ಕನ್ನಡ ಕಿರುತೆರೆ ಖ್ಯಾತ ನಟಿ ಜ್ಯೋತಿ ರೈ ಹೊಸ ವೆಬ್ ಸಿರೀಸ್ ಮೂಲಕ ಪ್ರೇಕ್ಷಕರ ಮುಂದೆ ಬರುತ್ತಿದ್ದಾರೆ. ಇತ್ತೀಚೆಗೆ, ಈ ಸರಣಿಯ ರೋಮ್ಯಾಂಟಿಕ್ ಪೋಸ್ಟರ್ ಸಾಮಾಜಿಕ ಮಾಧ್ಯಮದಲ್ಲಿ ವೈರಲ್ ಆಗುತ್ತಿದೆ.
ಸೋಷಿಯಲ್‌ ಮೀಡಿಯಾದಲ್ಲಿ ಆಕ್ಟಿವ್‌ ಇರುವ ಜ್ಯೋತಿ ರೈ ಆಗಾಗ ಹಾಟ್ ಫೋಟೋಶೂಟ್‌ ಮೂಲಕ ಹೈಪ್‌ ಕ್ರಿಯೇಟ್‌ ಮಾಡುತ್ತಾರೆ. ಇದೀಗ ಫೋಟೋದಲ್ಲಿ ಜ್ಯೋತಿ ವ್ಯಕ್ತಿಯೊಬ್ಬನಿಗೆ ಲಿಪ್ ಕಿಸ್‌ ಮಾಡಿರುವ ಫೋಟೋವನ್ನು ನಟಿ ಹಂಚಿಕೊಂಡಿದ್ದಾರೆ.
ಕನ್ನಡ ಮತ್ತು ತೆಲುಗು ಧಾರಾವಾಹಿಗಳಲ್ಲಿ ನಟಿಸುವ ಮೂಲಕ ಜ್ಯೋತಿ ರೈ ಉತ್ತಮ ಕ್ರೇಜ್‌ ಹೊಂದಿದ್ದಾರೆ. ಕನ್ನಡದಲ್ಲೇ ಸರಿ ಸುಮಾರು 20ಕ್ಕು ಹೆಚ್ಚು ಧಾರವಾಹಿಗಳಲ್ಲಿ ನಟಿಸಿ ಜನಮನ ಗೆದ್ದಿದ್ದಾರೆ. ಮೂರುಗಂಟು, ಅನುರಾಗ ಸಂಗಮ, ಕನ್ಯಾದಾನ, ಕಸ್ತೂರಿ ನಿವಾಸ, ಗೆಜ್ಜೆ ಪೂಜೆ, ಕಿನ್ನರಿ ಧಾರಾವಾಹಿಗಳ ಮೂಲಕ ಜನಮನ ಸೆಳೆದಿದ್ದಾರೆ ಜ್ಯೋತಿ.
ಜ್ಯೋತಿ ರೈ ಕಳೆದ ಎರಡು ದಶಕಗಳಿಂದ ಸಿನಿರಂಗದಲ್ಲಿ ಮಿಂಚುತ್ತಿದ್ದು, ಸಿನಿಮಾ, ಧಾರಾವಾಹಿಗಳು ಮತ್ತು ವೆಬ್ ಸರಣಿಗಳಲ್ಲಿ ಬ್ಯುಸಿಯಾಗಿದ್ದಾರೆ. ಇತ್ತೀಚಿಗೆ ಜ್ಯೋತಿ ತಮ್ಮ ಹಾಟ್ ಅವತಾರದ ಮೂಲಕ ಸೋಷಿಯಲ್‌ ಮೀಡಿಯಾದಲ್ಲಿ ಗಮನ ಸೆಳೆದಿದ್ದರು. ಸದ್ಯ ತಮ್ಮ ಹೊಸ ಚಿತ್ರದ ಪೋಸ್ಟರ್ ಮೂಲಕ ಗಮನಸೆಳೆಯುತ್ತಿದ್ದಾರೆ.
ಸದ್ಯ ಹಾಟ್ ಬ್ಯೂಟಿ ಜ್ಯೋತಿ, 'ನೋ ಮೋರ್ ಸೀಕ್ರೆಟ್ಸ್' ಎಂಬ ವೆಬ್ ಸೀರೀಸ್‌ನಲ್ಲಿ ನಟಿಸುತ್ತಿದ್ದು, ಕೃನಾಲ್ ಕಪೂರ್ ಜೊತೆಗೆ ಕಾಣಿಸಿಕೊಂಡಿದ್ದಾರೆ. ನೋ ಮೋರ್ ಸೀಕ್ರೆಟ್ಸ್ ಸಿನಿಮಾವನ್ನು ವಿಜಯ್ ಕುಡಿಕುಳ ನಿರ್ದೇಶಿಸುತ್ತಿದ್ದು, ಪಾರ್ತಿರೆಡ್ಡಿ, ಜೀವನ್ ರೆಡ್ಡಿ ಮತ್ತು ಸಂಘಮಿತ್ರ ಜಂಟಿಯಾಗಿ ಈ ಸರಣಿಯನ್ನು ನಿರ್ಮಿಸುತ್ತಿದ್ದಾರೆ.
ಜ್ಯೋತಿ ತಮ್ಮ ಮುಂಬರುವ ವೆಬ್ ಸಿರೀಸ್ 'ನೋ ಮೋರ್ ಸೀಕ್ರೆಟ್ಸ್'ನ ಪೋಸ್ಟರ್ ಅನ್ನು ಸಾಮಾಜಿಕ ಮಾಧ್ಯಮದಲ್ಲಿ ಹಂಚಿಕೊಂಡಿದ್ದಾರೆ. ಪೋಸ್ಟರ್‌ನಲ್ಲಿ ಜ್ಯೋತಿ ಅವರು ಸಮುದ್ರತೀರದಲ್ಲಿ ಹುಡುಗನೊಂದಿಗೆ ತಬ್ಬಿಕೊಂಡು ಲಿಪ್ ಲಾಕ್ ಮಾಡುತ್ತಿರುವ ದೃಶ್ಯವನ್ನು ಕಾಣಬಹುದು.
ಜ್ಯೋತಿ ರೈ ಹೆಸರು ಕಳೆದ ಕೆಲವು ಸಮಯದಿಂದ ಸಿಕ್ಕಾಪಟ್ಟೆ ಸುದ್ದಿಯಲ್ಲಿದ್ದಾರೆ. ಸದಾ ಸೀರಿಯಲ್ ಗಳಲ್ಲಿ ಸಾಂಪ್ರದಾಯಿಕ ಲುಕ್ ನಲ್ಲಿ ಕಾಣಿಸುತ್ತಿದ್ದ ಜ್ಯೋತಿ ರೈ ಈಗಂತೂ ಮಾಡರ್ನ್ ಡ್ರೆಸ್ ನಲ್ಲಿಯೇ ಹೆಚ್ಚಾಗಿ ಕಾಣಿಸಿಕೊಳ್ಳುತ್ತಿದ್ದಾರೆ.