ಖ್ಯಾತ ನಟಿ ಶ್ರೀದೇವಿ ಮೊದಲು ಖರೀದಿಸಿದ, ಜಾನ್ವಿ ಕಪೂರ್ ತನ್ನ ಬಾಲ್ಯದ ರಜೆಗಳನ್ನು ಕಳೆದ ಚೆನ್ನೈನ ಮನೆಯಲ್ಲಿ ನೀವೂ ಈಗ ಉಳಿಯಬಹುದು. ಈ ದಿನಾಂಕದಲ್ಲಿ ಸ್ವತಃ ನಟಿಯೇ ನಿಮ್ಮ ಆತಿಥ್ಯಕ್ಕೆ ನಿಲ್ಲುತ್ತಾರೆ.
ಇದು ಚೆನ್ನೈನಲ್ಲಿರುವ ಬಾಲಿವುಡ್ ಸೂಪರ್ ಸ್ಟಾರ್ ನಟಿ ಜಾನ್ವಿ ಕಪೂರ್ ಮನೆ. ಆಕೆಯ ತಾಯಿ ಶ್ರೀದೇವಿ ಬೋನಿ ಕಪೂರ್ ಜೊತೆ ವಿವಾಹವಾಗುವ ಮುನ್ನ ಖರೀದಿಸಿದ್ದ ಮನೆ.
4 ಎಕರೆಗಳಲ್ಲಿ ಹರಡಿಕೊಂಡಿರುವ ಆಸ್ತಿಯು ಅದ್ಭುತವಾಗಿದ್ದು, ಹಸಿರಿನ ನೋಟ ಹೊಂದಿದೆ. ಇಲ್ಲಿ ಜಾನ್ವಿ ಕಪೂರ್ ಬಾಲ್ಯದ ಹಲವಾರು ನೆನಪುಗಳಿವೆಯಂತೆ.
ಇದೀಗ ಈ ಸುಂದರ ಮಹಲಿನಲ್ಲಿ ನೀವು ಕೂಡಾ ಉಳಿಯಬಹುದು. ಹೌದು, ಹೋಂಸ್ಟೇ ಬುಕ್ ಮಾಡಬಹುದಾದ ವೆಬ್‌ಸೈಟ್ ಎರ್ ಬಿಎನ್‌ಬಿಯಲ್ಲಿ ಈ ಮನೆಯನ್ನು ಬುಕ್ ಮಾಡುವ ಸೌಲಭ್ಯ ಕಲ್ಪಿಸಲಾಗಿದೆ.
ಈ ಮನೆಯ ಕುರಿತಾಗಿ, ನೀವಲ್ಲಿ ಉಳಿದರೆ ಸಿಗುವ ಸೌಲಭ್ಯದ ಕುರಿತಾಗಿ ಸ್ವತಃ ನಟಿಯೇ ವೆಬ್‌ಸೈಟ್ನಲ್ಲಿ ಬರೆದಿದ್ದು, ನೀವೇನಾದರೂ ಮೇ 12ಕ್ಕಾಗಿ ಈ ಮನೆ ಬುಕ್ ಮಾಡಿದರೆ, ಸ್ವತಃ ಜಾನ್ವಿ ಕಪೂರ್ ನಿಮ್ಮ ಆತಿಥ್ಯ ವಹಿಸುತ್ತಾರೆ.
ಇಲ್ಲಿ ತಾಜಾ ದಕ್ಷಿಣ ಭಾರತೀಯ ತಿನಿಸಿನ ಜೊತೆ ಝೆನ್ ಮೋಡ್‌ಗೆ ಹೋಗಲು ಹೇಳಿ ಮಾಡಿಸಿದ ತಾಣ. ಇಲ್ಲಿನ ಸ್ಪಾದಲ್ಲಿ ತನ್ನ ಬ್ಯೂಟಿ ಸೀಕ್ರೆಟನ್ನು ನಿಮಗೂ ಅನುಭವಿಸುವ ಅವಕಾಶವಿದೆ ಎಂದು ನಟಿ ಬರೆದಿದ್ದಾರೆ.
ಶ್ರೀದೇವಿ ನಿರ್ಮಾಪಕ ಬೋನಿ ಕಪೂರ್ ಅವರೊಂದಿಗೆ ಮದುವೆಗೆ ಮುಂಚೆಯೇ ಚೆನ್ನೈ ಭವನವನ್ನು ಖರೀದಿಸಿದರು. ಸೋರಿಕೆ ಮತ್ತು ನಿರ್ವಹಣೆ ಸಮಸ್ಯೆಗಳಿಂದಾಗಿ ಮಹಲು ಅಂತಿಮವಾಗಿ ಮುಚ್ಚಲ್ಪಟ್ಟಿತು. ಆದಾಗ್ಯೂ, 2018 ರಲ್ಲಿ ಶ್ರೀದೇವಿಯ ಮರಣದ ನಂತರ, ಬೋನಿ ಕಪೂರ್ ಈ ಭವನವನ್ನು ನವೀಕರಿಸಿದರು.
ನನ್ನ ನೆಚ್ಚಿನ ತಾಣ ಎಂದರೆ ಕ್ಯಾಮೆರಾ ಮುಂದಿರುವುದು, ಅದು ಬಿಟ್ಟರೆ ಚೆನ್ನೈನ ಈ ಮನೆಯಲ್ಲಿರುವುದು ಎಂದು ಜಾನ್ವಿ ಹೇಳಿದ್ದಾರೆ.
ಆಯ್ದ Airbnb ಬಳಕೆದಾರರಿಗೆ ಮಾತ್ರ ಆ ಚೆನ್ನೈ ಮ್ಯಾನ್ಷನ್‌ನಲ್ಲಿ ವಾಸಿಸಲು ಅವಕಾಶ ಸಿಗುತ್ತದೆ, ಒಂದು ರಾತ್ರಿಯ ವಾಸ್ತವ್ಯವು ಅತಿಥಿಗಳು ಜಾನ್ವಿಯೊಂದಿಗೆ ಮಾತನಾಡುವುದನ್ನು ಒಳಗೊಂಡಿರುತ್ತದೆ.
ಈ ಮಹಲು ಬೋನಿ ಕಪೂರ್ ಅವರ ಚೆನ್ನೈ ಕಚೇರಿಯನ್ನು ಒಳಗೊಂಡಿದೆ, ಇದು ಶ್ರೀದೇವಿಯವರ ಮೊದಲ ವರ್ಣಚಿತ್ರಗಳಲ್ಲಿ ಒಂದನ್ನು ಒಳಗೊಂಡಿರುವ ಕೋಣೆ ಹೊಂದಿದೆ.
ರಹಸ್ಯ ಕೊಠಡಿ ಮತ್ತು ಕುಟುಂಬದ ಹಳೆಯ ಚಿತ್ರಗಳಿಂದ ತುಂಬಿದ ಗೋಡೆಯೂ ಇದೆ, ಟಿವಿ ಕೋಣೆಯಲ್ಲಿ ಲಾಕ್‌ಡೌನ್ ಸಮಯದಲ್ಲಿ ಜಾನ್ವಿ ಮತ್ತು ಖುಷಿ ಕಪೂರ್ ಮಾಡಿದ ಚಿತ್ರಗಳಿವೆ. ಆದ್ದರಿಂದ, ಭವನವನ್ನು ಬಾಡಿಗೆಗೆ ತೆಗೆದುಕೊಳ್ಳುವ ಯಾರಾದರೂ ಇದಕ್ಕೆ ಸಾಕ್ಷಿಯಾಗುತ್ತಾರೆ.