15 ವರ್ಷಕ್ಕೆ ಮನೆಯಿಂದ ಓಡಿ ಹೋಗಿದ್ದ ನಟಿ ಮದುವೆಗೆ ಮುನ್ನವೇ ಗರ್ಭಿಣಿಯಾದ್ರು, ಗಂಡನನ್ನು 2 ಬಾರಿ ಮದುವೆಯಾದ್ರು!

ಆಕೆ ಕಿರುತೆರೆಯಲ್ಲಿ ಜನಪ್ರಿಯ ನಟಿ ಮೊದಲ ಮದುವೆ ಮುರಿದು ಬಿದ್ದ ಬಳಿಕ. ಎರಡನೇ ಮದುವೆಯಾದರು. ಎರಡನೇ ಮದುವೆಗೆ ಮುನ್ನವೇ ಗರ್ಭಿಣಿಯಾಗಿ ಮಗುವಿನ ತಾಯಿಯಾದರು. ಎರಡನೇ ಗಂಡನನ್ನು ಎರಡು ಬಾರಿ ಮದುವೆಯಾಗಿದ್ದಾರೆ.    

'ದೇವೋನ್ ಕೆ ದೇವ್ ಮಹಾದೇವ್' ಧಾರಾವಾಹಿಯಲ್ಲಿ ಪಾರ್ವತಿ ದೇವಿಯ ಪಾತ್ರದಲ್ಲಿ ನಟಿಸಿ ಜನಪ್ರಿಯತೆ ಗಳಿಸಿದ ಕಿರುತೆರೆ ನಟಿ ಪೂಜಾ ಬ್ಯಾನರ್ಜಿ ಅವರ ನಿಜ ಜೀವನವು ಚಿತ್ರದ ಕಥೆಗಿಂತ ಕಡಿಮೆಯಿಲ್ಲ. ಎರಡು ಬಾರಿ ಮದುವೆಯಾಗಿದ್ದ ಈ ಸುಂದರ ನಟಿ ತನ್ನ 15 ನೇ ವಯಸ್ಸಿನಲ್ಲಿ ಮನೆಯಿಂದ ಓಡಿಹೋದಳು.

ಸ್ವತಃ ಪೂಜಾ ಬ್ಯಾನರ್ಜಿ ತಮ್ಮ ಸಂದರ್ಶನವೊಂದರಲ್ಲಿ ಈ ವಿಷಯವನ್ನು ಬಹಿರಂಗಪಡಿಸುವ ಮೂಲಕ ಎಲ್ಲರಿಗೂ ಆಶ್ಚರ್ಯವಾಗಿದ್ದಾರೆ. ಆದರೆ ನಂತರ ಪೂಜಾ ಬ್ಯಾನರ್ಜಿ ತಮ್ಮ ನಿರ್ಧಾರಕ್ಕೆ ತೀವ್ರವಾಗಿ ವಿಷಾದ ವ್ಯಕ್ತಪಡಿಸಿದ್ದರು.

ಪೂಜಾ ಬ್ಯಾನರ್ಜಿ 15 ನೇ ವಯಸ್ಸಿನಲ್ಲಿ ಮನೆಯಿಂದ ಓಡಿಹೋದರು. ಅಷ್ಟೇ ಅಲ್ಲ, ಅವರು ಮದುವೆಗೆ ಮುಂಚೆಯೇ ಗರ್ಭಿಣಿಯಾಗಿದ್ದರು. 2004 ರಲ್ಲಿ ಪೂಜಾ ಬ್ಯಾನರ್ಜಿ ತನ್ನ ಪ್ರೇಮಿ ಅರುಣೋಯ್ ಚಕ್ರವರ್ತಿ ಅವರನ್ನು ವಿವಾಹವಾದರು. ಮದುವೆಯಾದ ಕೆಲವೇ ದಿನಗಳಲ್ಲಿ ಅವರ ಸಂಬಂಧವು ಹಳಸಿತು. ನಂತರ ಇಬ್ಬರೂ 2013 ರಲ್ಲಿ ಪರಸ್ಪರ ಒಪ್ಪಿಗೆಯೊಂದಿಗೆ ವಿಚ್ಛೇದನ ಪಡೆದು ಬೇರೆಯಾದರು.

ತನ್ನ ಮೊದಲ ಮದುವೆ ಮುರಿದುಬಿದ್ದ ದುಃಖವನ್ನು ಮರೆತು, ಪೂಜಾ ಬ್ಯಾನರ್ಜಿ ತನ್ನ ವೃತ್ತಿಜೀವನದತ್ತ ಮಾತ್ರ ಗಮನಹರಿಸಿದರು ಮತ್ತು 'ದೇವೊನ್ ಕೆ ದೇವ್ ಮಹಾದೇವ್' ಧಾರವಾಹಿಯಲ್ಲಿ ಪಾರ್ವತಿ ದೇವಿಯ ಪಾತ್ರವನ್ನು ಅತ್ಯಂತ ಉತ್ಸಾಹದಿಂದ ನಿರ್ವಹಿಸಿದರು. ಪೂಜಾ ಬ್ಯಾನರ್ಜಿ ಅದರ ಮೂಲಕ ಅಪಾರ ಜನಪ್ರಿಯತೆಯನ್ನು ಗಳಿಸಿದರು.  

ಎರಡು ವರ್ಷಗಳ ವಿರಾಮದ ನಂತರ 2022 ರಲ್ಲಿ, ಬ್ಯಾನರ್ಜಿ ಅವರು ಸ್ಟಾರ್‌ಪ್ಲಸ್ ಧಾರಾವಾಹಿ 'ಅನುಪಮಾ' ಪ್ರೀಕ್ವೆಲ್ ವೆಬ್ ಸರಣಿ 'ಅನುಪಮಾ: ನಮಸ್ತೆ ಅಮೇರಿಕಾ' ದಲ್ಲಿ ರಿತಿಕಾ ಪಾತ್ರದಲ್ಲಿ ನಟಿಸುವ ಮೂಲಕ ಬಣ್ಣದ ಬದುಕಿಗೆ ಮರಳಿದರು.

ಪೂಜಾ ಬ್ಯಾನರ್ಜಿ ನಂತರ ಟಿವಿ ನಟ ಕುನಾಲ್ ವರ್ಮಾ ಅವರನ್ನು ಭೇಟಿಯಾದರು. ಕೆಲವು ವರ್ಷಗಳ ಕಾಲ ಡೇಟಿಂಗ್ ಮಾಡಿದ ನಂತರ, ಇಬ್ಬರೂ ಮದುವೆಯಾಗಲು ನಿರ್ಧರಿಸಿದರು. 2021 ರಲ್ಲಿ ಗೋವಾದಲ್ಲಿ ಇಬ್ಬರೂ ಮದುವೆಯಾದರು. ಆದರೆ 2020 ರಲ್ಲೇ ಪೂಜಾ ಬ್ಯಾನರ್ಜಿ ಮಗುವಿನ ತಾಯಿಯಾದರು. 2020 ರಲ್ಲೇ   ದಂಪತಿಗಳು ನ್ಯಾಯಾಲಯದಲ್ಲಿ ತಮ್ಮ ವಿವಾಹವನ್ನು ಖಾತರಿಪಡಿಸಿ ನೋಂದಣಿ ಮಾಡಿಸಿದ್ದರು.

ತಮ್ಮ ಮದುವೆಯ ಬಗ್ಗೆ ಮಾತನಾಡಿದ ಪೂಜಾ ಬ್ಯಾನರ್ಜಿ, ನಾವು ಬಂಗಾಳಿ ಪದ್ಧತಿಯಂತೆ ಮದುವೆಯಾದೆವು. ನಾವು ಮದುವೆಯಾಗಿ ಮಗುವನ್ನು ಹೊಂದಿದ್ದರೂ, ಮತ್ತೆ ಮದುವೆಯಾಗುವುದು ಹೊಸ ಭಾವನೆಯನ್ನು ನೀಡುತ್ತದೆ. ಇದು ನಮ್ಮ ಸಂಬಂಧದಲ್ಲಿ ಹೊಸ ತಾಜಾತನವನ್ನು ತಂದಿದೆ  ಎಂದು ಹೇಳಿದ್ದಾರೆ. 

ನಮ್ಮ ಸಂಬಂಧದಲ್ಲಿ ಹೊಸದೇನೋ ಇದೆ. ನಮ್ಮ ಸಂಬಂಧಿಕರು ನಮ್ಮನ್ನು ನವವಿವಾಹಿತರಂತೆ ನಡೆಸಿಕೊಳ್ಳುತ್ತಿದ್ದರು ಮತ್ತು ಊಟಕ್ಕೆ ಕರೆದರೂ ಸಹ, ಆದರೆ ನಮ್ಮ ಬಿಕ್ಕಟ್ಟಿನ ಸಮಯದಲ್ಲಿಯೂ ನಮಗೆ ಒಂದು ಕರೆ ಕೂಡ ಮಾಡಿ ವಿಚಾರಿಸಲಿಲ್ಲ ಎಂದು  ಹೇಳಿದರು.