ಬಾಲಿವುಡ್ ಸ್ಟಾರ್ ಆಮೀರ್ ಖಾನ್ ಅವರ ಸಹೋದರ ಫೈಸಲ್ ಈ ದಿನಗಳಲ್ಲಿ ಸುದ್ದಿಯಲ್ಲಿದ್ದಾರೆ. ಇದಕ್ಕೆ ಕಾರಣ ಅವರು ಕಿರಣ್ ರಾವ್ ಮತ್ತು ತಮ್ಮ ಸಹೋದರ ಆಮೀರ್ ವಿಚ್ಛೇದನ ಕುರಿತು ಮಾತನಾಡಿದ್ದಾರೆ. ಫೈಸಲ್ ಖಾನ್ ಆಮೀರ್ ಖಾನ್ ಯಾಕೆ ಕಿರಣ್ ರಾವ್ಗೆ ವಿಚ್ಛೇದನ ನೀಡಿದರು? ಮರು ಮದುವೆಯಾಗಲಿದ್ದಾರಾ? ಎಂಬ ವಿಷಯವನ್ನು ಬಹಿರಂಗ ಪಡಿಸಿದ್ದಾರೆ.
ಕೆಲವು ವಾರಗಳ ಹಿಂದೆ, ಅಮೀರ್ ಖಾನ್ ಮತ್ತು ಕಿರಣ್ ರಾವ್ ಅವರ ವಿಚ್ಛೇದನದ ಸುದ್ದಿ ಅವರ ಅಭಿಮಾನಿಗಳಿಗೆ ಆಘಾತವನ್ನುಂಟು ಮಾಡಿತು. ಆ ಸಮಯದಲ್ಲಿ ಅನೇಕ ವದಂತಿಗಳು ಮತ್ತು ವರದಿಗಳು ಹೊರಬಂದವು,
ನಂತರ, ಅಮೀರ್ ಮತ್ತು ಕಿರಣ್ ಇಬ್ಬರೂ ವಿಡಿಯೋವೊದನ್ನು ಶೇರ್‌ ಮಾಡಿಕೊಂಡು, ನಾವು ಕುಟುಂಬವಾಗಿ ಶಾಶ್ವತವಾಗಿ ಇರುವುದಾಗಿಯೂ ಮತ್ತು ಎಲ್ಲ ಕೆಲಸಗಳನ್ನೂ ಜೊತೆಯಾಗಿ ಮಾಡುವುದಾಗಿಯೂ ಜಂಟಿ ಹೇಳಿಕೆ ಬಿಡುಗಡೆ ಮಾಡಿದ್ದರು.
'ಈ 15 ಸುಂದರ ವರ್ಷಗಳಲ್ಲಿ, ನಾವು ಜೀವಮಾನದ ಅನುಭವಗಳು, ಸಂತೋಷ ಮತ್ತು ನಗೆಯನ್ನು ಹಂಚಿಕೊಂಡಿದ್ದೇವೆ ಮತ್ತು ನಮ್ಮ ಸಂಬಂಧವು ನಂಬಿಕೆ, ಗೌರವ ಮತ್ತು ಪ್ರೀತಿಯಲ್ಲಿ ಮಾತ್ರ ಬೆಳೆದಿದೆ. ಈಗ ನಾವು ಹೊಸದನ್ನು ಪ್ರಾರಂಭಿಸಲು ಬಯಸುತ್ತೇವೆ. ನಮ್ಮ ಜೀವನದಲ್ಲಿ ಅಧ್ಯಾಯ-ಇನ್ನು ಮುಂದೆ ಗಂಡ ಮತ್ತು ಹೆಂಡತಿಯಾಗಿ ಅಲ್ಲ, ಆದರೆ ಸಹ-ಪೋಷಕರು ಮತ್ತು ಪರಸ್ಪರ ಕುಟುಂಬವಾಗಿ ಇರುತ್ತೇವೆ' ಎಂದು ಹೇಳಿಕೆ ನೀಡಿದ್ದರು.
ಈಗ, ಅಮೀರ್ ಖಾನ್ ಸಹೋದರ ಫೈಸಲ್ ಖಾನ್ ಫ್ಯಾಕ್ಟರಿ ಎಂಬ ಚಿತ್ರದ ಮೂಲಕ ನಿರ್ದೇಶಕರಾಗಿ ಪಾದಾರ್ಪಣೆ ಮಾಡುತ್ತಿದ್ದಾರೆ. ಇವರು ತನ್ನ ಸಹೋದರನ ವಿಚ್ಛೇದನದ ಒಳಗಿನ ವಿವರಗಳನ್ನು ಬಹಿರಂಗಪಡಿಸಿದ್ದಾರೆ. ಏನು ಹೇಳುತ್ತಾರೆ ಆಮೀರ್ ಸಹೋದರ ಈ ಬಗ್ಗೆ ನೋಡಿ.
ETimes ಗೆ ನೀಡಿದ ಸಂದರ್ಶನದಲ್ಲಿ, ಫೈಸಲ್ ಖಾನ್, 'ನನ್ನ ಮದುವೆ ಫಲಿಸಲಿಲ್ಲ, ಹಾಗಾಗಿ ನಾನು ಯಾರ ವೈಯಕ್ತಿಕ ಜೀವನದ ಬಗ್ಗೆಯೂ ಪ್ರತಿಕ್ರಿಯಿಸಲು ಸಾಧ್ಯವಿಲ್ಲ. ಅವರಿಗೆ ಯಾವುದು ಉತ್ತಮ ಎಂದು ಅವರಿಗೆ ತಿಳಿದಿದೆ' ಎಂದು ಆಮೀರ್ ಖಾನ್ ಮತ್ತು ಕಿರಣ್ ರಾವ್ ಡಿವೋರ್ಸ್‌ ಬಗ್ಗೆ ಹೇಳಿದರು.
ಆಮೀರ್ ಬೇರ ಅವರ ಜೊತೆ ಸಂಬಂಧದಲ್ಲಿದ್ದಾರೆ ಮತ್ತು ಬಹುಶಃ ಮರು ಮದುವೆಯಾಗುತ್ತಾರೆ ಎಂದು ಅನೇಕ ವರದಿಗಳು ಸೂಚಿಸುತ್ತವೆ. ಈ ಬಗ್ಗೆ ಸಹೋದರನಿಗೆ ಫೈಸಲ್ ಖಾನ್ ಏನು ಸಲಹೆ ನೀಡಲು ಬಯಸುತ್ತಾರೆ ಎಂದು ಕೇಳಲಾಯಿತು. 'ನಾನು ಅವರಿಗೆ ಯಾವುದೇ ಸಲಹೆ ನೀಡಲು ಸಾಧ್ಯವಿಲ್ಲ. ನನ್ನ ಮದುವೆಯೇ ನೆಡೆಯಲಿಲ್ಲ,' ಎಂದು ಹೇಳಿದ ಫೈಸಲ್ ಖಾನ್.
ಆಮಿರ್ ಮತ್ತು ಫೈಸಲ್ ಅವರು ಟ್ವಿಂಕಲ್ ಖನ್ನಾ ಜೊತೆ 2000 ರ ಫ್ಲಾಫ್‌ ಸಿನಿಮಾ ಮೇಳದಲ್ಲಿ ಕಾಣಿಸಿಕೊಂಡರು. ಆಮೀರ್ ಮತ್ತು ಅವರ ಸಹೋದರ ಫೈಸಲ್ ಅಷ್ಟು ಉತ್ತಮವಾದ ಸಂಬಂಧವನ್ನು ಹೊಂದಿಲ್ಲ ಎಂದು ವರದಿಯಾಗಿದೆ.
'ನಮ್ಮ ನಡುವೆ ಎಲ್ಲವೂ ಸರಿಯಾಗಿದೆ. ಒಬ್ಬ ವ್ಯಕ್ತಿಯಾಗಿ, ನಾನು ನನ್ನ ಸ್ವಂತ ನಿರ್ಧಾರಗಳನ್ನು ತೆಗೆದುಕೊಳ್ಳುತ್ತೇನೆ. ನಾನು ನನ್ನ ಕೈಲಾದದ್ದನ್ನು ನೀಡಿದ್ದೇನೆ, ಮತ್ತು ನನ್ನ ನಿರ್ಮಾಪಕರು ನನಗೆ ಸಹಾಯ ಮಾಡಿದ್ದಾರೆ. ದೇವರ ಮತ್ತು ಪ್ರೇಕ್ಷಕರ ತೀರ್ಪು ನೋಡಬೇಕಿದೆ' ಎಂದು ಫೈಸಲ್ ಹೇಳಿದ್ದಾರೆ.