ದೀಪಿಕಾ ಚಿಖಲಿಯಾ ಹೆಸರು ಕೇಳಿದ್ರೇ ಯಾರಪ್ಪಾ ಇವರು ಎಂದು ನೀವು ಅಂದುಕೊಳ್ಳಬಹುದು. ಆದ್ರೆ ರಾಮಯಣದ ಸೀತೆ ಪಾತ್ರಧಾರಿ ಎಂದ ಕೂಡ್ಲೇ ಗೊತ್ತಾಗುತ್ತೆ. ರಾಮಯಣ ಮುಗಿದು 30 ವರ್ಷಗಳೇ ಕಳೆದರೂ ಇಂದಿಗೂ ಸೀತಾಮಾತೆಯಂತೆ ಜನ ದೀಪಿಕಾರನ್ನು ಕಾಣುತ್ತಾರೆ. ಈ ನಟಿ ಈವಾಗ ಏನು ಮಾಡ್ತಿದ್ದಾರೆ?
ಇವರು ಒಂದಾನೊಂದು ಕಾಲದ ಜನಪ್ರಿಯ ಬಾಲಿವುಡ್ ನಟಿ. ಕನ್ನಡದಲ್ಲೂ ನಟಿಸಿದ್ದಾರೆ. ಅದರಲ್ಲೂ ನಮ್ಮ ಲೆಜೆಂಡರಿ ನಟ ಶಂಕರ್ ನಾಗ್ ಜೊತೆ ಲಾಲಿ, ಲಾಲಿ ಜೋ, ನನ್ನ ತಾಳಿಯ ಬಂಗಾರ ಜೋ ಎಂದು ಹಾಡುತ್ತಾ ಕನ್ನಡಿಗರ ಮನಸ್ಸು ಗೆದ್ದಿದ್ದರು ಈ ನಟಿ. ಇವರು ಯಾರಂದ್ರೆ ದೀಪಿಕಾ ಚಿಖಲಿಯಾ (Deepika Chikhlia).
ಕನ್ನಡದಲ್ಲಿ ಶಂಕರ್ ನಾಗ್ ಜೊತೆ ಹೊಸ ಜೀವನದ ಚಿತ್ರದಲ್ಲಿ ನಟಿಸಿ, ನಂತರ ರೆಬಲ್ ಸ್ಟಾರ್ ಅಂಬರೀಶ್ ಜೊತೆ ಇಂದ್ರಜೀತ್ ಚಿತ್ರದಲ್ಲಿ ನಟಿಸಿ ಜನಮನ ಗೆದ್ದಿದ್ದ ಈ ಬಾಲಿವುಡ್ ನಟಿಯನ್ನು (Bollywood actress) ದೇಶಾದ್ಯಂತ ಜನರು ಇಂದಿಗೂ ನೆನಪಿಟ್ಟುಕೊಂಡಿರುವುದು ರಮಾನಂದ ಸಾಗರ್ ಅವರ ರಾಮಾಯಣದ ಸೀತೆಯಾಗಿ.
ಹೌದು, ರಾಮಯಣದಲ್ಲಿ ಸೀತೆಯಾಗಿ ನಟಿಸಿದ ಬಳಿಕ ಇವರನ್ನು ಭೂಲೋಕದಲ್ಲಿನ ದೇವತೆಯಂತೆ ಕಾಣುತ್ತಿದ್ದರು, ಹಿಂದಿನ ಕಾಲದ ಜನರು. ಆವಾಗ ಹೆಚ್ಚಾಗಿ ಟಿವಿ ಇರಲಿಲ್ಲ, ಇಂಟರ್ನೆಟ್ ಅಂತೂ ಇಲ್ವೇ ಇಲ್ಲ. ಮುಗ್ದ ಜನತೆ ರಾಮನ ಪಾತ್ರಧಾರಿಯಾಗಿದ್ದ ಅರುಣ್ ಗೋವಿಲ್, ಸೀತೆಯ ಪಾತ್ರಧಾರಿ ದೀಪಿಕಾ ಚಿಖಲಿಯಾ , ಲಕ್ಷ್ಮಣನಾಗಿದ್ದ ಸುನಿಲ್ ಲಹರಿ, ಹನುಮಂತನಾಗಿದ್ದ ಧಾರಾ ಸಿಂಗ್ ರನ್ನು ನಿಜವಾಗಿಯೂ ದೇವರೆಂದು ಕಾಣುತ್ತಿದ್ದರು.
ಇನ್ನು ರಾಜ್ ಕಿರಣ್, ರಾಜೇಶ್ ಖನ್ನಾ ಜೊತೆ ನಟಿಸಿರುವ ಈ ನಟಿ ಹಲವಾರು ಹಿಂದಿ ಸೀರಿಯಲ್ (Hindi TV serial), ಮಲಯಾಲಂ, ಬೆಂಗಾಲಿ, ಗುಜರಾತಿ ಚಿತ್ರಗಳಲ್ಲೂ ನಟಿಸಿದ್ದಾರೆ. ರಾಜಕೀಯದಲ್ಲೂ ಈ ನಟಿ ಸಕ್ರಿಯರಾಗಿದ್ದರು. ಸದ್ಯ ಈ ನಟಿ ಸೀರಿಯಲ್ ಗಳಲ್ಲಿ, ಮೂವಿಗಳಲ್ಲಿ ನಟಿಸುತ್ತಿದ್ದಾರೆ. ಜೊತೆಗೆ ಸೋಶಿಯಲ್ ಮೀಡಿಯಾದಲ್ಲೂ (social media) ಮಿಂಚುತ್ತಿದ್ದಾರೆ, ಜೊತೆಗೆ ಸುದ್ದಿಗಳಿಗೆ ಆಹಾರವೂ ಆಗ್ತಿದ್ದಾರೆ.
ಸೀತೆ ಪಾತ್ರ ಮಾಡಿದ ಬಳಿಕ, ಜನರು ಯಾವಾಗ್ಲೂ ಈ ನಟಿ ಸೀತೆಯಂತೆ ಸಾಂಪ್ರದಾಯಿಕವಾಗಿ ಕಾಣೋದನ್ನೆ ಇಷ್ಟಪಡ್ತಿದ್ದಾರೆ. ಅದೇ ಈ ನಟಿಯ ಸೋಶಿಯಲ್ ಲೈಫ್ ಗೆ ತೊಡಕಾಗುತ್ತಿದೆ. ನಟಿ ಉಡುಗೆಯಲ್ಲಿ ಸ್ವಲ್ಪ ಬದಲಾದರೂ ಅಥವಾ ಪತಿ ಹೇಮಂತ್ ಟೋಪಿವಾಲ ಜೊತೆ ಸ್ವಲ್ಪ ರೊಮ್ಯಾಂಟಿಕ್ ಫೋಟೋ (romantic photo) ಹಾಕಿದರೂ ಜನ ಸೀತೆ ಮಾತೆ ಈ ರೀತಿ ಮಾಡೊದನ್ನು ನಾವು ಇಷ್ಟಪಡಲ್ಲ ಅಂತಿದ್ದಾರೆ.
ಸೋಷಿಯಲ್ ಮೀಡಿಯಾದಲ್ಲಿ ಸದಾ ಬ್ಯುಸಿಯಾಗಿರುವ ದೀಪಿಕಾ ತಮ್ಮ ಇತ್ತೀಚಿನ ಚಿತ್ರಗಳು ಮತ್ತು ವಿಡಿಯೋಗಳನ್ನು ಹಂಚಿಕೊಳ್ಳುವ ಮೂಲಕ ಜನಕ್ಕೆ ಹತ್ತಿರವಾಗುತ್ತಿದ್ದಾರೆ. ಆದರೆ ಇತ್ತೀಚಿಗೆ ಮೊಣಕಾಲಿಕ್ಕಿಂತಲೂ ಕೆಳಗೆ ಬರುವಂತಹ ಎಲ್ಲೂ ಅಸಭ್ಯವಾಗಿ ಕಾಣದಂತಹ ಒನ್ ಪೀಸ್ ಧರಿಸಿದ್ದಕ್ಕೆ ಟ್ರೋಲ್ ಗೆ ಒಳಗಾಗಿದ್ದರು.
ಅದರ ಜೊತೆಗೆ ಪತಿ ಜೊತೆ ರೊಮ್ಯಾಂಟಿಕ್ ಫೋಟೊ ಶೇರ್ ಮಾಡಿದಾಗ್ಲೂ ಸಹ ಈ ನಟಿಗೆ ಟೀಕೆಗೆ ಒಳಗಾಗಿದ್ದರು. ಸೀತಾ ಮಾತೆ ಇದನ್ನು ಮಾಡೋದು ಸರಿಯಲ್ಲ ಎಂದು ಜನ ಬುದ್ದಿ ಹೇಳಿದ್ದರು. ಪರ್ಸನಲ್ ಲೈಫ್ ಮತ್ತು ಪ್ರೊಫೆಶನಲ್ ಲೈಫ್ ಬೇರೆ ಅನ್ನೋದನ್ನು ಜನ ಅರ್ಥ ಮಾಡ್ಕೋತಾರೋ ಇಲ್ವೋ ಗೊತ್ತಿಲ್ಲ. ಆದರೆ ಎಲ್ಲಾ ಕಮೆಂಟ್ ಸಹಜವಾಗಿಯೇ ಸ್ವೀಕರಿಸಿ ನಟಿಯಂತೂ ಪ್ರತಿದಿನವೂ ಫೋಟೋ ಶೇರ್ ಮಾಡ್ತಾ, ತಮ್ಮ ಜಲಕ್ ತೋರಿಸ್ತಾನೆ ಇರ್ತಾರೆ.