ಮುಖವಾಡ ಹಾಕಿರೋದು ಗೌತಮಿ ಅಲ್ಲ ಮೋಕ್ಷಿತಾ; ಅರ್ಥ ಆಯ್ತಾ ಎಂದು ಕಾಲೆಳೆದ ನೆಟ್ಟಿಗರು!

ಬಿಗ್ ಬಾಸ್ ಮನೆಯಲ್ಲಿ ಪಾಸಿಟಿವ್‌ಗಿಂತ ಹೆಚ್ಚಾಗಿ ನೆಗೆಟಿವ್ ಕಾಮೆಂಟ್ ಪಡೆಯುತ್ತಿರುವ ಮೋಕ್ಷಿತಾ ಸಿಕ್ಕಾಪಟ್ಟೆ ಟ್ರೋಲ್...

ಪಾರು ಧಾರಾವಾಹಿ ಮೂಲಕ ಕನ್ನಡ ಕಿರುತೆರೆಗೆ ಕಾಲಿಟ್ಟ ಮೋಕ್ಷಿತಾ ಪೈ ಇದೀಗ ಬಿಗ್ ಬಾಸ್ ಸೀಸನ್ 11ರಲ್ಲಿ ಸ್ಪರ್ಧಿಸುತ್ತಿದ್ದಾರೆ. ಎಂಟ್ರಿ ಕೊಡುತ್ತಿದ್ದಂತೆ ನರಕಕ್ಕೆ ಕಾಲಿಟ್ಟರು. 

ಮೋಕ್ಷಿತಾ ಪೈ ಸಿಕ್ಕಾಪಟ್ಟೆ ರಿಸರ್ವ್‌ ವ್ಯಕ್ತಿ. ಯಾರ ಜೊತೆನೂ ಹೆಚ್ಚಾಗಿ ಬರೆಯುವುದಿಲ್ಲ ಮಾತನಾಡುವುದಿಲ್ಲ ಆದರೆ ಉಗ್ರಂ ಮಂಜು ಮತ್ತು ಸತ್ಯ ಸೀರಿಯಲ್ ಗೌತಮಿ ಬಿಟ್ಟು ಎಂದೂ ಇದ್ದವರಲ್ಲ. 

ಮ್ಯಾಚ್‌ ಫಿಕ್ಸಿಂಗ್ ಉಗ್ರಂ ಮಂಜು ಮಾಡಿದರೂ ಅದಕ್ಕೆ ಸಾಥ್ ಕೊಡುತ್ತಿರುವುದು ಮೋಕ್ಷಿತಾ ಮತ್ತು ಗೌತಮಿ. ಹೀಗಾಗಿ ಸೋಷಿಯಲ್ ಮೀಡಿಯಾದಲ್ಲಿ ಇವರಿಬ್ಬರನ್ನು ಹೆಚ್ಚಾಗಿ ಟ್ರೋಲ್ ಮಾಡುತ್ತಿದ್ದಾರೆ.

ನಾಮಿನೇಷನ್‌ನಿಂದ ಸೇಫ್‌ ಆಗಿ ಮತ್ತೆ ಕಾರಿನಲ್ಲಿ ಎಂಟ್ರಿ ಕೊಡುತ್ತಿದ್ದಂತೆ ಬದಲಾಗಿ ಬಂದ ಮೋಕ್ಷಿತಾ ಇನ್ನೂ ರೆಬೆಲ್ ಆಗಿದ್ದಾರೆ. ಸಣ್ಣ ಪುಟ್ಟ ವಿಚಾರಕ್ಕೂ ಜಗಳ ಮಾಡುತ್ತಿದ್ದಾರೆ ಹೀಗಾಗಿ ಇದೊಂದು ನೆಗೆಟಿವ್ ಪಾಯಿಂಟ್ ಎನ್ನಬಹುದು. 

ತಾವು ವಾದ ಮಾಡುವಾಗ ಜಗಳ ಮಾಡುವಾಗ ಪಾಯಿಂಟ್ ಇಲ್ಲ ಅಂದರೆ ಪದೇ ಪದೇ ಅರ್ಥ ಆಯ್ತಾ ಅರ್ಥ ಆಯ್ತಾ ಎಂದು ಕೇಳುವುದನ್ನು ಜನರು ಟ್ರೋಲ್ ಮಾಡಿದ್ದರು. 

ಇಷ್ಟು ದಿನ ಗೌತಮಿ ಮುಖವಾಡ ಹಾಕಿಕೊಂಡಿದ್ದಾರೆ ಎಂದು ನೆಗೆಟಿವ್ ಕಾಮೆಂಟ್ ಬರುತ್ತಿತ್ತು ಆದರೆ ಇದೀಗ ಮೋಕ್ಷಿತಾ ಮುಖವಾಡ ಹಾಕಿಕೊಂಡಿದ್ದಾರೆ ಎಂದು ಟ್ರೋಲ್ ಆಗುತ್ತಿದೆ.