ಜೀವನದ ಭವಿಷ್ಯವನ್ನು ವಿಶ್ಲೇಷಿಸಲು ಬಂದಾಗ ಹಣಕಾಸಿನ ನಿರ್ವಹಣೆಯು ಪ್ರಮುಖ ಪಾತ್ರ ವಹಿಸುತ್ತದೆ. ವಿತ್ತೀಯ ಪ್ರತಿಕೂಲತೆಯನ್ನು ಎದುರಿಸಲು ಹೆಚ್ಚು ಸಿದ್ಧರಾಗಿದ್ದರೆ , ಜೀವನದ ಮೇಲೆ ಉತ್ತಮ ನಿಯಂತ್ರಣವನ್ನು ಹೊಂದಬಹುದು. ಈಗ 2022ಕ್ಕೆ ಜನರು ತಮ್ಮ ಆರ್ಥಿಕ ಜೀವನವನ್ನು (financial life) ವಿಶ್ಲೇಷಿಸುತ್ತಿದ್ದಾರೆ ಮತ್ತು ಅವರು ಕೆಟ್ಟದ್ದಕ್ಕೆ ಸಿದ್ಧರಾಗಿದ್ದಾರೆಯೇ ಅಥವಾ ಇಲ್ಲವೇ ಎಂಬುದನ್ನು ಮೌಲ್ಯಮಾಪನ ಮಾಡುತ್ತಿದ್ದಾರೆ.
ಹೆಚ್ಚಿನ ಜನರಿಗೆ ತಿಳಿದಿಲ್ಲದ ವಿಷಯವೆಂದರೆ ಆರ್ಥಿಕವಾಗಿ ಸ್ಥಿರವಾಗಲು (financial stable)ಮೊದಲ ಹೆಜ್ಜೆ ನಿಮ್ಮಲ್ಲಿರುವುದರಲ್ಲಿ ಸಂತೋಷವಾಗಿರುವುದು. 2022 ರಲ್ಲಿ ಆರ್ಥಿಕ ಜೀವನವನ್ನು ಸಂತೋಷವಾಗಿಡಲು ಕೆಲವು ಮಾರ್ಗಗಳು ಇಲ್ಲಿವೆ. ಅವುಗಳನ್ನು ಅನುಸರಿಸಿದರೆ ಉತ್ತಮ ಆರ್ಥಿಕ ಜೀವನ ನಿಮ್ಮದಾಗುತ್ತದೆ.
ನಿಮ್ಮಲ್ಲಿರುವುದರಲ್ಲಿ ತೃಪ್ತರಾಗಿರಿ
ಯಾವಾಗಲೂ ಹೆಚ್ಚು ಗಳಿಸುವ ಹಸಿವನ್ನು ಹೊಂದಿರುತ್ತೀರಿ ಮತ್ತು ನೀವು ಈಗಿರುವುದಕ್ಕಿಂತ ಹೆಚ್ಚು ಯಶಸ್ವಿಯಾಗ ಬಯಸುತ್ತೀರಿ. ಅದು ಮಾನವ ಸ್ವಭಾವ. ಆದರೆ ಅಂತಿಮವಾಗಿ ಆ ಹಸಿವನ್ನು ಶಾಂತಗೊಳಿಸಿದಾಗ, ಹಣದ ಹಿಂದೆ ಓಡುವುದಕ್ಕಿಂತ ಇನ್ನೂ ಹೆಚ್ಚಿನ ವಿಷಯಗಳಿವೆ ಎಂದು ನೀವು ಅರಿತುಕೊಳ್ಳುತ್ತೀರಿ. ಈಗಾಗಲೇ ಹೊಂದಿರುವದರಲ್ಲಿ ತೃಪ್ತರಾಗಿರಲು ಪ್ರಾರಂಭಿಸಿ.
ವ್ಯವಹಾರಗಳ ಮೇಲೆ ಕೇಂದ್ರೀಕರಿಸಿ
ಇತರ ಜನರ ಸಂಪತ್ತನ್ನು ನೋಡಿ ಹೆಚ್ಚಿನ ಹಣ(Money)ವನ್ನು ಹೊಂದುವ ಅಗತ್ಯವನ್ನು ಉತ್ತೇಜಿಸಲಾಗುತ್ತದೆ. ನಿಮ್ಮಲ್ಲಿರುವದರಲ್ಲಿ ನೀವು ತೃಪ್ತರಾಗದಿದ್ದಾಗ ಸ್ಪರ್ಧಿಸುವ ಅಗತ್ಯವೂ ಉದ್ಭವಿಸುತ್ತದೆ. ಇತರರಿಗೆ ಹೋಲಿಸಿದರೆ ನಿಮಗೆ ಹೆಚ್ಚು ಮುಖ್ಯವಾದುದು ಯಾವುದೆಂದು ವಿಶ್ಲೇಷಿಸಿ.
ಸಮಯವನ್ನು(Time) ಉಳಿಸಿ
ನಿಮ್ಮ ಜೀವನದಲ್ಲಿ ಹೆಚ್ಚಿನ ಮೌಲ್ಯದ ಕೆಲಸಗಳನ್ನು ಮಾಡಲು ಬಳಸಬೇಕಾದ ಸಮಯವನ್ನು ವ್ಯರ್ಥ ಮಾಡುವುದು ಬೇಜವಾಬ್ದಾರಿಯಾಗಿದೆ. 2022ರಲ್ಲಿ ಆರ್ಥಿಕವಾಗಿ ಸ್ಥಿರವಾಗಿರಲು ಮತ್ತು ಸಂತೋಷವಾಗಿರಲು ಯೋಜಿಸುತ್ತಿದ್ದರೆ, ಸಮಯವನ್ನು ಬಳಸಿಕೊಳ್ಳಲು ಮತ್ತು ಪಟ್ಟುಬಿಡದೆ ಕೆಲಸ ಮಾಡಲು ಪ್ರಾರಂಭಿಸಿ.
ನಿಮ್ಮ ಪ್ರೀತಿಪಾತ್ರರ ಜೊತೆ ಜಗಳವಾಡಬೇಡಿ
ಒತ್ತಡದ ಆರ್ಥಿಕ ಪರಿಸ್ಥಿತಿಗಳು (financial situation) ದಂಪತಿಗಳಲ್ಲಿ ಕೆಟ್ಟದ್ದನ್ನು ತರಬಹುದು. ಮತ್ತು ಇದು ಬಹಳಷ್ಟು ಕೆಟ್ಟ ಸಂದರ್ಭಗಳಿಗೆ ಕಾರಣವಾಗಬಹುದು. ಆದರೆ ಇದನ್ನು ನೀವು ಸ್ಟಾಪ್ ಮಾಡಬೇಕು. ನಿಮ್ಮ ಪ್ರೀತಿಪಾತ್ರರೊಡನೆ ಘರ್ಷಣೆಯಲ್ಲಿ ತೊಡಗಬೇಡಿ, ಏಕೆಂದರೆ ಅದು ಹಣಕಾಸು ಪರಿಸ್ಥಿತಿಯನ್ನು ಹಾಳು ಮಾಡುವ ಸಾಧ್ಯತೆಗಳನ್ನು ಹೆಚ್ಚಿಸುತ್ತದೆ.
ಗುರಿ ನಿರ್ಧರಿಸಿ (set the goal)
ನಿಮಗೆ ಆರ್ಥಿಕ ಸ್ವಾತಂತ್ರ್ಯ ಎಂದರೇನು? ನಿಮ್ಮ ಬ್ಯಾಂಕ್ ಖಾತೆಯಲ್ಲಿ ನೀವು ಎಷ್ಟು ಹೊಂದಿರಬೇಕು, ಜೀವನಶೈಲಿ ಏನನ್ನು ಒಳಗೊಂಡಿರುತ್ತದೆ ಮತ್ತು ಇದನ್ನು ಯಾವ ವಯಸ್ಸಿನಲ್ಲಿ ಸಾಧಿಸಬೇಕು ಎಂಬುದನ್ನು ಬರೆಯಿರಿ. ನಿಮ್ಮ ಗುರಿಗಳು ಹೆಚ್ಚು ನಿರ್ದಿಷ್ಟವಾದಷ್ಟೂ, ಅವುಗಳನ್ನು ಸಾಧಿಸುವ ಸಾಧ್ಯತೆ ಹೆಚ್ಚುತ್ತದೆ.
ನಿಮ್ಮ ಸಾಧನೆಗಳನ್ನು ನೆನಪಿಸಿಕೊಳ್ಳಿ
ನೀವು ಕಡಿಮೆ ಎಂದು ಭಾವಿಸಿದಾಗ, ನೀವು ಸಾಧಿಸಿದ ಸಾಧನೆಗಳನ್ನು ನೆನಪಿಸಿಕೊಳ್ಳಿ. ಇದು ನಿಮ್ಮನ್ನು ಉತ್ತಮವಾಗಿ, ಕಠಿಣವಾಗಿ ಕೆಲಸ ಮಾಡಲು ಮತ್ತು ಯಶಸ್ಸಿಗೆ ಇನ್ನಷ್ಟು ಶ್ರಮಿಸಲು ಪ್ರೇರೇಪಿಸುತ್ತದೆ. ಯಾವಾಗಲೂ ನಿಮ್ಮನ್ನು ನೀವು ಪ್ರೋತ್ಸಾಹಿಸಲು ಮರೆಯಬೇಡಿ.