ನೆಟ್ವರ್ಕ್ ಇಲ್ಲದಿದ್ದರೂ ಈಗ ಕಾಲ್‌ ಮಾಡ್ಬಹುದು..! ಸೆಟ್ಟಿಂಗ್ಸ್‌ನಲ್ಲಿ ಹೀಗ್ಮಾಡಿ

ಹಲವು ಬಾರಿ ನೆಟ್‌ವರ್ಕ್ ಕೊರತೆಯಿಂದ ಅಗತ್ಯ ಕರೆಗಳನ್ನು ಮಾಡಲು ಸಾಧ್ಯವಾಗುವುದಿಲ್ಲ. ಯಾರೊಬ್ಬರ ಫೋನ್ ಬರುವುದಿಲ್ಲ, ಮರಳಿ ಕರೆ ಮಾಡಲು ಕೂಡಾ ಆಗುವುದಿಲ್ಲ. ಮಾಲ್‌ನ ನೆಲಮಾಳಿಗೆಯಲ್ಲಿ ಅಥವಾ ರೈಲ್ವೆಯ ಅಂಡರ್‌ಪಾಸ್‌ ಅಥವಾ ನಿರ್ಜನ ಸ್ಥಳಗಳಲ್ಲಿ, ನೀವು ಕಾಲ್ ಡ್ರಾಪ್ಸ್ ನಂತಹ ಸಮಸ್ಯೆಗಳನ್ನು ಎದುರಿಸಬೇಕಾಗುತ್ತದೆ. ಆದರೀಗ ನಿಮ್ಮ ಆಂಡ್ರಾಯ್ಡ್ ಫೋನಿನಲ್ಲಿಯೇ ಈ ಸಮಸ್ಯೆಗೆ ಪರಿಹಾರವಿದೆ, ಒಂದು ಉಪಾಯದ ಮೂಲಕ ನೆಟ್‌ವರ್ಕ್ ಇಲ್ಲದಿದ್ದರೂ ನೀವು ಅಗತ್ಯ ಕರೆಗಳನ್ನು ಮಾಡಬಹುದಾಗಿದೆ.

ಸರ್ಕಾರವು ಕಾಲ್ ಡ್ರಾಪ್‌ಗೆ ಸಂಬಂಧಿಸಿದಂತೆ ಅನೇಕ ನಿಯಮಗಳನ್ನು ಮಾಡಿದೆ, ಈ ನಿಯಮಗಳನ್ನು ಅನುಸರಿಸಿ, ಕಂಪನಿಗಳು ಅನೇಕ ಹೊಸ ತಂತ್ರಜ್ಞಾನಗಳನ್ನು ಅಭಿವೃದ್ಧಿಪಡಿಸಿವೆ. ನೀವು ನಗರದಲ್ಲಿದ್ದ ನಿಮಗೆ ಕರೆ ಮಾಡಲು ಸಾಧ್ಯವಾಗದಿದ್ದರೆ, ಅದಕ್ಕೆ ಪರಿಹಾರವಿದೆ. ನಿಮ್ಮ ಫೋನ್‌ನ ನೆಟ್‌ವರ್ಕ್ ಲಭ್ಯವಿಲ್ಲ, ಆದರೆ ಆ ಸ್ಥಳದಲ್ಲಿ ವೈಫೈ ಇದ್ದರೆ, ನೀವು ಆ ವೈಫೈ ಮೂಲಕ ಯಾರಿಗಾದರೂ ಕರೆ ಮಾಡಬಹುದು. ಇದಕ್ಕಾಗಿ ನೀವು ಫೋನಿನ ಸೆಟ್ಟಿಂಗ್ ಬದಲಾಯಿಸಬೇಕಾಗುತ್ತದೆ.

ನೀವು ಮಾಲ್‌ನ ನೆಲಮಾಳಿಗೆ ಅಥವಾ ರೈಲ್ವೆಯ ಕೆಳಸೇತುವೆಯಲ್ಲಿ ಅಥವಾ ಅಂತಹ ಎಲ್ಲ ಸ್ಥಳಗಳಲ್ಲಿ ಕಾಲ್ ಡ್ರಾಪ್‌ನಂತಹ ಸಮಸ್ಯೆಗಳನ್ನು ಎದುರಿಸುವಾಗ ಸೆಟ್ಟಿಂಗಸ್ ಬದಲಾಯಿಸಿ ನೆಟ್‌ವರ್ಕ್ ಇಲ್ಲದೆಯೇ ನಿಮ್ಮ ಅಗತ್ಯ ಕರೆಗಳನ್ನು ಮಾಡಬಹುದು.

ವೈಫೈ ಕರೆ (Wifi Calling) ನೆಟ್‌ವರ್ಕ್‌ ಸಮಸ್ಯೆ ಇದ್ದರೂ ನಿಮ್ಮವರನ್ನು ತಲುಪುವಂತೆ ಮಾಡುತ್ತದೆ. ಇದಕ್ಕಾಗಿ, ನೀವು ಆ ಪ್ರದೇಶದಲ್ಲಿ ಇರುವ ವೈಫೈ ಅನ್ನು ಬಳಸಬೇಕು. ವೈಫೈ ಕರೆಗಳಲ್ಲಿ, ನಿಮ್ಮ ಕರೆ VoLTE (Voice over Internet Protocol) ಬದಲಿಗೆ VoLTE (Voice over LTE) ಅನ್ನು ಬಳಸುತ್ತದೆ. ಹಾಗಾದ್ರೆ ವೈಫೈ ಕರೆ ಮಾಡಲು ಏನು ಮಾಡಬೇಕು? ಮುಂದಿದೆ ವಿವರ

ನೀವಿರುವ ಪ್ರದೇಶದಲ್ಲಿ ಅಥವಾ ನೆಲಮಾಳಿಗೆಯಂತಹ ಪ್ರದೇಶದಲ್ಲಿ ನೀವು ಕರೆ ಮಾಡಲು ಬಯಸಿದಾಗ ವೈಫೈ ಕರೆ ಮಾಡುವುದು ತುಂಬಾ ಉಪಯುಕ್ತವಾಗಿದೆ, ಅನೇಕ ಬಾರಿ ನಮ್ಮ ಕರೆ ಇಂತಹ ಸ್ಥಳಗಳಲ್ಲಿ ಡ್ರಾಪ್ ಆಗುತ್ತದೆ. ವೈಫೈ ಕರೆ ಮಾಡುವುದರಿಂದ, ಡ್ರಾಪ್ ಆಗುವುದು ತಪ್ಪುತ್ತದೆ. ಏರ್ಟೆಲ್, ಜಿಯೋ, ಐಡಿಯಾ-ವೊಡಾಫೋನ್ ಮತ್ತು ದೇಶದ ಕೆಲವು ಸ್ಥಳಗಳಲ್ಲಿ ಬಿಎಸ್ ಎನ್ ಎಲ್ ವೈಫೈ ಕರೆ ಮಾಡುವ ಸೌಲಭ್ಯವನ್ನು ಯಾವುದೇ ಶುಲ್ಕವಿಲ್ಲದೆ ಒದಗಿಸಲಾಗಿದೆ. 

wifi calling

ಆಂಡ್ರಾಯ್ಡ್ ಸ್ಮಾರ್ಟ್‌ಫೋನ್‌ನಲ್ಲಿ ವೈಫೈ ಕರೆ ಮಾಡುವ ಆಯ್ಕೆ ಇದೆ, ಅದನ್ನು ಸಕ್ರಿಯಗೊಳಿಸುವ ಮೂಲಕ ನೀವು ವೈಫೈ ಕರೆ ಮಾಡಬಹುದು. ಸ್ಮಾರ್ಟ್‌ಫೋನ್‌ನಲ್ಲಿ ವೈಫೈ ಕರೆ ಸಕ್ರಿಯಗೊಳಿಸಲು, ನೀವು ಮಾಡಲು ಈ ಕೆಳಗೆ ನೀಡಿರುವ ಸೂಚನೆಗಳನ್ನು ಅನುಸರಿಸಿ.

airtel wifi call service

1. ಬಳಕೆದಾರರು ಮೊದಲು ಫೋನಿನ ಸೆಟ್ಟಿಂಗ್ ಮೇಲೆ ಕ್ಲಿಕ್ ಮಾಡಿ, ನಂತರ ನಿಮ್ಮ ನೆಟ್ವರ್ಕ್ ಸಂಪರ್ಕದ ಆಯ್ಕೆಗೆ ಹೋಗಿ.
2 .. ನಂತರ ವೈಫೈ ಪ್ರಾಶಸ್ತ್ಯಗಳ ಆಯ್ಕೆಗೆ ಹೋಗಿ ಮತ್ತು ಅಡ್ವಾನ್ಸ್ ಅನ್ನು ಟ್ಯಾಪ್ ಮಾಡಿ.
3..ವೈಫೈ ಕರೆ ಮಾಡುವ ಆಯ್ಕೆಯನ್ನು ಇಲ್ಲಿ ಆಯ್ಕೆ ಮಾಡಿ, ನೀವು 2 ಸಿಮ್ ಬಳಸಿದರೆ ನಿಮ್ಮ ಎರಡೂ ಸಿಮ್‌ಗಳಿಗೂ ವೈಫೈ ಕರೆ ಸಕ್ರಿಯಗೊಳಿಸಬಹುದು.

ಐಫೋನ್‌ನಲ್ಲಿ ವೈಫೈ ಕರೆ ಮಾಡುವುದು ಹೇಗೆ
1. ಐಫೋನ್ ನ ಸೆಟ್ಟಿಂಗ್ಸ್ ಗೆ ಹೋಗಿ ಫೋನ್ ಮೇಲೆ ಕ್ಲಿಕ್ ಮಾಡಿ.
2. ಫೋನ್ ಡೇಟಾವನ್ನು ಟ್ಯಾಪ್ ಮಾಡಿ ಮತ್ತು ವೈಫೈ ಕಾಲಿಂಗ್ ಅನ್ನು ಆಯ್ಕೆ ಮಾಡಿ
3 .. ಈ ಐಫೋನ್‌ನಲ್ಲಿ ವೈಫೈ ಕಾಲಿಂಗ್ ಅನ್ನು ಟಾಗಲ್ ಮಾಡಿ.