ಮಾಜಿ ಮಿಸ್ ಯೂನಿವರ್ಸ್ ಹಾಗೂ ನಟಿ ಸುಶ್ಮಿತಾ ಸೇನ್ ಅವರ ಲವ್ ಲೈಫ್ ಯಾವಾಗಲೂ ಸುದ್ದಿಯಲ್ಲಿರುತ್ತದೆ. ಇತ್ತೀಚಿನ ಸಂಭಾಷಣೆಯಲ್ಲಿ ನಟಿ ತಮ್ಮ ಮದುವೆ ಯಜನೆಗಳ ಬಗ್ಗೆ ಮಾತನಾಡಿದ್ದಾರೆ 'ಖಂಡಿತವಾಗಿಯೂ ನಾನು ಮದುವೆಯಾಗುತ್ತೇನೆ ಎಂದು ಹೇಳಿಕೊಂಡಿದ್ದಾರೆ.
ಸುಶ್ಮಿತಾ ಸೇನ್ ತಮ್ಮ ವೈಯಕ್ತಿಕ ಜೀವನದ ಕಾರಣದಿಂದ ಪದೇ ಪದೇ ಜನರ ಗಮನ ಸೆಳೆಯುತ್ತಾರೆ.ಇತ್ತೀಚಿನ ಸಂದರ್ಶನದಲ್ಲಿ ಅವರು ತಮ್ಮ ಮದುವೆಯ ಯೋಜನೆಗಳನ್ನು ಹಂಚಿಕೊಂಡಿದ್ದಾರೆ.
2023ರ ಹೃದಯಾಘಾತದ ಹಿಡಿದು ಲಲಿತ್ ಮೋದಿ ಅವರೊಂದಿಗಿನ ಒಡನಾಟ ಮತ್ತು ರೋಹ್ಮನ್ ಶಾಲ್ ಅವರೊಂದಿಗಿನ ಸಂಬಂಧದವರೆಗೆ ಸುಶ್ಮಿತಾ ಅವರ ಲವ್ ಲೈಫ್ ಊಹಾಪೋಹಗಳಿಗೆ ಮೂಲವಾಗಿದೆ.
ಇಂಡಲ್ಜ್‌ನೊಂದಿಗಿನ ಇತ್ತೀಚಿನ ಸಂದರ್ಶನದಲ್ಲಿ, ಅವರು ಪ್ರೀತಿ ಮತ್ತು ಸಂಬಂಧಗಳ ಬಗೆಗಿನ ತನ್ನ ವರ್ತನೆಯ ಬಗ್ಗೆ ಬಹಿರಂಗಪಡಿಸಿದ್ದಾರೆ. ತಮ್ಮ ಲೈಂಗಿಕ ಜೀವನವನ್ನು ಎಂದಿಗೂ ಸಾರ್ವಜನಿಕರಿಂದ ಮರೆಮಾಡಲಾಗಿಲ್ಲ ಎಂದು ಹೇಳಿದ್ದಾರೆ.
ಹೃದಯಾಘಾತವನ್ನು ಹೇಗೆ ಮನೋಹರವಾಗಿ ಎದುರಿಸುವುದು, ಮಾಜಿ ಪ್ರೇಮಿಗಳೊಂದಿಗಿನ ಸ್ನೇಹದ ಸಾಮರ್ಥ್ಯ ಮತ್ತು ಮದುವೆಯ ಬಗ್ಗೆ ಅವರ ಅಭಿಪ್ರಾಯವೇನೆಂದು ಮಾಜಿ ಮಿಸ್ ಯೂನಿವರ್ಸ್ ಹೇಳಿ ಕೊಂಡಿದ್ದಾರೆ.
ಸುಶ್ಮಿತಾ ಸೇನ್ ತನ್ನ ಮದುವೆಯ ಯೋಜನೆಗಳನ್ನು ಹಂಚಿಕೊಂಡಿದ್ದಾರೆ ಮತ್ತು ತನ್ನ ಭಾವಿ ಪತಿಯಿಂದ ಅವರು ಏನು ಬಯಸುತ್ತಾರೆ ಎಂದು ಹೇಳಿದ್ದಾರೆ.
'ನನ್ನ ಜೀವನ ಖಂಡಿತವಾಗಿಯೂ ತೆರೆದ ಪುಸ್ತಕ. ನಾನದನ್ನು ಪ್ರಾಮಾಣಿಕವಾಗಿ ಮತ್ತು ಕೆಲವೊಮ್ಮೆ ನಿರ್ಭಯವಾಗಿ ಬದುಕಿದ್ದೇನೆ. ಆದರೆ ಘನತೆ ನಿಮ್ಮ ಜೀವನದ ಒಂದು ಅಂಶದಲ್ಲಿ ಮಾತ್ರ ಕಾಣಿಸುವುದಿಲ್ಲ. ಆದರದು ನೀವು ಯಾರು ಎನ್ನುವುದರಿಂದ ನಿರ್ಧಾರವಾಗುತ್ತದೆ. ನೀವು ತೆಗೆದುಕೊಳ್ಳುವ ನಿರ್ಧಾರಗಳು ನಿಮ್ಮನ್ನು ನೋಯಿಸುತ್ತವೆಯೇ, ನಿಮಗೆ ದ್ರೋಹ ಬಗೆದಿರಲಿ ಅಥವಾ ನೀವು ತಪ್ಪು ಮಾಡಿದ್ದೀರಿ ಎಂಬುವುದು ಮುಖ್ಯವಲ್ಲ. ಮನುಷ್ಯನಲ್ಲಿ ಹೆಚ್ಚು ಸಮಯವನ್ನು ಹೂಡಿಕೆ ಮಾಡುವುದು ಮತ್ತು ಅದು ತಪ್ಪು ಎಂದೆನಿಸಿದರೆ ಅದರಿಂದ ಬಹುಬೇಗ ಹೊರ ಬರುವುದು ಮುಖ್ಯವೆಂದು ಹೇಳಿದ್ದಾರೆ.
ಮಾಜಿ ಪ್ರೇಮಿ ರೋಹ್ಮನ್ ಜೊತೆಗಿನ ಸಂಬಂಧ ಬ್ರೇಕಪ್ ಆಗಿದ್ದು, ಮತ್ತೆ ಒಂದಾಗಿರುವ ಬಗ್ಗೆ ಮತಾನಾಡಿದ ಸುಶ್ಮಿತಾ ಸೇನ್ ತಮ್ಮ ಸಂಬಂಧದ ಬಗ್ಗೆ ಪಾಸಿಟಿವ್ ವಿಷನ್ ಇರುವುದಾಗಿ ಹೇಳಿ ಕೊಂಡಿದ್ದಾರೆ.
ಆದರೆ, ಕೆಲವೊಮ್ಮೆ ಮಾಜಿಯೊಂದಿಗೆ ಹೇಗೆ ಸ್ನೇಹ ಹೊಂದಬೇಕು, ಎಲ್ಲಿ ರೇಖೆಯನ್ನು ಎಳೆಯಬೇಕೆಂಬುದನ್ನು ಡಿಸೈಡ್ ಮಾಡುವುದು ಕಷ್ಟ. ಅಲ್ಲೊಂದು ಸಣ್ಣ ಗೆರೆ ಎಳೆದುಕೊಳ್ಳುವುದು ಅನಿವಾರ್ಯ. ಹಾಗಂಥ ಮುರಿದು ಹೋದ ಸಂಬಂಧವನ್ನು ಸರಿ ಮಾಡಿಕೊಳ್ಳುವದು ಕಷ್ಟವೆಂದಲ್ಲ. ಇದು ಪ್ರತಿಯೊಬ್ಬ ವೈಯಕ್ತಿಕ ಬದುಕಿನ ಮೇಲೆ ಡಿಪೆಂಡ್ ಆಗಿರುತ್ತದೆ ಎಂದ ಸುಶ್ಮಿತಾ ಸೇನ್‌ಗೆ ಮದುವೆಯಾಗುತ್ತೀರಾ ಎಂದು ಕೇಳಿದಾಗ ಖಂಡಿತಾ ಆಗುತ್ತೇನೆಂದು ಉತ್ತರಿಸಿದ್ದಾರೆ. ಆದರೆ, ಯಾರೊಟ್ಟಿಗೆ, ಯಾವಾಗ ಅನ್ನೊದಕ್ಕಿಂತ ನಮ್ಮ ವಯಸ್ಸು ಹಾಗೂ ಸಾಮಾಜಿಕ ಕಟ್ಟುಪಾಡುಗಳನ್ನು ಗಮನದಲ್ಲಿಟ್ಟುಕೊಂಡು, ದಾಂಪತ್ಯಕ್ಕೆ ಕಾಲಿಡಬೇಕೆಂದು ಪ್ರಬುದ್ಧವಾದ ಉತ್ತರ ನೀಡಿದ್ದಾರೆ.
ಸೇನ್ ಅವರು ಹಿಂದೆ ನಟ ರಣದೀಪ್ ಹೂಡಾ ಅವರೊಂದಿಗೆ 2004 ರಿಂದ 2006 ರವರೆಗೆ ಮತ್ತು ಮಾಡೆಲ್ ರೋಹ್ಮನ್ ಶಾಲ್ ಅವರೊಂದಿಗಿನ 2018 ರಿಂದ 2021 ರವರೆಗೆ ಸಂಬಂಧದಲ್ಲಿದ್ದರು.
ಇತ್ತೀಚಿನ ರೋಹ್ಮನ್ ಶಾಲ್ ಜೊತೆಯ ಸುಶ್ಮಿತಾ ಅವರ ಸಾರ್ವಜನಿಕ ಪ್ರದರ್ಶನಗಳು ಇಬ್ಬರೂ ಒಂದಾಗಿರುವ ಅನುಮಾನಕ್ಕೆ ಕಾರಣವಾಗಿವೆ.
ಜುಲೈ 2022 ರಲ್ಲಿ, ಬಿಲಿಯನೇರ್ ಮತ್ತು ಐಪಿಎಲ್ ಸಂಸ್ಥಾಪಕ ಲಲಿತ್ ಮೋದಿ ಸಾಮಾಜಿಕ ಮಾಧ್ಯಮದಲ್ಲಿ ಹಾಲಿಡೇ ಫೋಟೋಗಳನ್ನು ಹಂಚಿಕೊಂಡು ಸುಶ್ಮಿತಾ ಜೊತೆ ಸಂಬಂಧವನ್ನು ಸಾರ್ವಜನಿಕವಾಗಿ ಒಪ್ಪಿಕೊಂಡಿದ್ದರು
2023 ರಲ್ಲಿ ಮಿಡ್-ಡೇಗೆ ನೀಡಿದ ಸಂದರ್ಶನದಲ್ಲಿ, ಅವರು ಮೋದಿಯೊಂದಿಗಿನ ಅವರ ಸಂಕ್ಷಿಪ್ತ ಸಂಬಂಧದ ಬಗ್ಗೆ ಮಾತನಾಡಿದ್ದರು, ಸಂಬಂಧದ ಕ್ಷಣಿಕ ಸ್ವರೂಪವನ್ನು ಹಾಗೂ ಕೆಲವರು ಅವರಿಗೆ ನೀಡಿದ ಅವಹೇಳನಕಾರಿ ಲೇಬಲ್‌ಗಳನ್ನು ತಳ್ಳಿಹಾಕಿದರು.
ಸುಶ್ಮಿತಾ ಇತ್ತೀಚೆಗೆ ಆರ್ಯ ಸೀಸನ್ 3 ಭಾಗ 1 ರಲ್ಲಿ ತನ್ನ ಅತ್ಯುತ್ತಮ ಅಭಿನಯದ ಮೂಲಕ ವೀಕ್ಷಕರನ್ನು ಆಕರ್ಷಿಸಿದರು. ಮೊದಲ ಸೀಸನ್ ಇಂಟರ್ನ್ಯಾಷನಲ್ ಎಮ್ಮಿ ಅವಾರ್ಡ್ಸ್‌ನಲ್ಲಿ 'ಅತ್ಯುತ್ತಮ ನಾಟಕ' ಎಂದು ನಾಮನಿರ್ದೇಶನಗೊಂಡಿತು.