Bigg Boss ಇತಿಹಾಸದಲ್ಲೇ ಮೊದಲು: ರೋಬೋ ಎಂಟ್ರಿ! ನಿಮ್ದೆಲ್ಲಾ ಗೊತ್ತು ಎನ್ನುತ್ತ ಕಿಚ್ಚನನ್ನೇ ಸುಸ್ತು ಮಾಡ್ತು

ಬಿಗ್​ಬಾಸ್​ ಕನ್ನಡ ಸೀಸನ್ 12 ಫಿನಾಲೆ ಹತ್ತಿರವಾಗುತ್ತಿದ್ದಂತೆ, ಇತಿಹಾಸದಲ್ಲೇ ಮೊದಲ ಬಾರಿಗೆ ರೋಬೋಟ್​ ಒಂದು ಮನೆಗೆ ಎಂಟ್ರಿ ಕೊಟ್ಟಿದೆ. ಈ ರೋಬೋಟ್, ನಿರೂಪಕ ಕಿಚ್ಚ ಸುದೀಪ್​ ಅವರಿಗೇ ಗೊತ್ತಿಲ್ಲದ ಶೋನ ಹಲವು ಅಂಕಿಅಂಶಗಳನ್ನು ಬಹಿರಂಗಪಡಿಸಿ ಎಲ್ಲರಿಗೂ ಅಚ್ಚರಿ ಮೂಡಿಸಿದೆ.

ಫಿನಾಲೆಗೆ ದಿನ ಗಣನೆ

ಬಿಗ್​ಬಾಸ್​ 12 (BBK 12) ಮುಗಿಯಲು ಇನ್ನೇನು ಕೆಲವೇ ದಿನಗಳು ಬಾಕಿ ಇವೆ. ಇದಾಗಲೇ ಟಾಸ್ಕ್​ಗಳ ಭರಾಟೆ ಜೋರಾಗಿ ನಡೆಯುತ್ತಿದೆ. ಕೊನೆ ಕ್ಷಣದ ಫೈಟಿಂಗ್​ ಮಾಡಿ ಬಿಗ್​ಬಾಸ್​ ವಿನ್​ ಆಗಲು ಸ್ಪರ್ಧಿಗಳು ಪೈಪೋಟಿ ನಡೆಸುತ್ತಿದ್ದಾರೆ.

ಇತಿಹಾಸದಲ್ಲೇ ಮೊದಲು

ಇದರ ನಡುವೆಯೇ ಬಿಗ್​ಬಾಸ್​​ ಇತಿಹಾಸದಲ್ಲಿ ಇದೇ ಮೊದಲ ಬಾರಿಗೆ ಎನ್ನುವಂತೆ ರೋಬೋಟ್​ (Robot in Bigg Boss Kannada) ಎಂಟ್ರಿ ಕೊಟ್ಟಿದೆ! ಕಿಚ್ಚನ ಜೊತೆ ಅವರಿಗೇ ತಿಳಿಯದ ಹಲವು ವಿಷಯಗಳನ್ನು ರೋಬೋಟ್​ ರಿವೀಲ್​ ಮಾಡಿದೆ.

ಮೂರ್ತಿ ಚಿಕ್ಕದಾದ್ರೂ ಮೆಮೊರಿ ದೊಡ್ಡದು

ಮೂರ್ತಿ ಚಿಕ್ಕದಾದರೂ ಮೆಮೊರಿ ದೊಡ್ಡದು ಬ್ರೋ. ನಿಮ್​ ಸ್ಟೈಲ್​ನಲ್ಲಿ ಹೇಳಬೇಕೆಂದರೆ ಕಟೌಟ್​ ನೋಡಿ ಕೆಲವೊಂದನ್ನು ನಂಬಬೇಕಾಗತ್ತೆ ಬ್ರೋ ಎನ್ನುತ್ತಲೇ ಕಿಚ್ಚನ ಬಗ್ಗೆ ಕೆಲವು ವಿಷಯ ಹೇಳುವ ಮೂಲಕ ಅವರನ್ನೇ ಸರ್​ಪ್ರೈಸ್​ ಮಾಡಿಬಿಟ್ಟಿದೆ ಈ ರೋಬೋಟ್​.

ಏನದು ಸರ್​ಪ್ರೈಸ್​

ಬಿಗ್​ಬಾಸ್​ಗೆ ಇದುವರೆಗೆ ಬಂದಿರೋದು ಬಾಯ್ಸ್​ 117 ಜನ. ಗರ್ಲ್ಸ್​ 121 ಜನ. ಅದರಲ್ಲಿ ವೈಲ್ಡ್​ ಕಾರ್ಡ್​ 20. ಒಟ್ಟೂ 238. ಇವರನ್ನೆಲ್ಲಾ ಇಟ್ಟುಕೊಂಡು ನೀವು ಮಾಡಿರೋದು 328 ವೀಕೆಂಡ್​ ಎಪಿಸೋಡ್​ ಎಂದಾಗ ಅಚ್ಚರಿಗೊಂಡು ಸುದೀಪ್​, ಇದು ನನಗೇ ಗೊತ್ತಿರಲಿಲ್ಲ ಎಂದಿದ್ದಾರೆ.

ಜನರ ಪ್ರೀತಿ

ಮುಂದುವರೆದ ರೋಬೋಟ್​, ಇದುವರೆಗೆ ಮೂರು ಲೊಕೇಷನ್​ ಚೇಂಜ್​ ಆಗಿದೆ. ಒಂದಷ್ಟು ಜನ ಡೈರೆಕ್ಟರೇ ಚೇಂಜ್​ ಆಗಿದ್ದಾರೆ. ಇಷ್ಟೆಲ್ಲಾ ಚೇಂಜ್​ ಆದ್ರೂ ನಿಮ್ಮ ಮತ್ತು ನಮ್ಮ ಜನರ ಪ್ರೀತಿ ಮಾತ್ರ ಹಾಗೆಯೇ ಇದೆ ಎಂದಿದೆ.