ಐಪಿಎಲ್ ರೀಟೈನ್ ಬಳಿಕ ಅತಿಹೆಚ್ಚು ಸ್ಯಾಲರಿ ಹೈಕ್ ಪಡೆದ ಟಾಪ್ 7 ಆಟಗಾರರಿವರು! ಈ ಪಟ್ಟಿಯಲ್ಲಿದ್ದಾನೆ ಆರ್‌ಸಿಬಿ ಆಟಗಾರ

ಬೆಂಗಳೂರು: 18ನೇ ಆವೃತ್ತಿಯ ಐಪಿಎಲ್ ಮೆಗಾ ಹರಾಜಿಗೂ ಮುನ್ನ ಎಲ್ಲಾ ಹತ್ತು ಫ್ರಾಂಚೈಸಿಗಳು ತಮಗೆ ಬೇಕಾದ ಆಟಗಾರರನ್ನು ರೀಟೈನ್ ಮಾಡಿಕೊಂಡಿವೆ. ಈ ಕೆಲವು ಆಟಗಾರರಿಗೆ ಕಳೆದ ಆವೃತ್ತಿಗೆ ಹೋಲಿಸಿದರೆ, ಈ ಬಾರಿ ಸಾವಿರಾರು ಪಟ್ಟು ಸಂಬಳ ಹೆಚ್ಚಳವಾಗಿದೆ. ಈ ಕುರಿತಾದ ಒಂದು ರಿಪೋರ್ಟ್ ಇಲ್ಲಿದೆ ನೋಡಿ.

7. ರಿಂಕು ಸಿಂಗ್:

ಕೆಕೆಆರ್ ತಂಡದ ಸ್ಪೋಟಕ ಬ್ಯಾಟರ್‌ ರಿಂಕು ಸಿಂಗ್ ಅವರನ್ನು 13 ಕೋಟಿ ರುಪಾಯಿ ನೀಡಿ ಹಾಲಿ ಚಾಂಪಿಯನ್ ರೀಟೈನ್ ಮಾಡಿಕೊಂಡಿದೆ. ಕಳೆದ ಆವೃತ್ತಿಯಲ್ಲಿ ರಿಂಕು ಕೇವಲ 55 ಲಕ್ಷ ರುಪಾಯಿ ಪಡೆದುಕೊಂಡಿದ್ದರು. ಇದೀಗ ರಿಂಕು ಐಪಿಎಲ್ ಸಂಬಳ ಬರೋಬ್ಬರಿ 2,264% ಹೆಚ್ಚಳವಾಗಿದೆ.

6. ಶಶಾಂಕ್ ಸಿಂಗ್:

ಕಳೆದ ಆವೃತ್ತಿಯ ಐಪಿಎಲ್ ಮೆಗಾ ಹರಾಜಿನಲ್ಲೇ ಸಾಕಷ್ಟು ಚರ್ಚೆಗೆ ಗ್ರಾಸವಾಗಿದ್ದ ಶಶಾಂಕ್ ಸಿಂಗ್ ಅವರನ್ನು ಕಳೆದ ಬಾರಿ ಪಂಜಾಬ್ ಕಿಂಗ್ಸ್‌ ತಂಡವು 20 ಲಕ್ಷ ರುಪಾಯಿ ಮೂಲ ಬೆಲೆಗೆ ಖರೀದಿಸಿತ್ತು. ಕಳೆದ ಆವೃತ್ತಿಯಲ್ಲಿ ಪಂಜಾಬ್ ಪರ ಅದ್ಭುತ ಪ್ರದರ್ಶನ ತೋರಿದ್ದ ಶಶಾಂಕ್ ಸಿಂಗ್ ಅವರಿಗೆ 5.5 ಕೋಟಿ ರುಪಾಯಿ ನೀಡಿ ಪಂಜಾಬ್ ರೀಟೈನ್ ಮಾಡಿಕೊಂಡಿದೆ. ಈ ಮೂಲಕ ಶಶಾಂಕ್ ಐಪಿಎಲ್ ಸಂಬಳ 2650% ಹೆಚ್ಚಳವಾಗಿದೆ.

5. ಸಾಯಿ ಸುದರ್ಶನ್:

23 ವರ್ಷದ ಯುವ ಎಡಗೈ ಬ್ಯಾಟರ್ ಸಾಯಿ ಸುದರ್ಶನ್ ಅವರನ್ನು ಕಳೆದ ಆವೃತ್ತಿಯಲ್ಲಿ 20 ಲಕ್ಷ ರುಪಾಯಿಗೆ ಗುಜರಾತ್ ಟೈಟಾನ್ಸ್ ಪರ ಕಣಕ್ಕಿಳಿದಿದ್ದರು. ಈಗ ಗುಜರಾತ್ ಟೈಟಾನ್ಸ್ ಫ್ರಾಂಚೈಸಿಯು 8.5 ಕೋಟಿ ರುಪಾಯಿ ನೀಡಿ ಸಾಯಿ ಸುದರ್ಶನ್ ಅವರನ್ನು ರೀಟೈನ್ ಮಾಡಿಕೊಂಡಿದೆ. ಈ ಮೂಲಕ ತಮಿಳುನಾಡು ಮೂಲದ ಕ್ರಿಕೆಟಿಗನ ಐಪಿಎಲ್ ಸಂಬಳ 4,150% ಹೆಚ್ಚಳವಾಗಿದೆ.

4. ಮಯಾಂಕ್ ಯಾದವ್:

ಲಖನೌ ಸೂಪರ್ ಜೈಂಟ್ಸ್ ತಂಡದ ಮಾರಕ ವೇಗಿ ಮಯಾಂಕ್ ಯಾದವ್ ಕಳೆದ ಆವೃತ್ತಿಯ ಐಪಿಎಲ್‌ನಲ್ಲಿ ಕೇವಲ 20 ರುಪಾಯಿ ಪಡೆದುಕೊಂಡಿದ್ದರು. ಆದರೆ ಇದೀಗ ಲಖನೌ ಫ್ರಾಂಚೈಸಿಯು ಬರೋಬ್ಬರಿ 11 ಕೋಟಿ ರುಪಾಯಿ ನೀಡಿ ಮಯಾಂಕ್ ಯಾದವ್ ಅವರನ್ನು ರೀಟೈನ್ ಮಾಡಿಕೊಂಡಿದೆ. ಇದರೊಂದಿಗೆ ಮಯಾಂಕ್ ಐಪಿಎಲ್ ಸಂಬಳ 5400% ಹೆಚ್ಚಳವಾಗಿದೆ.

3. ರಜತ್ ಪಾಟೀದಾರ್:

ಆರ್‌ಸಿಬಿ ತಂಡದ ಪ್ರತಿಭಾನ್ವಿತ ಬ್ಯಾಟರ್ ರಜತ್ ಪಾಟೀದಾರ್ ಅವರನ್ನು 11 ಕೋಟಿ ರುಪಾಯಿ ನೀಡಿ ರೀಟೈನ್ ಮಾಡಿಕೊಂಡಿದೆ. ಕಳೆದ ಆವೃತ್ತಿಯ ಐಪಿಎಲ್ ಟೂರ್ನಿಯಲ್ಲಿ 20 ರುಪಾಯಿ ಪಡೆಯುತ್ತಿದ್ದ ರಜತ್ ಪಾಟೀದಾರ್ ಸಂಬಳ ಬರೋಬ್ಬರಿ 5,400% ಹೆಚ್ಚಳವಾಗಿದೆ.

2. ಮತೀಶ್ ಪತಿರಾಣ:

ಶ್ರೀಲಂಕಾ ಮೂಲದ ಪ್ರತಿಭಾನ್ವಿತ ಮಾರಕ ವೇಗಿ ಮತೀಶ್ ಪತಿರಾಣ ಅವರನ್ನು ಚೆನ್ನೈ ಸೂಪರ್ ಕಿಂಗ್ಸ್ ಫ್ರಾಂಚೈಸಿಯು ಕೇವಲ 20 ಲಕ್ಷ ನೀಡಿ ಖರೀದಿಸಿತ್ತು. ಇದೀಗ ಸಿಎಸ್‌ಕೆ ಫ್ರಾಂಚೈಸಿಯು ಪತಿರಾಣಗೆ 13 ಕೋಟಿ ರುಪಾಯಿ ನೀಡಿ ರೀಟೈನ್ ಮಾಡಿಕೊಂಡಿದೆ. ಇದರೊಂದಿಗೆ ಪತಿರಾಣ ಐಪಿಎಲ್ ಸಂಬಳ 6400% ಹೆಚ್ಚಳವಾಗಿದೆ.

1. ಧೃವ್ ಜುರೆಲ್:

ರಾಜಸ್ಥಾನ ರಾಯಲ್ಸ್‌ನ ವಿಕೆಟ್ ಕೀಪರ್ ಬ್ಯಾಟರ್ ಧೃವ್ ಜುರೆಲ್ ಅವರಿಗೆ ಕಳೆದ ಆವೃತ್ತಿಯಲ್ಲಿ ಕೇವಲ 20 ರುಪಾಯಿ ಸಂಬಳ ಸಿಕ್ಕಿತ್ತು. ಆದರೆ ರಾಜಸ್ಥಾನ ಫ್ರಾಂಚೈಸಿಯು ಇರೀಗ ಜುರೆಲ್‌ಗೆ ಬರೋಬ್ಬರಿ 14 ಕೋಟಿ ರುಪಾಯಿ ನೀಡಿ ರೀಟೈನ್ ಮಾಡಿಕೊಂಡಿದೆ. ಇದರೊಂದಿಗೆ ಜುರೆಲ್ ಐಪಿಎಲ್ ಸಂಬಳ 6900% ಹೆಚ್ಚಳವಾಗಿದೆ.