೆಲ್ಲಲು ಸಾಧ್ಯವಾಗಲಿಲ್ಲ. ಇದನ್ನು ಮುಂದುವರಿಸಿ ವಿಜಯ್ ಟಿವಿಯಲ್ಲಿ ಪ್ರಾರಂಭಿಸಲಾದ ಕುಕ್ ವಿತ್ ಕೋಮಾಲಿ ಕಾರ್ಯಕ್ರಮದಲ್ಲಿ ಕೋಮಾಲಿಯಾಗಿ ಭಾಗವಹಿಸಿದರು.

ಇವರು ಸಾಮಾನ್ಯವಾಗಿ ಮಾತನಾಡುವುದೇ ಹಾಸ್ಯ ಪ್ರಜ್ಞೆಯಿಂದ ಕೂಡಿರುತ್ತಿದ್ದರಿಂದ ಇವರನ್ನು ಅನೇಕರು ಇಷ್ಟಪಡಲು ಪ್ರಾರಂಭಿಸಿದರು. ಅದೇ ರೀತಿ ಇದು ಹಾಸ್ಯ ಕಾರ್ಯಕ್ರಮವಾಗಿದ್ದರೂ, ಆಗಾಗ ಇವರು ಹಾಡುವ ಹಾಡುಗಳು ಇವರೊಳಗಿದ್ದ ಗಾಯಕಿಯನ್ನು ಹೊರಗೆ ತೋರಿಸಿತು.

ಮೂರು ಸೀಸನ್‌ಗಳಲ್ಲಿ ಶಿವಾಂಗಿ ಕೋಮಾಲಿಯಾಗಿದ್ದರೂ, 4ನೇ ಸೀಸನ್‌ನಲ್ಲಿ ವಿಶೇಷವಾಗಿ ಅಡುಗೆ ತರಬೇತಿ ಪಡೆದು, ಕುಕ್ ಆಗಿ ಬದಲಾಗಿ ಆಶ್ಚರ್ಯ ಮೂಡಿಸಿದರು. ವಿಶೇಷವಾಗಿ ಫೈನಲ್ ವರೆಗೂ ಎಲ್ಲಾ ಸ್ಪರ್ಧಿಗಳಿಗೂ ಟಫ್ ಕಾಂಪಿಟೇಷನ್ ಕೊಟ್ಟ ಶಿವಾಂಗಿ 3ನೇ ಸ್ಥಾನವನ್ನು ಪಡೆದರು.

ಸದ್ಯ ಶಿವಾಂಗಿ ಮೊದಲ ಬಾರಿಗೆ ತನ್ನ ಪ್ರೀತಿಯ ಅನುಭವದ ಬಗ್ಗೆ ಪ್ರೀತಿ ವೈಫಲ್ಯದ ಬಗ್ಗೆ ಹಂಚಿಕೊಂಡಿದ್ದಾರೆ. ಇದರ ಬಗ್ಗೆ ಮಾತನಾಡುವಾಗ, ನನ್ನ ಅಪ್ಪ - ಅಮ್ಮ ಇಬ್ಬರೂ ಪ್ರೀತಿಗೆ ವಿರೋಧಿಗಳಲ್ಲ ಎಂಬುದು ನನಗರಿವಿದೆ. ಆದ್ದರಿಂದ ನನಗೆ ಗಂಡು ಹುಡಕಬೇಡಿ ಎಂದು ಹೇಳಿದ್ದೆ. ಹೀಗಾಗಿ, ನಾನು ಪ್ರೀತಿಸಿ ಮದುವೆಯಾಗಬೇಕು' ಎಂದು ನಿರ್ಧರಿಸಿದ್ದೆನು.

ಆಗ ನನ್ನನ್ನು ಒಬ್ಬರು ಪ್ರೀತಿಸಿದರು. ನಾನು ಅವರನ್ನು ಮನಸಾರೆ ಪ್ರೀತಿಸಲು ಪ್ರಾರಂಭಿಸಿದೆ. ಆದರೆ ಅವರಿಗೆ ಈ ಪ್ರೀತಿಯಲ್ಲಿ ಇಷ್ಟವಿಲ್ಲದಂತಾಯಿತು. ಅದಕ್ಕಾಗಿ ನನ್ನನ್ನು ಪ್ರೀತಿಸಿದವರ ಮೇಲೆ ನಾನು ದೂಷಣೆ ಮಾಡುವುದಿಲ್ಲ. ಅವರಿಗೆ ನಾನು ಇಷ್ಟವಿಲ್ಲದೆ ಹೋಗಿರಬಹುದು ಎಂದು ಮೊದಲ ಬಾರಿಗೆ ವೈಯಕ್ತಿಕ ವಿಷಯದ ಬಗ್ಗೆ ಶಿವಾಂಗಿ ಓಪನ್ ಆಗಿ ಮಾತನಾಡಿದ್ದಾರೆ.

ಯಾವುದೇ ಕಪಟವಿಲ್ಲದೆ ಮಾತನಾಡುವ ಗುಣವುಳ್ಳ ಶಿವಾಂಗಿಗೆ ಹೀಗೊಂದು ಪ್ರೀತಿ ವೈಫಲ್ಯ ಇರುವುದು, ಅಭಿಮಾನಿಗಳನ್ನು ಆಶ್ಚರ್ಯಗೊಳಿಸಿದೆ. ಅಭಿಮಾನಿಗಳು ಸಹ ನೀವು ಚಿಂತೆ ಮಾಡಬೇಡಿ ಇವರಿಗಿಂತ ಉತ್ತಮ ಪ್ರಿಯತಮ ನಿಮಗೆ ಗಂಡನಾಗಿ ಸಿಗುತ್ತಾರೆ ಎಂದು ಹೇಳಿ ಶುಭ ಹಾರೈಸುತ್ತಿದ್ದಾರೆ.