ಕೈಗೆ ಮದರಂಗಿ ಹಾಕ್ಕೊಂಡು ವಧುವಿನಂತೆ ನಮ್ರತಾ ಗೌಡ ಸಿಂಗಾರ, ಹಸೆಮಣೆ ಏರ್ತಿದ್ದಾರಾ?

ಕನ್ನಡ ಕಿರುತೆರೆ ನಟಿ ನಮ್ರತಾ ಗೌಡ, ರೇಷ್ಮೆ ಸೀರೆಯುಟ್ಟು, ವಧುವಿನಂತೆ ಸಿಂಗಾರಗೊಂಡಿದ್ದು, ಹಸೆಮಣೆ ಏರೋದಕ್ಕೆ ರೆಡಿಯಾದ್ರಾ ಅಂತ ಕೇಳ್ತಿದ್ದಾರೆ ಜನ.   

ಕನ್ನಡ ಕಿರುತೆರೆ ಮತ್ತು ಬಿಗ್ ಬಾಸ್ ಸೀಸನ್ 10 ರಲ್ಲಿ ಭಾಗಿವಹಿಸುವ ಮೂಲಕ ಸದ್ದು ಮಾಡಿದ್ದ ನಟಿ ನಮ್ರತಾ ಗೌಡ (Namrutha Gowda) ಸದ್ಯ ಜಾಹೀರಾತು, ಹಾಡುಗಳ ಶೂಟಿಂಗ್, ರೀಲ್ಸ್ ಮಾಡುತ್ತಾ ಅಮ್ಮ-ಅಪ್ಪನ ಜೊತೆ ಜೀವನ ಎಂಜಾಯ್ ಮಾಡ್ತಿದ್ದಾರೆ. 

ಸೋಶಿಯಲ್ ಮೀಡಿಯಾದಲ್ಲಿ (Social Media) ಆಕ್ಟೀವ್ ಆಗಿರುವ ನಮ್ರತಾ ಗೌಡ, ಹೆಚ್ಚಾಗಿ ತಮ್ಮ ಫೋಟೊ ಶೂಟ್ ಮೂಲಕ ಕಾಣಿಸಿಕೊಳ್ಳುತ್ತಿರುತ್ತಾರೆ. ಸೀರೆಯಲ್ಲಿ ಮಾಡರ್ನ್ ಡ್ರೆಸ್ ಎರಡರಲ್ಲೂ ತುಂಬಾನೆ ಸುಂದರವಾಗಿ ಕಾಣುವ ನಮ್ರತಾಗೆ ಅಭಿಮಾನಿಗಳು ಸಹ ಸಾಕಷ್ಟು ಸಂಖ್ಯೆಯಲ್ಲಿದ್ದಾರೆ. 

ಇದೀಗ ನಟಿ ಹೊಸದಾಗಿ ಫೋಟೊಗಳನ್ನ ಶೇರ್ ಮಾಡಿದ್ದು, ಕೇಸರಿ, ಕೆಂಪು, ಬಿಳಿ ಬಣ್ಣದ ಮೈಸೂರು ಸಿಲ್ಕ್ ಸೀರೆಯನ್ನುಟ್ಟಿದ್ದು, ಅದರ ಜೊತೆಗೆ ಕೇಸರಿ ಬಣ್ಣದ ಬ್ಲೌಸ್ ಧರಿಸಿದ್ದಾರೆ. ಇದರ ಜೊತೆಗೆ ಕೈತುಂಬಾ ಬಳಿ, ಮೂಗಿನಲ್ಲಿ ನತ್ತು, ಕಿವಿಯಲ್ಲಿ ದೊಡ್ಡದಾದ ಜುಮುಕಿ, ಹಣೆಯಲ್ಲಿ ಮುಂದಾಲಿ ಧರಿಸಿದ್ದು, ತುಂಬಾನೆ ಸುಂದರವಾಗಿ ಕಾಣಿಸ್ತಿದ್ದಾರೆ. 

ಥೇಟ್ ವಧುವಿನಂತೆ ಕಂಗೊಳಿಸುತ್ತಿರುವ ನಮ್ರತಾ ಗೌಡ, ಮದುವೆಯಾಗೋದಕ್ಕೆ ರೆಡಿಯಾದ್ರ ಅಂತ ಕೇಳ್ತಿದ್ದಾರೆ ಅಭಿಮಾನಿಗಳು. ಆದರೆ ನಿಜವಾಗಿ ನಮ್ರತಾ ಮನೆಯಲ್ಲಿ ನಡೆದಂತಹ ಪೂಜೆಗಾಗಿ ನಟಿ ಈ ರೀತಿಯಾಗಿ ರೆಡಿಯಾಗಿದ್ದು, ಪೂಜೆ ವಿಡೀಯೋ ಸಹ ಹಂಚಿಕೊಂಡಿದ್ದಾರೆ. 

ಸಾಂಪ್ರದಾಯಿಕ ಲುಕ್ (traditional look) ನಲ್ಲಿ ನಮ್ರತಾ ತುಂಬಾನೆ ಸುಂದರವಾಗಿ ಕಾಣಿಸುತ್ತಿದ್ದು, ಅಭಿಮಾನಿಗಳು ಸಹ ಕಾಮೆಂಟ್ ಮಾಡಿ ಪ್ರೀತಿಯನ್ನು ವ್ಯಕ್ತಪಡಿಸಿದ್ದಾರೆ. ಒಬ್ಬರು ಕಾಮೆಂಟ್ ಮಾಡಿ, ಮೇಡಂ ನಿಮ್ಮನ್ನ ನೋಡಿದ್ರೆ, ಹುಡುಗಿಯರಿಗೆ ಲವ್ ಆಗ್ಬಹುದು ಅಷ್ಟು ಸುಂದರವಾಗಿ ಕಾಣಿಸ್ತೀರ, ಇನ್ನು ಹುಡುಗರ ಗತಿ ಏನು ಮೇಡಂ ಎಂದಿದ್ದಾರೆ. 

ಅಷ್ಟೇ ಅಲ್ಲ ಅಪ್ಸರೆ, ಆ ದೇವರು ತಿದ್ದು ತೀಡಿದ ಬೊಂಬೆ ನೀವು, ಬ್ಯೂಟಿ ಕ್ವೀನ್, ಮದುಮಗಳಂತೆ ಮಿಂಚುತ್ತಿದ್ದೀರಿ, ನಮ್ ಹುಡುಗಿ ದೇವತೆ, ಟ್ರೆಡಿಷನಲ್ ಬ್ಯೂಟಿ ಅಂದ್ರೆ, ಇನ್ನೂ ಒಬ್ಬರು ಇತ್ತೀಚಿನ ದಿನಗಳಲ್ಲಿ ನೀವು ಗ್ಲಾಮರ್ ಬೊಂಬೆ ಆಗ್ತಿದ್ದೀರಿ ಅಂತಿದ್ದಾರೆ. 

ಪುಟ್ಟಗೌರಿ ಮದುವೆ (Putta Gowri Madwe) ಸೀರಿಯಲ್ ಮೂಲಕ ನಟನೆಗೆ ಎಂಟ್ರಿ ಕೊಟ್ಟ ನಮ್ರತಾ ಗೌಡ, ನಂತರ ನಾಗಿಣಿ ಸೀರಿಯಲ್ ಮೂಲಕ ಮತ್ತೆ ಜನಪ್ರಿಯತೆ ಪಡೆದರು. ಆದರೆ ಹೆಚ್ಚು ಜನಪ್ರಿಯತೆ ಸಿಕ್ಕಿದ್ದು,  ಬಿಗ್ ಬಾಸ್ ಗೆ ಬಂದ ನಂತರ. ಬಿಗ್ ಬಾಸ್ ನಿಂದ ಹೊರ ಬಂದ ಬಳಿಕ ಕಾರ್ತಿಕ್ ಮಹೇಶ್ ಜೊತೆ ಒಂದು ಜಾಹೀರಾತಿನಲ್ಲೂ ನಮ್ರತಾ ಕಾಣಿಸಿಕೊಂಡಿದ್ದರು. ಅಲ್ಲದೇ ಹೆಚ್ಚಾಗಿ ಕಿಶನ್ ಬಿಳಗಲಿ ಜೊತೆ ಡ್ಯಾನ್ಸ್ ವಿಡಿಯೋದಲ್ಲಿ ಕಾಣಿಸಿಕೊಳ್ಳುತ್ತಿರುತ್ತಾರೆ.