Amruthadhaare ಸೆಟ್​ನಲ್ಲಿ ಮಗ ಗೌತಮ್​ ಜೊತೆ ಲೇಡಿ ವಿಲನ್​ ಶಕುಂತಲಾ ಹೇಗೆ ಇರ್ತಾರೆ ನೋಡಿ

'ಅಮೃತಧಾರೆ' ಧಾರಾವಾಹಿಯಲ್ಲಿ ಖಳನಾಯಕಿ ತಾಯಿ ಶಕುಂತಲಾ ಮತ್ತು ಮಗ ಗೌತಮ್ ಪಾತ್ರಗಳು ಜನಪ್ರಿಯವಾಗಿವೆ. ಆದರೆ ಈ ಪಾತ್ರಗಳನ್ನು ನಿರ್ವಹಿಸುತ್ತಿರುವ ವನಿತಾ ವಾಸು ಮತ್ತು ರಾಜೇಶ್ ನಟರಂಗ ಅವರು ನಿಜ ಜೀವನದಲ್ಲಿ ಉತ್ತಮ ಸ್ನೇಹಿತರಾಗಿದ್ದು, ಈ ಕುರಿತು ನಟಿ ಸೋಶಿಯಲ್ ಮೀಡಿಯಾದಲ್ಲಿ ಹಂಚಿಕೊಂಡಿದ್ದಾರೆ.

ಒಳ್ಳೆ ಮಗ, ಕೆಟ್ಟ ಅಮ್ಮ

ತುಂಬಾ ಒಳ್ಳೆಯ ಮಗ, ತೀರಾ ಕೆಟ್ಟ ಅಮ್ಮ ಅರ್ಥಾತ್​ ಚಿಕ್ಕಮ್ಮ. ಇದು ಬಹುತೇಕ ಸೀರಿಯಲ್​ಗಳಲ್ಲಿ ಮಾಮೂಲಾಗಿದೆ. ಅದೇ ರೀತಿ ಅಮೃತಧಾರೆ (Amruthadhaare)ಯಲ್ಲಿ ಕೂಡ.

ಹುಟ್ಟುಗುಣ

ಇಲ್ಲಿ ವಿಲನ್​ ಶಕುಂತಲಾ ಮತ್ತು ಮಗ ಗೌತಮ್​ ಸ್ಟೋರಿ. ಇದೀಗ ತನ್ನ ಸ್ವಂತ ಮಗ ಜೈದೇವ್​ ಮನೆಯಿಂದ ಒದ್ದು ಹೊರಹಾಕಿದ ಬಳಿಕ ಶಕುಂತಲಾಗೆ ಗೌತಮ್​ ಗತಿಯಾದ್ರೂ, ಸ್ವಂತ ಮಗನ ಮೇಲಿನ ವ್ಯಾಮೋಹ ಮಾತ್ರ ಹೋಗಿಲ್ಲ. ಅಷ್ಟಕ್ಕೂ ಹುಟ್ಟುಗುಣ ಸುಟ್ಟರೂ ಹೋಗಲ್ವಲ್ಲಾ ಹಾಗೆನೇ ಇದು.

ಯಾರೀ ಪಾತ್ರಧಾರಿಗಳು

ಸೀರಿಯಲ್​ನಲ್ಲಿ ಗೌತಮ್​ ಪಾತ್ರಧಾರಿಯಾಗಿ ರಾಜೇಶ್​ ನಟರಂಗ (Rajesh Nataranga) ಹಾಗೂ ಶಕುಂತಲಾ ಆಗಿ ವನಿತಾ ವಾಸು ನಟಿಸುತ್ತಿದ್ದಾರೆ.

ಸೀರಿಯಲ್​ನಲ್ಲಿ ಅಮ್ಮ-ಮಗ

ಸೀರಿಯಲ್​ನಲ್ಲಿ ಈ ಅಮ್ಮ-ಮಗ ಹೇಗೆ ಇರಲಿ, ರಿಯಲ್​ ಲೈಫ್​ನಲ್ಲಿ ಮಾತ್ರ ರಾಜೇಶ್​ ಮತ್ತು ವನಿತಾ ವಾಸು ಅವರ ತುಂಬಾ ಒಳ್ಳೆಯ ಫ್ರೆಂಡ್ಸ್​. ಈ ಕುರಿತು ನಟಿ ತಮ್ಮ ಸೋಷಿಯಲ್​ ಮೀಡಿಯಾದಲ್ಲಿ ಫೋಟೋ ಶೇರ್​ ಮಾಡಿಕೊಂಡಿದ್ದಾರೆ.

ರಿಯಲ್​ ಲೈಫ್​ ಫ್ರೆಂಡ್ಸ್​

ಸೀರಿಯಲ್​ ನಮಗೆ ಸಹೊದ್ಯೋಗಿಯನ್ನಾಗಿ ಮಾಡಿದೆ. ಆದರೆ ರಿಯಲ್​ ಲೈಫ್​ನಲ್ಲಿ ನಾವಿಬ್ಬರೂ ಫ್ರೆಂಡ್ಸ್​ ಎಂದು ನಟಿ ಬರೆದುಕೊಂಡಿದ್ದಾರೆ.