ವರುಣ್ ಧವನ್ ಮತ್ತು ನತಾಶಾ ದಲಾಲ್ ಅವರ ಮದುವೆಯ ಸಂಗೀತ ಸಮಾರಂಭವನ್ನು ಕರಣ್ ಜೋಹರ್ ಆಯೋಜಿಸಿದ್ದಾರೆ.
ವರ್ಷಗಳ ಹಿಂದೆ ಡೇವಿಡ್ ಧವನ್ ಮಗ ವರುಣ್‌ನನ್ನು ಲಾಂಚ್‌ ಮಾಡಿದ್ದು ಬೇರೆ ಯಾರು ಅಲ್ಲ ಕರಣ್ ಜೋಹರ್.
ಬಾಲ್ಯದಿಂದಲೂ ಸ್ನೇಹಿತರಾಗಿರುವ ವರುಣ್ ಮತ್ತು ನತಾಶಾ ಈಗ ಇದೇ ತಿಂಗಳ 24 ರಂದು ವೈವಾಹಿಕ ಜೀವನ ಪ್ರವೇಶಿಸುತ್ತಿದ್ದಾರೆ.
ಧವನ್ ಅವರ ವಿವಾಹದ ಅತಿಥಿ ಪಟ್ಟಿ ಬೆಳೆಯುತ್ತಿದೆ. ' 50 ಕ್ಕಿಂತ ಹೆಚ್ಚಿನ ಸಂಖ್ಯೆಯ ಆಹ್ವಾನಿತರು ಇರುತ್ತಾರೆ, ಇದು ಕೋವಿಡ್ ಮಾರ್ಗಸೂಚಿ ಕಾರಣದಿಂದ ಕಡಿತವಾದ ಸಂಖ್ಯೆ. ಇದಕ್ಕಾಗಿಯೇ ವರುಣ್ ತಂದೆ ಡೇವಿಡ್ ಧವನ್ ಈ ಹಿಂದೆ ಮದುವೆಯ ಆಹ್ವಾನಿತರನ್ನು ಎರಡೂ ಕಡೆಯ ಹತ್ತಿರದ ಸಂಬಂಧಿಗಳಿಗೆ ಮಾತ್ರ ನಿರ್ಬಂಧಿಸಲು ನಿರ್ಧರಿಸಿದ್ದರು. ಆದರೆ ದಿನಗಳು ಉರುಳಿದಂತೆ, ಡೇವಿಡ್ ಮತ್ತು ವರುಣ್‌ರ ಉದ್ಯಮದಲ್ಲಿ ಸ್ನೇಹಿತರು ತಮಗೆ ಏಕೆ ಆಹ್ವಾನ ಬಂದಿಲ್ಲ ಎಂದು ಕೇಳಲು ಕಾಲ್‌ ಮಾಡುತ್ತಿದ್ದಾರೆ' ಎಂದು ಮೂಲವೊಂದು ಹೇಳಿದೆ.
ಸಂಗೀತ ಸಮಾರಂಭದಲ್ಲಿ ವರುಣ್ ಮತ್ತು ನತಾಶಾ ಅವರ ಫ್ರೆಂಡ್ಸ್‌ ಮತ್ತು ಫ್ಯಾಮಿಲಿ ಉಪಸ್ಥಿತರಿರುತ್ತಾರೆ. ಆಲಿಯಾ ಭಟ್ ಮತ್ತು ಜಾನ್ವಿ ಕಪೂರ್ ಫರ್ಫಾರ್ಮ್‌ ಮಾಡಲಿದ್ದಾರೆ ಎಂದು ತಿಳಿದುಬಂದಿದೆ.
'ಖಂಡಿತವಾಗಿಯೂ ಕರಣ್ ಡ್ಯಾನ್ಸ್‌ ಮಾಡುತ್ತಾರೆ. ಅರ್ಜುನ್ ಕಪೂರ್, ಆಲಿಯಾ ಭಟ್ ಮತ್ತು ಜಾನ್ವಿ ಕಪೂರ್ ಕೂಡ ವರುಣ್ ಮತ್ತು ನತಾಶಾ ಅವರ ಸಂಗೀತ ಸಮಾರಂಭದಲ್ಲಿ ಡ್ಯಾನ್ಸ್‌ ಮಾಡುತ್ತಿದ್ದಾರೆ' ಎಂದು ಹೇಳಲಾಗಿದೆ.
ಮಾಧ್ಯಮ ವರದಿಗಳ ಪ್ರಕಾರ, ಇಂದು ಜನವರಿ 21 ರಂದು 'ಚುನ್ನಿ' ಸಮಾರಂಭವಿದ್ದು ಇದು ನತಾಶಾ ಅವರ ಮನೆಯಲ್ಲಿ ನಡೆಯಲಿದೆ.