ಬಟ್ಟೆಯನ್ನು ಹೀಗೂ ಹಾಕೋಬಹುದಾ? ರಿಯಲ್‌ ಪತ್ನಿ ಅಂದಕ್ಕೆ ಬೆರಗಾದ ಭಾಗ್ಯಲಕ್ಷ್ಮೀ ನಟ ಸುದರ್ಶನ್‌ ರಂಗಪ್ರಸಾದ್!‌

ಅನೇಕ ಸಿನಿಮಾಗಳಲ್ಲಿ ನಟಿಸಿರುವ ಸಂಗೀತಾ ಭಟ್‌ ಅವರು ವಿಭಿನ್ನವಾಗಿ ಫೋಟೋಶೂಟ್‌ ಮಾಡಿಸಿಕೊಂಡಿದ್ದಾರೆ. 'ಭಾಗ್ಯಲಕ್ಷ್ಮೀ' ಧಾರಾವಾಹಿ ನಟ ಸುದರ್ಶನ್‌ ರಂಗಪ್ರಸಾದ್‌ ಪತ್ನಿ ಇವರು ಎನ್ನೋದು ಇನ್ನೊಂದು ಹೆಗ್ಗಳಿಕೆ. ಈ ಸುಂದರ ಫೋಟೋಶೂಟ್‌ ಚಿತ್ರಣ ಇಲ್ಲಿದೆ. 

ಕನ್ನಡ ನಟಿ ಸಂಗೀತಾ ಭಟ್‌ ಅವರು ಫ್ಯಾಷನ್‌ ವಿಚಾರದಲ್ಲಿ ಆಗಾಗ ಒಂದಿಷ್ಟು ಪ್ರಯೋಗಗಳನ್ನು ಮಾಡುತ್ತಿರುತ್ತಾರೆ.  ಈಗ ಇನ್ನೊಂದು ಪ್ರಯೋಗ ಮಾಡಿದ್ದಾರೆ. 

ಕ್ರೀಮ್‌ ಬಣ್ಣದ ಬಟ್ಟೆಯನ್ನು ಅವರು ವಿಭಿನ್ನವಾಗಿ ಧರಿಸಿ, ಕಲಾವಿದರ ಹಾವಭಾವಗಳನ್ನು ಪ್ರದರ್ಶಿಸಿದ್ದಾರೆ. ಈ ಹಾವ-ಭಾವ ಕ್ಯಾಮರಾ ಕಣ್ಣಲ್ಲಿ ಸೆರೆಯಾಗಿದೆ. 

ಸಂಗೀತಾ ಭಟ್‌ ಅವರು ಸೋಶಿಯಲ್‌ ಮೀಡಿಯಾದಲ್ಲಿ ಈ ಫೋಟೋಗಳನ್ನು ಹಂಚಿಕೊಂಡಿದ್ದಾರೆ. ಇವರ ಪತಿ ಸುದರ್ಶನ್‌ ರಂಗಪ್ರಸಾದ್‌ ಅವರು ಈ ಫೋಟೋಗಳನ್ನು ನೋಡಿ ʼವಾವ್ʼ‌ ಎಂದು ಹೇಳಿದ್ದಾರೆ. 

ಸಂಗೀತಾ ಭಟ್‌ ಅವರ ಈ ಫೋಟೋಗಳಿಗೆ ಭಾರೀ ಮೆಚ್ಚುಗೆ ವ್ಯಕ್ತವಾಗುತ್ತಿದೆ. ಈ ಹಿಂದೆ ಕೂಡ ಅವರು ವಿಭಿನ್ನವಾದ ಫೋಟೋಶೂಟ್‌ ಮಾಡಿಸಿಕೊಂಡಿದ್ದರು. 

ಅಂದಹಾಗೆ ಸುದರ್ಶನ್‌ ರಂಗಪ್ರಸಾದ್‌ ಅವರ ನಿರ್ದೇಶನದ ಸಿನಿಮಾದಲ್ಲಿ ಸಂಗೀತಾ ಭಟ್‌, ಬಹುಭಾಷಾ ನಟ ಕಿಶೋರ್‌ ಅವರು ನಟಿಸುತ್ತಿದ್ದಾರೆ.  

ಸಂಗೀತಾ ಭಟ್‌, ಕಿಶೋರ್‌, ಸುದರ್ಶನ್‌ ರಂಗಪ್ರಸಾದ್‌ ಅವರ ಈ ಸಿನಿಮಾಕ್ಕೆ ʼಅರವಣಿಪುರಂʼ ಎಂದು ಹೆಸರಿಡಲಾಗಿದೆ. ಈಗಾಗಲೇ ಸಿನಿಮಾ ಕೆಲಸಗಳು ಶುರುವಾಗಿವೆ.