ಕಿಚ್ಚ ಸುದೀಪ್ 'ಮ್ಯಾಕ್ಸ್' OTTಗೆ ಬರ್ತಿದೆ! ಇಲ್ಲಿದೆ ರಿಲೀಸ್ ಡೇಟ್..

ಕನ್ನಡ ಸ್ಟಾರ್ ನಟ ಕಿಚ್ಚ ಸುದೀಪ್ ಅಭಿನಯದ ಆಕ್ಷನ್ ಥ್ರಿಲ್ಲರ್ ಚಿತ್ರ 'ಮ್ಯಾಕ್ಸ್' ಶೀಘ್ರದಲ್ಲೇ OTTಯಲ್ಲಿ ಬಿಡುಗಡೆಯಾಗಲಿದೆ.

ಕನ್ನಡ ಚಿತ್ರರಂಗದ ಅಭಿನಯ ಚಕ್ರವರ್ತಿ ಖ್ಯಾತಿಯ ನಟ ಕಿಚ್ಚ ಸುದೀಪ್ ನಟಿಸಿರುವ ಆಕ್ಷನ್ ಥ್ರಿಲ್ಲರ್ 'ಮ್ಯಾಕ್ಸ್' ಚಿತ್ರರಂಗದಲ್ಲಿ ಭರ್ಜರಿ ಕಮಾಲ್ ಮಾಡಿದ್ದು, ಇದೀಗ ಒಟಿಟಿ ವೇದಿಕೆಗೆ ಬರುತ್ತಿದೆ. ಕನ್ನಡ, ತೆಲುಗು, ಹಿಂದಿ ಸೇರಿದಂತೆ ಬಹುಭಾಷಾ ನಟರಾಗಿರುವ ಕಿಚ್ಚ ಸುದೀಪ್ ಅವರ ಮ್ಯಾಕ್ಸ್ ಸಿನಿಮಾವನ್ನು ಒಟಿಟಿಯಲ್ಲಿ ವೀಕ್ಷಣೆ ಮಾಡುವುದಕ್ಕೆ ಕೋಟ್ಯಂತರ ಅಭಿಮಾನಿಗಳು ಕಾಯುತ್ತಿದ್ದಾರೆ.

ತೆಲುಗು ಸಿನಿಪ್ರಿಯರಿಂದೂ ಮ್ಯಾಕ್ಸ್‌ಗೆ ಕಾತುರ: ರಾಜಮೌಳಿ 'ಈಗ' ಚಿತ್ರದ ಮೂಲಕ ಟಾಲಿವುಡ್‌ನಲ್ಲಿ ಹೆಸರು ಮಾಡಿದ ಸುದೀಪ್, ಬಾಹುಬಲಿ ಸಿನಿಮಾದಲ್ಲಿಯೂ ನಟಿಸಿದ್ದಾರೆ. ಹೀಗಾಗಿ ತೆಲುಗಿನಲ್ಲೂ ಅವರಿಗೆ ಮಾರುಕಟ್ಟೆ ಇದೆ. ಮ್ಯಾಕ್ಸ್ ಚಿತ್ರವನ್ನು ತೆಲುಗಿನಲ್ಲೂ ದೊಡ್ಡ ಮಟ್ಟದಲ್ಲಿ ಬಿಡುಗಡೆ ಮಾಡಲಾಗಿತ್ತು. ಆಕ್ಷನ್ ಪ್ರಿಯರಿಗೆ ಈ ಚಿತ್ರ ಇಷ್ಟವಾಯಿತು. ಇನ್ನು ಕೆಲವರು OTTಯಲ್ಲಿ ಬಂದಾಗ ನೋಡೋಣ ಅಂತ ಅಂದುಕೊಂಡಿದ್ದರು. ಈಗ OTT ಬಿಡುಗಡೆ ದಿನಾಂಕ ತಿಳಿದುಬಂದಿದೆ.

ಕಳೆದ ವರ್ಷವೇ ಕ್ರಿಸ್‌ಮಸ್‌ ಹಬ್ಬದ ಸಂದರ್ಭದಲ್ಲಿ 'ಮ್ಯಾಕ್ಸ್' ಚಿತ್ರ OTTಯಲ್ಲಿ ಬಿಡುಗಡೆಯಾಗಬಹುದು ಎಂದು ನಿರೀಕ್ಷಿಸಲಾಗಿತ್ತು. ಆದರೆ, ಸಿನಿಮಾ ಚಿತ್ರಮಂದಿರಗಳಲ್ಲಿಯೇ ಬಿಡುಗಡೆ ದಿನಾಂಕ ಮುಂದಕ್ಕೆ ಹೋಗಿದ್ದರಿಂದ ಒಟಿಟಿಗೆ ಬರುವ ದಿನಾಂಕವೂ ಮುಂದೂಡಿಕೆ ಆಗಿತ್ತು. ಇದೀಗ ಫೆಬ್ರವರಿ 22 ರಂದು ZEE5 ನಲ್ಲಿ ಪ್ರೀಮಿಯರ್ ಆಗಲಿದೆ. ತೆಲುಗು ಸೇರಿದಂತೆ ಎಲ್ಲಾ ಪ್ರಮುಖ ಭಾಷೆಗಳಲ್ಲಿ ಸ್ಟ್ರೀಮಿಂಗ್ ಆಗಲಿದೆ. ಈ ಬಗ್ಗೆ ZEE5 ಇನ್ನೂ ಅಧಿಕೃತವಾಗಿ ಘೋಷಿಸಿಲ್ಲ.

'ಮ್ಯಾಕ್ಸ್' ಚಿತ್ರದಲ್ಲಿ ಮಾಸ್ ಪ್ರೇಕ್ಷಕರಿಗೆ ಇಷ್ಟವಾಗುವ ಆಕ್ಷನ್ ದೃಶ್ಯಗಳು ಹಾಗೂ ಥ್ರಿಲ್ಲಿಂಗ್ ಅಂಶಗಳಿವೆ. ಕೆಲವು ಟ್ವಿಸ್ಟ್‌ಗಳೂ ಇವೆ. ಕ್ಲೈಮ್ಯಾಕ್ಸ್ ಫೈಟ್ ಅದ್ಭುತವಾಗಿದೆ. ತಾಂತ್ರಿಕ ತಂಡ ಉತ್ತಮ ಕೆಲಸ ಮಾಡಿದೆ ಎಂದು ಚಿತ್ರ ವೀಕ್ಷಕರು ಈಗಾಗಲೇ ವಿಶ್ಲೇಷಣೆ ಮಾಡಿದ್ದಾರೆ.