ಬಂಗಾಳಿ ಬ್ರಾಹ್ಮಣ ಕುಟುಂಬದ ಶ್ರೇಯಾ ಘೋಷಾಲ್ ಶ್ರೀಮಂತ ಗಾಯಕಿಯಾಗಿದ್ದು ಹೇಗೆ? ಆಸ್ತಿ ಎಷ್ಟು ಕೋಟಿ ಗೊತ್ತೆ!

ಸಿಂಗರ್ ಶ್ರೇಯಾ ಘೋಷಾಲ್ ತಮ್ಮ 41ನೇ ಹುಟ್ಟುಹಬ್ಬ ಆಚರಿಸಿಕೊಳ್ಳುತ್ತಿದ್ದಾರೆ. ಅವರು ಹೇಗೆ ಶ್ರೀಮಂತ ಗಾಯಕಿಯಾದರು? ಅವರ ಆಸ್ತಿ ಬಗ್ಗೆ ತಿಳಿಯೋಣ.

ಸಿಂಗರ್ ಶ್ರೇಯಾ ಘೋಷಾಲ್ ಮಾರ್ಚ್ 12, 1984ರಲ್ಲಿ ಪಶ್ಚಿಮ ಬಂಗಾಳದ ಬ್ರಹ್ಮಪುರದಲ್ಲಿ ಜನಿಸಿದರು. ಬಂಗಾಳಿ ಬ್ರಾಹ್ಮಣ ಕುಟುಂಬದ ಶ್ರೇಯಾ ರಾಜಸ್ಥಾನದ ಕೋಟಾ ಹತ್ತಿರದ ರಾವತ್‌ಭಟ್ಟದಲ್ಲಿ ಬೆಳೆದರು. ಶ್ರೇಯಾ ತಂದೆ ವಿಶ್ವಜಿತ್ ಘೋಷಾಲ್ ಎಲೆಕ್ಟ್ರಿಕಲ್ ಇಂಜಿನಿಯರ್, ನ್ಯೂಕ್ಲಿಯರ್ ಪವರ್ ಕಾರ್ಪೊರೇಷನ್ ಆಫ್ ಇಂಡಿಯಾದಲ್ಲಿ ಕೆಲಸ ಮಾಡ್ತಿದ್ದಾರೆ. ಶ್ರೇಯಾಗೆ 4 ವರ್ಷ ವಯಸ್ಸಿದ್ದಾಗ ಹಾಡಲು ಪ್ರಾರಂಭಿಸಿದರು. ಶ್ರೇಯಾ 6 ವರ್ಷ ವಯಸ್ಸಿದ್ದಾಗ ಸಂಗೀತದಲ್ಲಿ ತರಬೇತಿ ಪಡೆಯಲು ಪ್ರಾರಂಭಿಸಿದರು.

2000ನೇ ಇಸವಿಯಲ್ಲಿ ತನ್ನ 16ನೇ ವಯಸ್ಸಿನಲ್ಲಿ 'ಸರಿಗಮಪ' ಮ್ಯೂಸಿಕ್ ಶೋನಲ್ಲಿ ವಿಜೇತರಾದ ಶ್ರೇಯಾ ಘೋಷಾಲ್, 2002ರಲ್ಲಿ ಸಂಜಯ್ ಲೀಲಾ ಬನ್ಸಾಲಿ ಚಿತ್ರ 'ದೇವದಾಸ್' ಮೂಲಕ ಬಾಲಿವುಡ್‌ಗೆ ಎಂಟ್ರಿ ಕೊಟ್ಟರು. ಆ ನಂತರ ಅದೇ ವರ್ಷ ಕಾರ್ತಿಕ್ ರಾಜಾ ಸಂಗೀತದಲ್ಲಿ ತಮಿಳಿನಲ್ಲಿ ತಯಾರಾದ ಆಲ್ಬಮ್ ಚಿತ್ರಕ್ಕಾಗಿ 'ಚೆಲ್ಲಮೇ ಚೆಲ್ಲಂ' ಎಂಬ ಹಾಡನ್ನು ಹಾಡಿದರು. ಅವರು ಹಾಡಿದ ಮೊದಲ ಹಾಡಿನಿಂದಲೇ ಫೇಮಸ್ ಆದರು. ಆ ನಂತರ ಅವರಿಗೆ ಇಳಯರಾಜ, ಯುವನ್ ಶಂಕರ್ ರಾಜಾ, ಎ.ಆರ್.ರೆಹಮಾನ್, ಅನಿರುದ್ಧ್ ಅವರಂತಹ ಹಲವಾರು ಪ್ರಮುಖ ಸಂಗೀತ ನಿರ್ದೇಶಕರ ಸಂಗೀತದಲ್ಲಿ ಹಾಡುವ ಅವಕಾಶ ಸಿಕ್ಕಿತು.

ತಮಿಳಿನಲ್ಲಿ ಮಾತ್ರ 200ಕ್ಕೂ ಹೆಚ್ಚು ಹಾಡುಗಳನ್ನು ಶ್ರೇಯಾ ಘೋಷಾಲ್ ಹಾಡಿದ್ದಾರೆ. ಇದರಲ್ಲಿ ಬಹಳಷ್ಟು ಹಾಡುಗಳು ಹಿಟ್ ಆಗಿವೆ. ಅವರಿಗೆ ಒಟ್ಟು 5 ರಾಷ್ಟ್ರೀಯ ಪ್ರಶಸ್ತಿಗಳು ಬಂದಿವೆ. ಇದರಲ್ಲಿ ಹಿಂದಿಯಲ್ಲಿ ಅವರು ಹಾಡಿದ ಮೊದಲ ಚಿತ್ರ `ದೇವದಾಸ್` ಚಿತ್ರಕ್ಕೆ ತನ್ನ ಮೊದಲ ರಾಷ್ಟ್ರೀಯ ಪ್ರಶಸ್ತಿಯನ್ನು ಗೆದ್ದುಕೊಂಡರು ಶ್ರೇಯಾ ಘೋಷಾಲ್. ಆ ನಂತರ 2005ರಲ್ಲಿ `ಪಹೇಲಿ` ಚಿತ್ರಕ್ಕೆ, 2007ರಲ್ಲಿ `ಜಬ್ ವೇ ಮೆಟ್` ಚಿತ್ರಕ್ಕೆ ರಾಷ್ಟ್ರೀಯ ಪ್ರಶಸ್ತಿಯನ್ನು ಗೆದ್ದುಕೊಂಡ ಅವರಿಗೆ 2008ರಲ್ಲಿ `ಅಂಟಾಹೀನ್` ಎಂಬ ಬಂಗಾಳಿ ಚಿತ್ರಕ್ಕೆ, 2021ರಲ್ಲಿ `ಇರವಿನ್ ನಿಜಲ್` ಚಿತ್ರಕ್ಕೆ ರಾಷ್ಟ್ರೀಯ ಪ್ರಶಸ್ತಿ ಸಿಕ್ಕಿತು.

ಶ್ರೇಯಾ ಘೋಷಾಲ್ ಇಂದು ತಮ್ಮ 41ನೇ ಹುಟ್ಟುಹಬ್ಬವನ್ನು ಆಚರಿಸಿಕೊಳ್ಳುತ್ತಿದ್ದಾರೆ. ಅವರಿಗೆ ಸೋಶಿಯಲ್ ಮೀಡಿಯಾದಲ್ಲಿ ಶುಭಾಶಯಗಳು ಬರುತ್ತಿರುವ ಹಿನ್ನೆಲೆಯಲ್ಲಿ ಅವರ ಆಸ್ತಿ ವಿವರಗಳು ಕೂಡ ಹೊರಬಂದಿವೆ. ಇದರ ಪ್ರಕಾರ ಶ್ರೇಯಾ ಘೋಷಾಲ್ ಸುಮಾರು 185 ಕೋಟಿ ರೂಪಾಯಿ ಆಸ್ತಿ ಹೊಂದಿದ್ದಾರೆ. ಹೀಗೆ ಭಾರತದಲ್ಲೇ ಶ್ರೀಮಂತ ಸಿಂಗರ್ಸ್‌ಗಳಲ್ಲಿ ಒಬ್ಬರಾಗಿ ನಿಂತಿದ್ದಾರೆ. ಅವರು ಒಂದೊಂದು ಹಾಡಿಗೆ 25 ಲಕ್ಷ ರೂಪಾಯಿ ತೆಗೆದುಕೊಳ್ಳುತ್ತಾರೆ ಎಂಬ ಮಾಹಿತಿ ಇದೆ. ಇದರ ಜೊತೆಗೆ ಆಡ್ಸ್, ರಿಯಾಲಿಟಿ ಶೋಗಳಲ್ಲಿ ನ್ಯಾಯಾಧೀಶರಾಗಿ ಕೆಲಸ ಮಾಡುವುದರ ಮೂಲಕವೂ ಶ್ರೇಯಾ ಚೆನ್ನಾಗಿ ಸಂಪಾದನೆ ಮಾಡ್ತಿದ್ದಾರೆ.

ಶ್ರೇಯಾ ಘೋಷಾಲ್ ಕುಟುಂಬದ ವಿಷಯಕ್ಕೆ ಬಂದರೆ, ಅವರು 2015ರಲ್ಲಿ ತಮ್ಮ ಬಾಲ್ಯದ ಸ್ನೇಹಿತ ಶಿಲಾದಿತ್ಯ ಮುಖೋಪಾಧ್ಯಾಯ ಅವರನ್ನು ಮದುವೆಯಾದರು. ಶಿಲಾದಿತ್ಯ ಸ್ಮಾರ್ಟ್‌ಫೋನ್ ಅಪ್ಲಿಕೇಶನ್ ಟ್ರೂ ಕಾಲರ್‌ನ ಗ್ಲೋಬಲ್ ಹೆಡ್. 2021ರಲ್ಲಿ ಶ್ರೇಯಾ ಘೋಷಾಲ್, ಶಿಲಾದಿತ್ಯ ದಂಪತಿಗೆ ಒಂದು ಗಂಡು ಮಗು ಜನಿಸಿತು, ಅವನಿಗೆ ದೇವ್ಯಾನ್ ಎಂದು ಹೆಸರಿಟ್ಟಿದ್ದಾರೆ. ತೆಲುಗು, ತಮಿಳು, ಮಲಯಾಳಂ, ಕನ್ನಡ, ಹಿಂದಿ, ಮರಾಠಿ, ಬಂಗಾಳಿ ಹೀಗೆ ಸುಮಾರು ಎಲ್ಲಾ ಭಾಷೆಗಳಲ್ಲೂ ಹಾಡುಗಳನ್ನು ಹಾಡಿ ರಂಜಿಸುತ್ತಿರುವ ಶ್ರೇಯಾ ಘೋಷಲ್ ಸಾವಿರಾರು ಹಾಡುಗಳನ್ನು ಹಾಡಿ ರಂಜಿಸಿದ್ದಾರೆ. ಈಗಲೂ ರಂಜಿಸುತ್ತಿದ್ದಾರೆ. ಪ್ರಸ್ತುತ ಟಾಪ್ ಸಿಂಗರ್ಸ್‌ಗಳಲ್ಲಿ ಒಬ್ಬರಾಗಿ ಮಿಂಚುತ್ತಿದ್ದಾರೆ. ಗಮನಿಸಿ: ಇದು ಆಡಿಯೆನ್ಸ್ ಆಸಕ್ತಿ ಮೇರೆಗೆ ಸೋಶಿಯಲ್ ಮೀಡಿಯಾದಲ್ಲಿರುವ ಮಾಹಿತಿ ಆಧಾರದ ಮೇಲೆ ಕೊಟ್ಟಿರುವ ಸುದ್ದಿ ಮಾತ್ರ. ಇದೇ ನಿಜವೆಂದು ಹೇಳಲು ಸಾಧ್ಯವಿಲ್ಲ.