ಛಲ್ ಭಾಗ್ ಹಿಂದಿ ಸಿನಿಮಾ ಮೂಲಕ ಬಾಲಿವುಡ್‌ನಲ್ಲಿ ನಟಿಸಿ ನಂತರ ತೆಲುಗು ಸಿನಿಮಾಗಳಲ್ಲಿ ನೆಲೆ ಕಂಡ ನಟಿ ಶೈಲಜಾ ಐಪಿಎಸ್ ಅಧಿಕಾರಿಯ ಕೈ ಹಿಡಿದಿದ್ದು, ಮದುವೆಯ ಸುಂದರ ಫೋಟೋಗಳನ್ನು ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿದ್ದಾರೆ.
ಛಲ್ ಭಾಗ್ ಹಿಂದಿ ಸಿನಿಮಾ ಮೂಲಕ ಬಾಲಿವುಡ್‌ನಲ್ಲಿ ನಟಿಸಿ ನಂತರ ತೆಲುಗು ಸಿನಿಮಾಗಳಲ್ಲಿ ನೆಲೆ ಕಂಡ ನಟಿ ಶೈಲಜಾ ಐಪಿಎಸ್ ಅಧಿಕಾರಿಯ ಕೈ ಹಿಡಿದಿದ್ದು, ಮದುವೆಯ ಸುಂದರ ಫೋಟೋಗಳನ್ನು ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿದ್ದಾರೆ.
ಐಎಫ್‌ಎಸ್ ಅಧಿಕಾರಿ ವೈಭವ್ ಉಪಾಧ್ಯಾಯ ಅವರನ್ನು ಚೈತ್ರಾ ಶುಕ್ಲಾ ಕೈ ಹಿಡಿದಿದ್ದು, ಉತ್ತರಾಖಂಡ್‌ನ ರುದ್ರಪ್ರಯಾಗ್ ಜಿಲ್ಲೆಯ ತ್ರಿಯುಗಿನಾರಾಯಣ ಗ್ರಾಮದಲ್ಲಿ ಈ ವಿವಾಹ ನಡೆದಿದೆ.
ಚೈತ್ರಾ ಶುಕ್ಲಾ ಹಾಗೂ ವೈಭವ್ ಉಪಾಧ್ಯಾಯ ಇಬ್ಬರು ಇಂದೋರ್ ಮೂಲದವರಾಗಿದ್ದು ಕೆಲ ವರ್ಷಗಳಿಂದ ಇಬ್ಬರೂ ಡೇಟಿಂಗ್‌ನಲ್ಲಿದ್ದರು.
ಮದುವೆಯ ನಂತರ ಇಬ್ಬರು ತಮ್ಮ ಸಾಮಾಜಿಕ ಜಾಲತಾಣಗಳಲ್ಲಿ ಮದುವೆಯ ಫೋಟೋಗಳನ್ನು ಹಂಚಿಕೊಂಡಿದ್ದು, ಅಭಿಮಾನಿಗಳು ಶುಭ ಹಾರೈಸಿದ್ದಾರೆ.
ಮದುವೆಯ ದಿನದಂದು ಚೈತ್ರಾ ಕೆಂಪು ಬಣ್ಣದ ಮಿರಿ ಮಿರಿ ಮಿಂಚುವ ಅದ್ದೂರಿ ಲೆಹೆಂಗಾ ಧರಿಸಿದ್ದು ವರ ಕ್ರಿಮ್ ಕಲರ್ ಬಣ್ಣದ ಶೆರ್ವಾನಿ ಧರಿಸಿದ್ದರು.
ಇದರ ಜೊತೆಗೆ ಚೈತ್ರಾ ಕುಂದನ್ ಜ್ಯುವೆಲ್ಲರಿಯ ದೊಡ್ಡದಾದ ನೆಕ್ಲೇಸ್, ಮ್ಯಾಚ್ ಆಗುವಂತಹ ಇಯರಿಂಗ್, ಮಾಂಗಲ್ಯ ಮೂಗಿನ ನತ್ತು ನೆತ್ತಿ ಬೊಟ್ಟು ಧರಿಸಿದ್ದು, ದೇವತೆಯಂತೆ ಕಂಗೊಳಿಸುತ್ತಿದ್ದರು.
ತಮ್ಮ ಮದುವೆಯ ವಿಶೇಷ ದಿನದ ಬಗ್ಗೆ ಸೋಶಿಯಲ್ ಮೀಡಿಯಾದಲ್ಲಿ ಬರೆದುಕೊಂಡಿರುವ ಜೋಡಿ, ನಾವು ಮದುವೆಯ ತ್ರಿಯುಗಿನಾರಾಯಣ ದೇಗುಲದಲ್ಲಿ ಪೂಜೆಗಾಗಿ ಕುಳಿತಿದ್ದಾಗ ಭಗವಾನ್ ಸೂರ್ಯನಾರಾಯಣನೇ ನಮಗೆ ಹರಸಿದ. ಆಗಷ್ಟೇ ಉದಯಿಸಿದ ಸೂರ್ಯನ ಕಿರಣಗಳು ನಮ್ಮಿಬ್ಬರ ಮೇಲೆ ಬೀಳುತ್ತಿದ್ದವು.
ಭಗವಾನ್ ಶಿವ ಹಾಗೂ ದೇವಿ ಪಾರ್ವತಿ ವಿವಾಹ ಮಂಟಪದಲ್ಲಿ ಹಸೆಮಣೆಯೇರಿದ ನಮಗೆ ನೇರವಾಗಿ ಸೂರ್ಯನಾರಾಯಣ ಹರಸಿದ್ದು, ಇದನ್ನು ನೋಡಿ ಸ್ವತಃ ನಮ್ಮ ಕುಟುಂಬದವರು ಬಂಧುಗಳು ಅಚ್ಚರಿಗೊಂಡಿದ್ದರು ಎಂದು ಇನ್ಸ್ಟಾಗ್ರಾಮ್‌ನಲ್ಲಿ ಬರೆದುಕೊಂಡಿದ್ದಾರೆ ಜೋಡಿ
ಮದುವೆಗೂ ಮೊದಲು ಸಾಂಪ್ರದಾಯಿಕ ಮೆಹಂದಿ ಕಾರ್ಯಕ್ರಮದ ಜೊತೆಗೆ ಅರಶಿಣಶಾಸ್ತ್ರ, ಸಂಗೀತಾ ಕಾರ್ಯಕ್ರಮವನ್ನು ಈ ಜೋಡಿ ಆಯೋಜಿಸಿದ್ದರು.
ಈ ಕಾರ್ಯಕ್ರಮದಲ್ಲಿ ಹೆನ್ನಾ ಬಣ್ಣದ ಲೆಹೆಂಗಾ ಚೋಲಿ ಹಾಗೂ ಕೆಂಪು ಬಣ್ಣದ ದುಪ್ಪಟ್ಟಾದಲ್ಲಿ ನಟಿ ಚೈತ್ರಾ ಕಂಗೊಳಿಸುತ್ತಿದ್ದರೆ ವೈಭವ್ ಮಿಶ್ರಿತ ಬಣ್ಣದ ಧಿರಿಸು ಧರಿಸಿದ್ದರು.
ಡಿಸೆಂಬರ್ 11 ರಂದು ಈ ಜೋಡಿ ಕುಟುಂಬ ಹಾಗೂ ಬಂಧುಗಳ ಸಮ್ಮುಖದಲ್ಲಿ ನಿಶ್ಚಿತಾರ್ಥ ಮಾಡಿಕೊಂಡಿದ್ದರು. ನಟಿ ಚೈತ್ರಾ ಶುಕ್ಲಾ ಅವರು ಪುಲಿ, ನೇನು ಶೈಲಜಾ, ಮಾ ಅಬ್ಬಾಯಿ, ಮುಂತಾದ ತೆಲುಗು ಸಿನಿಮಾಗಳಲ್ಲಿ ನಟಿಸಿದ್ದಾರೆ.
ಆದರೆ ಚೈತ್ರಾ ಅವರಿಗೆ ಜನಪ್ರಿಯತೆ ತಂದುಕೊಟ್ಟಿದ್ದು, 2018ರಲ್ಲಿ ತೆರೆಕಂಡ ರಾಜ್ ತರುಣ್ ಜೊತೆಗಿನ ರಂಗುಲಾ ರತ್ನಂ. ಪ್ರಸ್ತುತ ಚೈತ್ರಾ ಕೈಯಲ್ಲಿ ಯಾವುದೇ ಸಿನಿಮಾ ಇಲ್ಲ, ಆದರೆ ಅಭಿಮಾನಿಗಳು ಮಾತ್ರ ಚೈತ್ರ ಮುಂದೆ ನಟಿಸುತ್ತಾರೋ ಇಲ್ಲವೋ ಎಂದು ಕುತೂಹಲದಿಂದ ಕಾಯ್ತಿದ್ದಾರೆ.