ಕರಿಮಣಿ ನಾಯಕಿ ಸಾಹಿತ್ಯ ಅಂದ, ಚೆಂದ, ವಯ್ಯಾರಕ್ಕೆ ಮನಸೋತ ಅಭಿಮಾನಿಗಳು

ಕರಿಮಣಿ ಸೀರಿಯಲ್ ನಟಿ ಸ್ಪಂದನಾ ಸೋಮಣ್ಣ ಹೊಸ ಫೋಟೋ ಶೂಟ್ ಮಾಡಿಸಿದ್ದು, ನಟಿಯ ಅಂದ ಚೆಂದ ವಯ್ಯಾರಕ್ಕೆ ಅಭಿಮಾನಿಗಳು ಮನಸೋತಿದ್ದಾರೆ.   

ಕಲರ್ಸ್ ಕನ್ನಡ ವಾಹಿನಿಯಲ್ಲಿ ಪ್ರಸಾರವಾಗುತ್ತಿರುವ ಪ್ರೇಕ್ಷಕರನ್ನು ಸೆಳೆಯುವಲ್ಲಿ ಯಶಸ್ವಿಯಾಗಿರುವ ಕರಿಮಣಿ ಸೀರಿಯಲ್ ನಾಯಕಿ ಸಾಹಿತ್ಯ ಪಾತ್ರ ಕೂಡ ಜನರಿಗೆ ತುಂಬಾ ಇಷ್ಟ. ಈ ಪಾತ್ರದಲ್ಲಿ ಅದ್ಭುತವಾಗಿ ನಟಿಸುವ ಮೂಲಕ ಹುಡುಗರ ಹೊಸ ಕ್ರಶ್ ಆಗಿರುವ ನಟಿ ಸ್ಪಂದನಾ ಸೋಮಣ್ಣ (Spandana Somanna). 

ಸ್ಪಂದನಾ ಈ ಹಿಂದೆ ಕಲರ್ಸ್ ಕನ್ನಡದ ಗೃಹ ಪ್ರವೇಶ (Gruha Pravesha) ಧಾರಾವಾಹಿಯಲ್ಲಿ ನಟಿಸಿದ್ದರು. ಆದರೆ ಈ ಧಾರಾವಾಹಿ ಪ್ರೇಕ್ಷಕರನ್ನು ಹಿಡಿದಿಡುವಲ್ಲಿ ಸೋತಿತ್ತು, ಹಾಗಾಗಿ ಆರಂಭವಾಗಿ ಕೆಲವೇ ಸಮಯದಲ್ಲಿ ಸೀರಿಯಲ್ ಮುಗಿಸಿದ್ದರು. ಇದಾಗಿ ಸ್ವಲ್ಪ ಸಮಯದಲ್ಲಿ ಆರಂಭವಾದ ಕರಿಮಣಿ ಸೀರಿಯಲ್ ಗೆ ಸ್ಪಂದನಾ ಮತ್ತೆ ನಾಯಕಿಯಾಗಿದ್ದಾರೆ. 

ಮೈಸೂರಿನ ಹುಡುಗಿಯಾಗಿರುವ ಸ್ಪಂದನಾ ಓದಿದ್ದು, ಇಂಜಿನಿಯರಿಂಗ್ ಆದರೂ, ಇಂಜಿನಿಯರ್ ಆಗುವ ಹೊತ್ತಲ್ಲೇ, ಬಣ್ಣದ ಲೋಕ ಸ್ವಾಗತಿಸಿದ್ದು, ತೆಲುಗಿನ ಅಭಿಲಾಶ ಸೀರಿಯಲ್ ಮೂಲಕ ನಟನೆಗೆ ಎಂಟ್ರಿ ಕೊಟ್ಟ ಇವರು, ಕನ್ನಡದಲ್ಲಿ ನಾನು ನನ್ನ ಕನಸು ಧಾರಾವಾಹಿಯಲ್ಲಿ ನಟಿಸಿದ್ದರು. ಇದಾದ ಬಳಿಕ ಸಿನಿಮಾದಲ್ಲಿ ನಟಿಸಿ, ಈಗ ಮತ್ತೆ ಕಿರುತೆರೆಯಲ್ಲಿ ಮಿಂಚುತ್ತಿದ್ದಾರೆ. 

ಸ್ಯಾಂಡಲ್ ವುಡ್ ನಲ್ಲಿ ದಿಲ್ ಖುಷ್, ಮರೀಚಿ ಸಿನಿಮಾಗಳಲ್ಲಿ ಮಿಂಚಿದ ಸ್ಪಂದನಾ ಸೋಮಣ್ಣ ಈಗ ಕರಿಮಣಿಯಲ್ಲಿ (Karimani) ಸಾಹಿತ್ಯ ಆಗಿ, ತಮ್ಮ ಅಭಿನಯದ ಮೂಲಕವೇ ಮೋಡಿ ಮಾಡುತ್ತಿದ್ದಾರೆ. ಜೊತೆಗೆ ಇವರ ಮುದ್ದಾದ ಮಾತು, ಮುಖಕ್ಕೆ ಎಷ್ಟೊ ಜನ ಫ್ಯಾನ್ ಆಗ್ಬಿಟ್ಟಿದ್ದಾರೆ. 

ಸೋಶಿಯಲ್ ಮೀಡಿಯಾದಲ್ಲಿ (social media) ಆಕ್ಟೀವ್ ಆಗಿರುವ ನಟಿ ಸ್ಪಂದನಾ ಹೊಸ ಫೋಟೋಗಳನ್ನು ಶೇರ್ ಮಾಡಿದ್ದು, ಲೆಹೆಂಗಾ ಧರಿಸಿ, ತಮ್ಮ ಥಳುಕು ಬಳುಕು, ವಯ್ಯಾರದಿಂದ ಪೋಸ್ ಕೊಟ್ಟಿರುವ ಸ್ಪಂದನಾ ಲುಕ್ ಗೆ ಅಭಿಮಾನಿಗಳು ಮನಸೋತು ವಾವ್ ಅನ್ನುತ್ತಿದ್ದಾರೆ. 

ಸ್ಟೈಲಿಸ್ಟ್ ಚಂದನ್ ಗೌಡ ಅವರ ರೆಂಟ್ ಯುರ್ ಲುಕ್ ನಿಂದ ಪಡೆದಂತಹ ಬಿಳಿ ಬಣ್ಣದ ಲೆಹೆಂಗಾಕ್ಕೆ, ಹಸಿರು, ಕೆಂಪು, ಹಳದಿ ಬಣ್ಣದ ಡೀಸೈನ್ ಇರುವ ಬಾರ್ಡರ್ ಇದ್ದು, ಕೈತುಂಬಾ ಬಳೆ, ಮೂಗಿಗೆ ದೊಡ್ಡದಾದ ನತ್ತು ಧರಿಸಿ, ವೈಟ್ ಬ್ಯಾಕ್ ಗ್ರೌಂಡ್ ನಲ್ಲಿ ಸುಂದರವಾಗಿ ಕಾಣಿಸಿಕೊಂಡಿದ್ದಾರೆ. 

ಸ್ಪಂದನಾ ಚೆಂದ ನೋಡಿ ಫಿದಾ ಆಗಿರುವ ನೆಟ್ಟಿಗರು ಪ್ರೆಟಿ, ಮಸ್ತಾನಿ, ನಿನ್ನ ಅಂದಕ್ಕೆ ನಾ ಅಭಿಮಾನಿ..ನನ್ನ ಎದೆಗೆ ನೀ ಯಜಮಾನಿ, ರಾಣಿ ತರ ಕಾಣಿಸ್ತಿದ್ದೀರಾ, ಕಣ್ಣೋಟವೆ ಅದ್ಭುತವಾಗಿದೆ, ಬ್ಯೂಟಿಫುಲ್ ಸಾಹಿತ್ಯ, ಸ್ಪಂದನಾ ನೀನು ಚಂದಿರನ ತುಂಡು ಎಂದೆಲ್ಲಾ ಕಾಮೆಂಟ್ ಮಾಡಿದ್ದಾರೆ.