ಹುಣಸೆಹಣ್ಣನ್ನು ಅಡುಗೆಯಲ್ಲಿ ಮಾತ್ರವಲ್ಲ, ಜ್ಯೋತಿಷ್ಯದಲ್ಲಿ, ಕೆಲವು ದೋಷಗಳನ್ನು ನಿವಾರಿಸಲು ಸಹ ಬಳಕೆ ಮಾಡಲಾಗುತ್ತದೆ. ಈ ಪರಿಹಾರಗಳಿಂದ ಹಣದ ಸಹಾಯ ಕೂಡ ದೊರೆಯುತ್ತದೆ, ಅಲ್ಲದೇ ಲಕ್ಷ್ಮೀ ದೇವಿಯನ್ನು ಒಲಿಸಿಕೊಳ್ಳಲು ಸಹ ಈ ಪರಿಹಾರಗಳನ್ನು ಬಳಸಿಕೊಳ್ಳಬಹುದು. ಅವುಗಳ ಬಗ್ಗೆ ತಿಳಿಯೋಣ.
ಹುಣಸೆಹಣ್ಣನ್ನು (tamarind) ಅನೇಕ ಮನೆಕೆಲಸಗಳಲ್ಲಿ ಬಳಸಲಾಗುತ್ತದೆ, ಅದು ಆಹಾರದ ರುಚಿಯನ್ನು ಹೆಚ್ಚಿಸಲು ಅಥವಾ ಚರ್ಮವನ್ನು ಹೊಳೆಯುವಂತೆ ಮಾಡಲು ಸಹ ಇದನ್ನ ಬಳಕೆ ಮಾಡಲಾಗುತ್ತೆ. ಇದಲ್ಲದೆ, ಹುಣಸೆಹಣ್ಣಿಗೆ ಸಂಬಂಧಿಸಿದ ಬಾಲ್ಯದ ನೆನಪುಗಳು ಸಹ ತುಂಬಾ ಸವಿಯಾಗಿರುತ್ತೆ. ಹುಣಸೆಹಣ್ಣು ಅಡುಗೆಮನೆ ಅಥವಾ ಬಾಲ್ಯದ ನೆನಪುಗಳಿಗೆ ಸೀಮಿತವಾಗಿಲ್ಲ, ಜ್ಯೋತಿಷ್ಯದಲ್ಲಿ ಇದು ಬಹಳ ಮುಖ್ಯವೆಂದು ಪರಿಗಣಿಸಲಾಗಿದೆ.
ಹೌದು, ಜ್ಯೋತಿಷ್ಯದಲ್ಲಿ ಹುಣಸೆ ಹಣ್ಣಿನ ಅನೇಕ ಪರಿಹಾರಗಳಿವೆ, ಈ ಉಪಾಯದಿಂದ ನೀವು ಹಣ ಗಳಿಸುತ್ತೀರಿ, ಸಂಪತ್ತನ್ನು ಹೆಚ್ಚಿಸುತ್ತೀರಿ ಮತ್ತು ಆರ್ಥಿಕ ಸಮಸ್ಯೆಗಳನ್ನು (money problem)ತೊಡೆದುಹಾಕುತ್ತೀರಿ. ಬನ್ನಿ ಅವುಗಳ ಬಗ್ಗೆ ತಿಳಿಯೋಣ.
ಅಧ್ಯಯನದಲ್ಲಿ ಏಕಾಗ್ರತೆ ಹೆಚ್ಚುತ್ತೆ: ನಿಮ್ಮ ಮಗು ಅಧ್ಯಯನದಲ್ಲಿ ದುರ್ಬಲವಾಗಿದ್ದರೆ (weak in education) ಅಥವಾ ನೀವೇ ವಿದ್ಯಾರ್ಥಿಯಾಗಿದ್ದರೆ, ಶಿಕ್ಷಣ ಕ್ಷೇತ್ರದಲ್ಲಿ ಮುಂದುವರಿಯಲು ಮತ್ತು ಉತ್ತಮಗೊಳ್ಳಲು ಗುರುವಾರ ನಿಮ್ಮ ಪುಸ್ತಕದಲ್ಲಿ ಹುಣಸೆ ಎಲೆಯನ್ನು ಇರಿಸಿ. ಇದನ್ನು ಮಾಡುವುದರಿಂದ, ಅಧ್ಯಯನದಲ್ಲಿ ಏಕಾಗ್ರತೆ ಹೆಚ್ಚಾಗುವುದು ಮಾತ್ರವಲ್ಲದೆ ಶಿಕ್ಷಣ ಕ್ಷೇತ್ರದಲ್ಲಿ ಯಶಸ್ಸನ್ನು ಪಡೆಯಲು ಸಾಧ್ಯವಾಗುತ್ತೆ. ಅಲ್ಲದೆ, ಇಷ್ಟಪಟ್ಟ ಕೆಲಸವನ್ನು ಪಡೆಯಲು ಈ ಪರಿಹಾರವು ಪರಿಣಾಮಕಾರಿ .
ದೃಷ್ಟಿ ಬೀಳದಂತೆ: ನಿಮ್ಮ ಮಗು ಅಥವಾ ನಿಮ್ಮ ಕುಟುಂಬದ ಯಾವುದೇ ಸದಸ್ಯರ ಮೇಲೆ ಕೆಟ್ಟ ದೃಷ್ಟಿ ಬಿದ್ದಿದ್ದರೆ, ಅಥವಾ ಬಿದ್ದಿದೆ ಎಂದು ನಿಮಗೆ ಅನಿಸಿದರೆ, ನೀವು ಕೆಲವು ಹುಣಸೆ ತುಂಡುಗಳನ್ನು ತೆಗೆದುಕೊಂಡು ಕುಟುಂಬದಲ್ಲಿ ಯಾರ ಮೇಲೆ ದೃಷ್ಟಿಯಾಗಿದೆ ಅವರಿಗೆ ಮೂರು ಸುತ್ತು ಸುತ್ತಬೇಕು. ನಂತರ ಹುಣಸೆ ತುಂಡುಗಳನ್ನು ಸುಟ್ಟು ಮನೆಯಿಂದ ಹೊರಹಾಕಬೇಕು. ಇದು ದೃಷ್ಟಿ ದೋಷವನ್ನು ತೆಗೆದುಹಾಕುತ್ತದೆ ಮತ್ತು ಮನೆಯ ನಕಾರಾತ್ಮಕತೆಯನ್ನು ಸಹ ಸುಲಭವಾಗಿ ತೆಗೆದುಹಾಕುತ್ತದೆ.
ವೈವಾಹಿಕ ಜೀವನಕ್ಕಾಗಿ: ನಿಮ್ಮ ವೈವಾಹಿಕ ಜೀವನವು (married life) ದುಃಖದಿಂದ ತುಂಬಿದ್ದರೆ ಅಥವಾ ಗಂಡ ಮತ್ತು ಹೆಂಡತಿಯ ನಡುವಿನ ಜಗಳ ತುಂಬಿದ್ದರೆ, ನೀವು ಶನಿವಾರ 12 ಹುಣಸೆ ಕಾಳುಗಳನ್ನು ತೆಗೆದುಕೊಂಡು ನಿಮ್ಮ ಮಲಗುವ ಕೋಣೆಯಲ್ಲಿ ಹಾಸಿಗೆಯ ಕೆಳಗೆ ಇಡಬೇಕು ಮತ್ತು ಮರುದಿನ ಭಾನುವಾರ ಬೆಳಿಗ್ಗೆ ಅರಳಿ ಮರದ ಕೆಳಗೆ ಹೂಳಬೇಕು. ಇದರಿಂದ ವೈವಾಹಿಕ ಜೀವನದ ಸಮಸ್ಯೆಗಳು ನಿವಾರಣೆಯಾಗುತ್ತೆ.
ಹಣದ ನಷ್ಟ, ಅಧಿಕ ಖರ್ಚು, ಸಾಲದ ಹೊರೆ , ಕಳೆದುಹೋದ ಹಣ, ಸಿಕ್ಕಿಹಾಕಿಕೊಂಡ ಹಣ, ಮನೆಯಲ್ಲಿ ಹಣದ ಕೊರತೆ, ಹೀಗೆ ಹಣಕ್ಕೆ ಸಂಬಂಧಿಸಿದ ಯಾವುದೇ ರೀತಿಯ ಸಮಸ್ಯೆಗಳನ್ನು (financial problem) ನೀವು ಹೊಂದಿದ್ದರೆ ನೀವು 7 ಹುಣಸೆ ಎಲೆಗಳನ್ನು ತೆಗೆದುಕೊಂಡು ಅವುಗಳ ಮೇಲೆ ಕುಂಕುಮದೊಂದಿಗೆ ಸ್ವಸ್ತಿಕವನ್ನು ಮಾಡಬೇಕು. ಅದರ ಮೇಲೆ ಒಂದು ರೂಪಾಯಿಯ ನಾಣ್ಯಗಳನ್ನು ಇಟ್ಟು, ಅವುಗಳನ್ನು ಜೊತೆಯಾಗಿ ತಿಜೋರಿಯಲ್ಲಿ ಇಡಬೇಕು.