Amruthadhaare: ಕೊನೆಗೂ ಕಳಚಿತು ಶಕುಂತಲಾ ಮುಖವಾಡ- ಸೀರಿಯಲ್​ ಮತ್ತೆ ಪುನರಾರಂಭ?

'ಅಮೃತಧಾರೆ' ಧಾರಾವಾಹಿಯಲ್ಲಿ ಶಕುಂತಲಾಳ ಮುಖವಾಡ ಕಳಚಿದೆ. ಕೇಕ್​ನಲ್ಲಿ ಬಾಂಬ್ ಇಟ್ಟಿದ್ದು ತಾನೇ ಆದರೂ, ಮಗ ಜೈದೇವನ ಮೇಲೆ ಆರೋಪ ಹೊರಿಸಿ ಜೈಲಿಗೆ ಕಳುಹಿಸಿದ್ದಳು. ಈಗ ಮತ್ತೆ ಜೈದೇವನನ್ನು ಹೊರತಂದು, ಗೌತಮ್-ಭೂಮಿಕಾ ವಿರುದ್ಧ ಹೊಸ ಸಂಚು ರೂಪಿಸುವ ಸಾಧ್ಯತೆ ಇದೆ.

ಹುಟ್ಟು ಗುಣ

ಹುಟ್ಟುಗುಣ ಸುಟ್ಟರೂ ಹೋಗಲ್ಲ ಎನ್ನೋ ಗಾದೆ ಮಾತನ್ನು ನಮ್ಮ ಹಿರಿಯರು ಸುಮ್ಮನೇ ಮಾಡಿಲ್ಲ ಬಿಡಿ. ನಿಜ ಜೀವನದಲ್ಲಿ ಹಲವರಿಗೆ ಈ ಅನುಭವ ಆಗುತ್ತಲೇ ಇರುತ್ತದೆ. ಅದನ್ನೇ ಇದೀಗ ಅಮೃತಧಾರೆ ಸೀರಿಯಲ್​ (Amruthadaare Serial)ನಲ್ಲಿಯೂ ತೋರಿಸುತ್ತಿದ್ದಾರೆ.

ಹೆತ್ತ ಮಗನ ಮೇಲೆ ಪ್ರೀತಿ

ಗೌತಮ್​- ಭೂಮಿಕಾ ಎಷ್ಟೇ ಪ್ರೀತಿ ತೋರಿದರೂ, ಹೆತ್ತ ಮಗ ಜೈದೇವನೇ ಮನೆಯಿಂದ ಆಚೆಗೆ ಹಾಕಿದರೂ, ಶಕುಂತಲಾಗೆ ಹೆತ್ತ ಮಗನ ಮೇಲೆಯೇ ಹೆಚ್ಚು ಪ್ರೀತಿ. ಗೌತಮ್​ ಮತ್ತು ಭೂಮಿಕಾರ ಮೇಲೆ ಸೇಡು ತೀರಿಸಿಕೊಳ್ಳುವ ಗುಣ ಅತ್ತ ಶಕುಗೂ ಹೋಗಲ್ಲ, ಇತ್ತ ಜೈದೇವಗೂ ಹೋಗ್ತಿಲ್ಲ.

ನಿದ್ದೆ ಮಾತ್ರೆ ಹಾಕಿದ್ದ ಜೈದೇವ

ಮಿಂಚು ಮತ್ತು ಆಕಾಶ್​ ಹುಟ್ಟುಹಬ್ಬದ ದಿನ ಜ್ಯೂಸ್​ನಲ್ಲಿ ನಿದ್ದೆ ಮಾತ್ರೆ ಹಾಕಿ ಎಲ್ಲರ ಪ್ರಜ್ಞೆ ತಪ್ಪಿಸಿ, ಮಿಂಚುವನ್ನು ಕಿಡ್​ನ್ಯಾಪ್​ ಮಾಡಿಕೊಂಡು ಹೋಗುವ ಆಸೆಯಲ್ಲಿದ್ದ ಜೈದೇವ. ಆದರೆ ಮಕ್ಕಳ ಕೇಕ್​ನಲ್ಲಿ ಬಾಂಬ್​ ಹಾಕಿರುವುದು ಬೆಳಕಿಗೆ ಬಂದಿತ್ತು.

ಜೈಲಿಗೆ ಅಟ್ಟಿದ್ದ ಶಕುಂತಲಾ

ಇದನ್ನು ಜೈದೇವನ ಮೇಲೆ ಹೊರಿಸಿ ಶಕುಂತಲಾ ಆತನನ್ನು ಜೈಲಿಗೆ ಅಟ್ಟಿದಳು. ಜೈದೇವ ತಾನು ಆ ಕೆಲಸ ಮಾಡಲಿಲ್ಲ ಎಂದು ಹೇಳಿದ್ದ. ಅದಾಗಲೇ ಈ ಕೆಲಸ ಮಾಡಿದ್ದು ಶಕುಂತಲಾ ಎನ್ನುವುದು ಬುದ್ಧಿವಂತ ವೀಕ್ಷಕರಿಗೆ ಅರ್ಥ ಆಗಿತ್ತು.

ಮುಖವಾಡ ಬಯಲು

ಅದೀಗ ಹಾಗೆಯೇ ಆಗಿದೆ. ಶಕುಂತಲಾ ಮುಖವಾಡ ಬಯಲಾಗಿದೆ. ಅವಳೇ ಕೇಕ್​ನಲ್ಲಿ ಬಾಂಬ್​ ಇಟ್ಟು, ಪೊಲೀಸರಿಗೆ ಫೋನ್​ ಮಾಡಿದ್ದಾಳೆ. ತಾನು ಒಳ್ಳೆಯವಳು ಎನ್ನುವ ಪೋಸ್​ ಕೊಟ್ಟು ಮತ್ತೆ ಎಲ್ಲರನ್ನೂ ಮೂರ್ಖಳನ್ನಾಗಿಸಿದ್ದಾಳೆ.

ಮತ್ತೆ ಆರಂಭದಿಂದ ಸೀರಿಯಲ್​ ಶುರು

ಮುಂದೆ ಜೈದೇವನನ್ನು ಜೈಲಿನಿಂದ ಬಿಡುಗಡೆ ಮಾಡಿಕೊಂಡು ಬರ್ತಾಳೆ. ನಂತರ ಅಮ್ಮ-ಮಗ ಸೇರಿ ಮತ್ತೆ ಖತರ್ನಾಕ್​ ಪ್ಲ್ಯಾನ್​ ಮಾಡ್ತಾರೆ. ಮತ್ತೊಂದಿಷ್ಟು ವರ್ಷ ಸೀರಿಯಲ್​ ಮುಂದೆ ಹೋಗತ್ತೆ. ನಾಯಕ-ನಾಯಕಿಯರನ್ನು ಮತ್ತೆ ಪೆದ್ದುಗಳನ್ನಾಗಿ ಮಾಡಲಾಗುತ್ತೆ. ಹೊಸದಾಗಿ ಸೀರಿಯಲ್​ ಮತ್ತೆ ಶುರುವಾಗುತ್ತೆ!