ವಿರಾಟ್ ಕೊಹ್ಲಿಗೆ ಪ್ರಪೋಸ್ ಮಾಡಿದ್ದ ಇಂಗ್ಲೆಂಡ್ ಕ್ರಿಕೆಟ್ ಆಟಗಾರ್ತಿ ಗರ್ಲ್‌ಫ್ರೆಂಡ್ ಜೊತೆ ಮದುವೆ!

ಇಂಗ್ಲೆಂಡ್ ರಾಷ್ಟ್ರೀಯ ಮಹಿಳಾ ತಂಡದ ಕ್ರಿಕೆಟ್ ಆಟಗಾರ್ತಿ ಡ್ಯಾನಿ ವ್ಯಾಟ್ ತನ್ನ ಗೆಳತಿ ಜಾರ್ಜಿ ಹಾಡ್ಜ್ ಅವರೊಂದಿಗೆ ವೈವಾಹಿಕ ಜೀವನಕ್ಕೆ ಕಾಲಿಟ್ಟಿದ್ದಾರೆ.

ವಿರಾಟ್ ಕೊಹ್ಲಿಗೆ ಒಂದೊಮ್ಮೆ 'ಮ್ಯಾರಿ ಮಿ' ಎಂದು ಪ್ರಪೋಸ್ ಮಾಡಿದ್ದ ಇಂಗ್ಲೆಂಡ್ ಕ್ರಿಕೆಟ್ ಆಟಗಾರ್ತಿ ಡ್ಯಾನಿ ವ್ಯಾಟ್ ತನ್ನ ಗೆಳತಿ ಜಾರ್ಜಿ ಹಾಡ್ಜ್ ಅವರನ್ನು ಸೋಮವಾರ, ಜೂನ್ 10 ರಂದು ಲಂಡನ್‌ನ ಚೆಲ್ಸಿಯಾ ಓಲ್ಡ್ ಟೌನ್ ಹಾಲ್‌ನಲ್ಲಿ ವಿವಾಹವಾದರು. 

ಅಯ್ಯೋ ಇದೇನು ಹೀಗಾಗೋಯ್ತು ಎಂದು ಅಚ್ಚರಿ ಪಡ್ಬೇಡಿ, ಕೊಹ್ಲಿಯ ಅಭಿಮಾನಿಯಾಗಿರುವ ಆಕೆ ತಮಾಷೆಯಾಗಿ ಕ್ರಿಕೆಟಿಗನಿಗೆ ಪ್ರಪೋಸ್ ಮಾಡಿದ್ದಳಷ್ಟೇ. 

ಆದರೆ, ಈ ಪ್ರಪೋಸ್ ಬಳಿಕ ತನಗೆ ಭಾರತೀಯರು ಹೆಚ್ಚು ಫಾಲೋವರ್ ‌ಗಳಾಗಿದ್ದು, ಈಗಲೂ ಶೇ.80ರಷ್ಟು ಫಾಲೋವರ್ಸ್ ಭಾರತೀಯರೇ ಎಂದು ಡ್ಯಾನಿ ಹೇಳಿದ್ದರು. 

ವ್ಯಾಟ್ ಇನ್‌ಸ್ಟಾಗ್ರಾಮ್‌ನಲ್ಲಿ ತನ್ನ ನಿಕಟ ವಿವಾಹದ ಚಿತ್ರಗಳನ್ನು ಹಂಚಿಕೊಂಡಿದ್ದು, 'ಅಧಿಕೃತಗೊಳಿಸುತ್ತಿದ್ದೇವೆ' ಎಂದಿದ್ದಾರೆ. 

 ಇಬ್ಬರೂ ಕಳೆದ ವರ್ಷ ದಕ್ಷಿಣ ಆಫ್ರಿಕಾದಲ್ಲಿ ನಿಶ್ಚಿತಾರ್ಥ ಮಾಡಿಕೊಂಡಿದ್ದರು ಮತ್ತು 2019 ರಿಂದ ಪರಸ್ಪರ ಡೇಟಿಂಗ್ ಮಾಡುತ್ತಿದ್ದಾರೆ. 

ಭಾರತೀಯ ಕ್ರಿಕೆಟಿಗ ಶೆಫಾಲಿ ವರ್ಮಾ ಈ ಇಬ್ಬರನ್ನು ಅಭಿನಂದಿಸುತ್ತಾ ಪೋಸ್ಟ್‌ಗೆ ಕಾಮೆಂಟ್ ಮಾಡಿದ್ದಾರೆ. ಭಾರತದ ಮತ್ತೋರ್ವ ಕ್ರಿಕೆಟಿಗ ಮತ್ತು ಗುಜರಾತ್ ಟೈಟಾನ್ಸ್ ಕ್ರಿಕೆಟ್ ಆಟಗಾರ್ತಿ ಸುಷ್ಮಾ ವರ್ಮಾ ಕೂಡ ತಮ್ಮ ಅಭಿನಂದನಾ ಸಂದೇಶವನ್ನು ಪೋಸ್ಟ್ ಮಾಡಿದ್ದಾರೆ.

ವ್ಯಾಟ್‌ನ ಗೆಳತಿ ಹಾಡ್ಜ್ ಲಂಡನ್ ಮೂಲದ ಫುಟ್‌ಬಾಲ್ ಏಜೆಂಟ್. ಅವರು ಪ್ರಸ್ತುತ CAA ಬೇಸ್‌ನಲ್ಲಿ ಮಹಿಳಾ ಫುಟ್‌ಬಾಲ್‌ನ ಮುಖ್ಯಸ್ಥರಾಗಿದ್ದಾರೆ, ಇದು ಫುಟ್‌ಬಾಲ್ ಆಟಗಾರರ ವೃತ್ತಿಜೀವನವನ್ನು ಅಭಿವೃದ್ಧಿಪಡಿಸಲು ಸಹಾಯ ಮಾಡುವ ಸಂಸ್ಥೆಯಾಗಿದೆ.

ದಕ್ಷಿಣ ಆಫ್ರಿಕಾದಲ್ಲಿ ಅವರ ನಿಶ್ಚಿತಾರ್ಥದಿಂದ ಚೆಲ್ಸಿಯಾ ಓಲ್ಡ್ ಟೌನ್ ಹಾಲ್‌ನಲ್ಲಿ ಅವರ ಸುಂದರವಾದ ವಿವಾಹದವರೆಗೆ ದಂಪತಿಗಳ ಪ್ರಯಾಣವು ಪ್ರಪಂಚದಾದ್ಯಂತದ ಅಭಿಮಾನಿಗಳು ಮತ್ತು ಅನುಯಾಯಿಗಳಿಗೆ ಸ್ಫೂರ್ತಿ ನೀಡುತ್ತಿದೆ.

ಈ ಇಬ್ಬರು ಆಟಗಾರ್ತಿಯರ ವೈವಾಹಿಕ ಜೀವನಕ್ಕೆ ಪ್ರಪಂಚದಾದ್ಯಂತ ಹಲವರು ಅಭಿನಂದನೆ ಕೋರಿದ್ದು, ಸಂತೋಷ ವ್ಯಕ್ತಪಡಿಸಿದ್ದಾರೆ.