Yoga Day 2022-ಈ ಬಾಲಿವುಡ್‌ ನಟಿಯರ ಫಿಟ್ನೆಸ್‌ ರಹಸ್ಯ ಯೋಗ

ಅಂತಾರಾಷ್ಟ್ರೀಯ ಯೋಗ ದಿನ 2022(International Yoga Day 2022) ಅನ್ನು ಪ್ರತಿ ವರ್ಷ ಜೂನ್ 21 ರಂದು ಆಚರಿಸಲಾಗುತ್ತದೆ. ದೇಹವನ್ನು  ಫಿಟ್‌ ಆಗಿಡುವುದರ ಜೊತೆಗೆ ಯೋಗವು ವ್ಯಕ್ತಿಯನ್ನು ಫ್ರೆಶ್ ಆಗಿ ಇಡುತ್ತದೆ.   ಬಾಲಿವುಡ್‌ನ ಬಹುತೇಕ   ನಟಿಯರು ಎಷ್ಟೇ ಬ್ಯುಸಿಯಾಗಿದ್ದರೂ ಯೋಗ ಮಾಡಲು ಸಮಯ ತೆಗೆದುಕೊಳ್ಳುತ್ತಾರೆ. ಅಂದಹಾಗೆ, ಶಿಲ್ಪಾ ಶೆಟ್ಟಿಯಿಂದ ಹಿಡಿದು ಮಲೈಕಾ ಅರೋರಾವರೆಗೂ ಯೋಗಕ್ಕೆ ಸಂಬಂಧಿಸಿದ ಕೆಲವು ಸಿಡಿಗಳನ್ನು ಹೊರತಂದಿದ್ದಾರೆ.  

2 ಮಕ್ಕಳ ತಾಯಿಯಾಗಿರುವ ಶಿಲ್ಪಾ ಶೆಟ್ಟಿ ಈ ವಯಸ್ಸಿನಲ್ಲಿ ಸಾಕಷ್ಟು ಫಿಟ್ ಆಗಿದ್ದಾರೆ. ಇವರು ಕೇವಲ 18ನೇ ವಯಸ್ಸಿನಿಂದ ಯೋಗ ಮಾಡಲು ಪ್ರಾರಂಭಿಸಿದ್ದಾರೆ. ಆ ಸಮಯದಲ್ಲಿ ಅವರು ದೀರ್ಘಕಾಲದ ಸ್ಪಾಂಡಿಲೈಟಿಸ್‌ನಿಂದ ಬಳಲುತ್ತಿದ್ದರು. ಈಗ ಯೋಗ ಅವರ ದಿನಚರಿಯ ಭಾಗವಾಗಿದೆ. ವಾರಕ್ಕೆ ಮೂರು ಬಾರಿ ಯೋಗ ಮಾಡುತ್ತಾಳೆ. ಅವರ ನೆಚ್ಚಿನ ಆಸನಗಳೆಂದರೆ ಭುಜಂಗಾಸನ, ವಕ್ರಾಸನ, ನೌಕಾಸನ ಮತ್ತು ಅಧೋ ಮುಖ ಶವನಾಸನ.

ಬಿಪಾಶಾ ಬಸು ಯೋಗ ಫ್ರಿಕ್‌ . ಈ ನಟಿ ಲವ್ ಯುವರ್ಸೆಲ್ಫ್ ಎಂಬ ಡಿವಿಡಿಯನ್ನು ಬಿಡುಗಡೆ ಮಾಡಿದ್ದಾರೆ. ಇದು ಯೋಗಕ್ಕೆ ಸಂಬಂಧಿಸಿದ ಅನೇಕ ಮಾಹಿತಿಯನ್ನು ಒಳಗೊಂಡಿದೆ. ಅಷ್ಟೇ ಅಲ್ಲ ಯೋಗಕ್ಕೆ ಸಂಬಂಧಿಸಿದ ಸಲಹೆಗಳನ್ನೂ ಇದರಲ್ಲಿ ನೀಡಲಾಗಿದೆ. ಸ್ವತಃ ಬಿಪಾಶಾ ಕೂಡ ನಿತ್ಯ ಯೋಗ ಮಾಡುತ್ತಾ ಈ ವಯಸ್ಸಿನಲ್ಲೂ ಫಿಟ್‌  ಆಗಿ ಕಾಣುತ್ತಿದ್ದಾರೆ. ಅವರು ತನ್ನ ದಿನವನ್ನು ಸೂರ್ಯ ನಮಸ್ಕಾರದಿಂದ ಪ್ರಾರಂಭಿಸುತ್ತಾರೆ.ಅವರ ನೆಚ್ಚಿನ ಯೋಗದ ಭಂಗಿಯು ಉಸ್ತ್ರಾಸನವಾಗಿದೆ.

ಮಲೈಕಾ ಅರೋರಾ ತನ್ನನ್ನು ತಾನು ಫಿಟ್ ಆಗಿಟ್ಟುಕೊಳ್ಳಲು ಪ್ರತಿದಿನ ಯೋಗ ಮಾಡುತ್ತಾರೆ. ಅವರು ಅಭಿಮಾನಿಗಳಿಗಾಗಿ Instagram ಖಾತೆಯಲ್ಲಿ ವೀಡಿಯೊಗಳನ್ನು ಹಂಚಿಕೊಳ್ಳುತ್ತಲೇ ಇರುತ್ತಾರೆ. ಅನೇಕ ಅಭಿಮಾನಿಗಳು ಅವರ ಯೋಗ ಸಲಹೆಗಳನ್ನು ಅನುಸರಿಸುತ್ತಾರೆ. ಸೂರ್ಯ ನಮಸ್ಕಾರ , ಪದ್ಮಾಸನ, ಧನುಶಾಸನ ಮತ್ತು ಸೂರ್ಯ ನಮಸ್ಕಾರ ಅವರ ನೆಚ್ಚಿನ ಆಸನಗಳು.

ಯೋಗವು ಆಲಿಯಾ ಭಟ್‌ಗೆ ದಣಿವಾಗದೆ ಚಲನಚಿತ್ರಗಳ ಚಿತ್ರೀಕರಣದಲ್ಲಿ ಸಕ್ರಿಯವಾಗಿರಲು ಸಹಾಯ ಮಾಡುತ್ತದೆ ಎಂದು ನಟಿ ಹೇಳುತ್ತಾರೆ. ಅವರು ಬಾಲಿವುಡ್‌ಗೆ ಪಾದಾರ್ಪಣೆ ಮಾಡುವ ಸಂದರ್ಭದಲ್ಲಿ ಯೋಗ ಮಾಡಲು ಪ್ರಾರಂಭಿಸಿದರು. ಯೋಗದ ಸಹಾಯದಿಂದ ಅವರು ಸಾಕಷ್ಟು ತೂಕವನ್ನು ಕಳೆದುಕೊಂಡರು. ಆಲಿಯಾ ಅರ್ಧ ಮತ್ಸ್ಯೇಂದ್ರಾಸನವನ್ನು ಮಾಡುತ್ತಾರೆ ಇದಲ್ಲದೆ ವಸಿಷ್ಠಾಸನ, ನೌಕಾಸನ, ಧನುರಾಸನ, ವೃಕ್ಷಾಸನವನ್ನೂ ಮಾಡುತ್ತಾರೆ.

ಜಾಕ್ವೆಲಿನ್ ಫೆರ್ನಾಂಡಿಸ್ ತನ್ನನ್ನು ತಾನು ಫಿಟ್ ಆಗಿಟ್ಟುಕೊಳ್ಳಲು ನಿಯಮಿತವಾಗಿ ಯೋಗ ಮಾಡುತ್ತಾರೆ. ಕಷ್ಟದ ಭಂಗಿಯ ಯೋಗ ಮಾಡುವುದರಲ್ಲಿ ಅವರ ಹೊಳೆಯುವ ಚರ್ಮದ ರಹಸ್ಯ ಅಡಗಿದೆ. ಜಾಕ್ವೆಸ್ ಪೋಲ್ ಡ್ಯಾನ್ಸ್ ಕೂಡ ಮಾಡುತ್ತಾರೆ.

ಸಾರಾ ಅಲಿ ಖಾನ್  ಅವರು ವಿಶೇಷ ಯೋಗ ಮಾಡುವ ಮೂಲಕ ತಮ್ಮನ್ನು ತಾವು ಫಿಟ್ ಆಗಿ ಇರಿಸಿಕೊಂಡಿದ್ದಾರೆ.  ಯೋಗ ಕೊಬ್ಬನ್ನು ಕಡಿಮೆ ಮಾಡಲು ಸಹಾಯ ಮಾಡುತ್ತದೆ. ಇದಲ್ಲದೇ ಏರಿಯಲ್‌ ಯೋಗವನ್ನೂ ಮಾಡುತ್ತಾರೆ. ಇದರಿಂದ ದೇಹದಲ್ಲಿ ಸಮತೋಲನ ಕಾಯ್ದುಕೊಳ್ಳುತ್ತದೆ.

ಕಂಗನಾ ರಣಾವತ್ ಕೂಡ ತನ್ನನ್ನು ತಾನು ಫಿಟ್ ಆಗಿ ಮತ್ತು ಅಪ್‌ಡೇಟ್‌ ಆಗಿಡಲು ಪ್ರತಿದಿನ ಯೋಗ ಮಾಡುತ್ತಾರೆ. ಕಂಗನಾ ಸುಮಾರು 100 ಯೋಗಾಸನಗಳನ್ನು ಮಾಡುತ್ತಾರೆ. ಅವರು ವಾರದಲ್ಲಿ 5 ದಿನ ಜಿಮ್‌ಗೆ ಹೋಗುತ್ತಾರೆ ಮತ್ತು ಪ್ರತಿದಿನ 45 ನಿಮಿಷಗಳ ಕಾಲ ಯೋಗ ಮಾಡುತ್ತಾರೆ. ಅವರು ತಮ್ಮ ದಿನಚರಿಯಲ್ಲಿ ಧನುರಸನ, ಪ್ರಾಣಾಯಾಮ ಮತ್ತು ಚಕ್ರಾಸನದಂತಹ ಯೋಗವನ್ನು ಸೇರಿಸುತ್ತಾರೆ. ತನ್ನನ್ನು ತಾನು ಫಿಟ್ ಆಗಿಟ್ಟುಕೊಳ್ಳಲು, ಕಂಗನಾ ಸೂರ್ಯನಮಸ್ಕಾರ ಮತ್ತು ಅಧೋಮುಖಸಾವಸನ್ ಕೂಡ ಮಾಡುತ್ತಾರೆ.

ಕರೀನಾ ಕಪೂರ್ ತನ್ನನ್ನು ತಾನು ಫಿಟ್ ಆಗಿಟ್ಟುಕೊಳ್ಳಲು ನಿಯಮಿತವಾಗಿ ಯೋಗ ಮಾಡುತ್ತಾರೆ. ಅವರು ಯೋಗ ಮಾಡುವ ತಮ್ಮ ಫೋಟೋಗಳನ್ನು Instagram ನಲ್ಲಿ ಹಂಚಿಕೊಳ್ಳುತ್ತಾರೆ. ಕರೀನಾ ಶಿರ್ಶಾಸನ ಮತ್ತು ಚಕ್ರಾಸನದಂತಹ ಕೆಲವು ಕಠಿಣ ಆಸನಗಳನ್ನು ಮಾಡುತ್ತಾರೆ. ಗರ್ಭಾವಸ್ಥೆಯಲ್ಲಿ ಯೋಗ ಮಾಡುವ ಮೂಲಕ ತೂಕವನ್ನು ಕಡಿಮೆ ಮಾಡಿಕೊಂಡಿದ್ದರು. ನಾನು ಪ್ರತಿದಿನ ಯೋಗ ಮಾಡುತ್ತೇನೆ ಮತ್ತು ಈಗ ಅದು ನನ್ನ ಜೀವನದ ಭಾಗವಾಗಿದೆ ಎಂದು ನಟಿ ಕರೀನಾ ಹೇಳುತ್ತಾರೆ. ಪ್ರತಿದಿನ ಒಂದೂವರೆ ಗಂಟೆಗಳ ಕಾಲ ಯೋಗ ಮಾಡುವ ಕರೀನಾ ಈ ಕಾರಣಕ್ಕಾಗಿ ತುಂಬಾ ಆ್ಯಕ್ಟಿವ್ ಆಗಿ ಕಾಣುತ್ತಾರೆ.