2025ರ ಐಪಿಎಲ್ ಟೂರ್ನಿಗೂ ಮುನ್ನ ನಡೆದ ಐಪಿಎಲ್ ಆಟಗಾರ ಹರಾಜಿನಲ್ಲಿ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಫ್ರಾಂಚೈಸಿಯು ಸಾಕಷ್ಟು ಅಳೆದುತೂಗಿ ಆಟಗಾರರನ್ನು ಖರೀಸಿದಿಸಿದೆ. ಅದರ ಜತೆಗೆ ಮುಂಬೈ ಹಾಗೂ ಲಖನೌ ತಂಡಕ್ಕೂ ಬಿಗ್ ಶಾಕ್ ನೀಡುವಲ್ಲಿ ಯಶಸ್ವಿಯಾಗಿದೆ. ಈ ಕುರಿತಾದ ರಿಪೋರ್ಟ್ ಇಲ್ಲಿದೆ ನೋಡಿ
ಐಪಿಎಲ್ 2025 ಮೆಗಾ ಹರಾಜಿನಲ್ಲಿ ಹಲವಾರು ಭಾರತೀಯ ಆಟಗಾರರು ಭರ್ಜರಿ ಬೆಲೆಗೆ ಮಾರಾಟವಾಗಿದ್ದಾರೆ. ರಿಷಭ್ ಪಂತ್, ಶ್ರೇಯಸ್ ಅಯ್ಯರ್ ಸೇರಿದಂತೆ ಹಲವು ಆಟಗಾರರನ್ನು ಫ್ರಾಂಚೈಸಿಗಳು ದುಬಾರಿ ಬೆಲೆಗೆ ಖರೀದಿಸಿವೆ.
ಎರಡನೇ ದಿನವೂ ಹಲವಾರು ಆಟಗಾರರಿಗಾಗಿ ಫ್ರಾಂಚೈಸಿಗಳು ಪೈಪೋಟಿ ನಡೆಸಿದವು. ಸ್ವಿಂಗ್ ಮಾಸ್ಟರ್ ಭುವನೇಶ್ವರ್ ಕುಮಾರ್ ಅವರಿಗಾಗಿ ಎರಡು ತಂಡಗಳು ಪೈಪೋಟಿ ನಡೆಸಿದವು. ಆದರೆ, ಮೂರನೇ ತಂಡ ಭುವಿ ಯವರನ್ನು ಖರೀದಿಸಿ ಎಲ್ಲರನ್ನೂ ಅಚ್ಚರಿಗೊಳಿಸಿತು.
ಹೌದು, ಭುವನೇಶ್ವರ್ ಕುಮಾರ್ ಅವರನ್ನು ಖರೀದಿಸಲು ಮುಂಬೈ ಇಂಡಿಯನ್ಸ್ ಮತ್ತು ಲಖನೌ ಸೂಪರ್ ಜೈಂಟ್ಸ್ ತಂಡಗಳು ಪೈಪೋಟಿ ನಡೆಸುತ್ತಿದ್ದವು. ಆದರೆ, ಆರ್‌ಸಿಬಿ ತಂಡ ಎಂಟ್ರಿ ನೀಡಿ ಭುವಿ ಯವರನ್ನು ಖರೀದಿಸಿತು. ಮುಂಬೈ ಮತ್ತು ಲಖನೌ ತಂಡಗಳು ಆರ್‌ಸಿಬಿ ತಂತ್ರಗಾರಿಕೆಗೆ ಆಶ್ಚರ್ಯಚಕಿತರಾದವು.
ಭುವನೇಶ್ವರ್ ಕುಮಾರ್ ಹೆಸರು ಬಂದಾಗ ಮುಂಬೈ ಮತ್ತು ಲಖನೌ ತಂಡಗಳು ಅವರನ್ನು ಖರೀದಿಸಲು ಪೈಪೋಟಿ ನಡೆಸಿದವು. ಒಂದು ಹಂತದಲ್ಲಿ ಬೆಲೆ 10 ಕೋಟಿ ದಾಟಿತು. ಮುಂಬೈ 10.5 ಕೋಟಿಗೆ ಬಿಡ್ ಮಾಡಿತು. ಆಗ ಲಖನೌ ಬಿಡ್ ಮಾಡುವುದನ್ನು ನಿಲ್ಲಿಸಿತು. ಆಗ ಆರ್‌ಸಿಬಿ 10.75 ಕೋಟಿಗೆ ಬಿಡ್ ಮಾಡಿ ಭುವಿ ಯವರನ್ನು ಖರೀದಿಸಿತು.
ಮೊದಲ ದಿನ ಆರ್‌ಸಿಬಿ ಹೆಚ್ಚು ಆಟಗಾರರನ್ನು ಖರೀದಿಸಿರಲಿಲ್ಲ. ಆರ್‌ಸಿಬಿ ಬಳಿ ಸುಮಾರು 30 ಕೋಟಿ ರೂ. ಇತ್ತು. ಹೀಗಾಗಿ ಮುಂಬೈ ಮತ್ತು ಲಖನೌ ತಂಡಗಳಿಗೆ ಆರ್‌ಸಿಬಿಯನ್ನು ಎದುರಿಸುವುದು ಕಷ್ಟವಾಯಿತು. ಭುವನೇಶ್ವರ್ ಕುಮಾರ್ ಮುಂದಿನ ಸೀಸನ್‌ನಲ್ಲಿ ಆರ್‌ಸಿಬಿ ಪರ ಆಡಲಿದ್ದಾರೆ.
ಆರ್‌ಸಿಬಿ ಬ್ಯಾಟಿಂಗ್ ವಿಭಾಗ ಯಾವಾಗಲೂ ಬಲಿಷ್ಠವಾಗಿದೆ. ಆದರೆ, ಬೌಲಿಂಗ್ ವಿಭಾಗ ಕ್ಷೀಣವಾಗಿತ್ತು. ಭುವನೇಶ್ವರ್ ಕುಮಾರ್ ಅನುಭವಿ ಬೌಲರ್ ಆಗಿದ್ದು, ಅವರ ಆಗಮನ ತಂಡಕ್ಕೆ ಲಾಭವಾಗಬಹುದು. ಆರ್‌ಸಿಬಿ ಮೊದಲ ದಿನ ಮಿಚೆಲ್ ಸ್ಟಾರ್ಕ್ ಖರೀದಿಸಲು ಪ್ರಯತ್ನಿಸಿದರೂ ಯಶಸ್ವಿಯಾಗಲಿಲ್ಲ. ಆದರೆ, ಈಗ ಭಾರತದ ಸ್ಟಾರ್ ಬೌಲರ್‌ನನ್ನು ಖರೀದಿಸಿದೆ.