ಶಿವಣ್ಣನ 'ಓಂ' ಸಿನಿಮಾ ಮಾದರಿಯಲ್ಲಿ ತಮಿಳಿನಲ್ಲೂ 4 ಸಿನಿಮಾ ರಿ-ರಿಲೀಸ್; ತುಂಬಿ ತುಳುಕಿದ ಗಲ್ಲಾಪೆಟ್ಟಿಗೆ!

ಕನ್ನಡ ಚಿತ್ರರಂಗದಲ್ಲಿ ಅತಿಹೆಚ್ಚುಬಾರಿ ರಿ-ರಿಲೀಸ್ ಆಗಿರುವ ಉಪೇಂದ್ರ ನಿರ್ದೇಶನದ ಹಾಗೂ ಹ್ಯಾಟ್ರಿಕ್ ಹೀರೋ ಶಿವರಾಜ್ ಕುಮಾರ್ ನಟನೆಯ 'ಓಂ' ಸಿನಿಮಾ ಭಾರೀ ಪ್ರತಿಬಾರಿಯೂ ಸದ್ದು ಮಾಡಿದೆ. ಇದೇ ಮಾದರಿಯಲ್ಲಿ ತಮಿಳುನಲ್ಲಿ ಪ್ಲಾಫ್ ಆದ 4 ಸಿನಿಮಾಗಳನ್ನು ರಿ-ರಿಲೀಸ್ ಮಾಡಿದಾಗ ಗಲ್ಲಾಪೆಟ್ಟಿಗೆ ತುಂಬಿ ತುಳುಕಿವೆ. ಇಲ್ಲಿದೆ ನೋಡಿ ಆ ಸಿನಿಮಾಗಳು..,

ಕನ್ನಡ ಚಿತ್ರರಂಗದಲ್ಲಿ ಅತ್ಯಂತ ಹೆಚ್ಚುಬಾರಿ ರಿ-ರಿಲೀಸ್ ಆದ ಸಿನಿಮಾವೆಂದರೆ ಅದು ಓಂ ಸಿನಿಮಾ. ಎಷ್ಟೇ ಬಾರಿ ಸಿನಿಮಾ ಥಿಯೇಟರ್‌ನಲ್ಲಿ ಸಿನಿಮಾ ರಿಲೀಸ್ ಮಾಡಿದರೂ ಅದನ್ನು ನೋಡುವುದಕ್ಕೆ ಅಭಿಮಾನಿಗಳು ಎದ್ದುಬಿದ್ದು ಹೋಗುತ್ತಾರೆ. ಇದರಿಂದ ಓಂ ಸಿನಿಮಾ ಎವರ್‌ಗ್ರೀನ್ ಸಿನಿಮಾವಾಗಿದೆ. ಶಿವಣ್ಣನ ಓಂ ಸಿನಿಮಾ ರಿ-ರಿಲೀಸ್ ಮಾದರಿಯಲ್ಲಿ ತಮಿಳಿನಲ್ಲಿ ಮೊದಲ ರಿಲೀಸ್ ವೇಳೆ ಪ್ಲಾಫ್ ಆಗಿದ್ದ ಕೆಲವು ಸಿನಿಮಾಗಳನ್ನು ರಿ-ರಿಲೀಸ್ ಮಾಡಲಾಯಿತು. ಆಗ ಕೆಲವು ಸಿನಿಮಾಗಳ ರಿರಿಲೀಸ್‌ನಿಂದ ಗಲ್ಲಾಪೆಟ್ಟಿಗೆ ತುಂಬಿ ತುಳುಕಿದೆ.

ಕಳೆದ ಕೆಲವು ವರ್ಷಗಳಿಂದ ರಿ-ರಿಲೀಸ್ ಫಾರ್ಮುಲಾ ಎಲ್ಲ ಇಂಡಸ್ಟ್ರಿಯಲ್ಲಿ ಟ್ರೆಂಡ್ ಆಗಿದೆ. ಸ್ಟಾರ್ ನಟರ ಹುಟ್ಟುಹಬ್ಬಕ್ಕೆ ಮಾತ್ರ ಅವರ ಹಳೆಯ ಸಿನಿಮಾಗಳನ್ನು ರಿ-ರಿಲೀಸ್ ಮಾಡುತ್ತಿದ್ದ ಪರಿಸ್ಥಿತಿ ಬದಲಾಗಿ, ರಿಲೀಸ್ ಸಮಯದಲ್ಲಿ ಫ್ಲಾಪ್ ಆಗಿ, ನಂತರ ಸೋಶಿಯಲ್ ಮೀಡಿಯಾದಲ್ಲಿ ಪ್ರಶಂಸೆ ಪಡೆದ ಸಿನಿಮಾಗಳನ್ನು ಕೂಡ ರಿ-ರಿಲೀಸ್ ಮಾಡಲಾಗುತ್ತಿದೆ. ಹೀಗೆ ರಿ-ರಿಲೀಸ್ ಆದ ಸಿನಿಮಾಗಳು ಉತ್ತಮ ಗಳಿಕೆ ಕಂಡಿವೆ.

ಯುಗನಿಗೆ ಒಬ್ಬನು: 2010 ರಲ್ಲಿ ಬಿಡುಗಡೆಯಾದ ಈ ಐತಿಹಾಸಿಕ ಚಿತ್ರ ಆಗ ಜನರಿಗೆ ಅರ್ಥವಾಗದೆ ಫ್ಲಾಪ್ ಆಗಿತ್ತು. ನಂತರ ಸಿನಿಮಾದ ವಿಷಯಗಳು ಚರ್ಚೆಗೆ ಗ್ರಾಸವಾದವು. ರಿ-ರಿಲೀಸ್‌ನಲ್ಲಿ ಹಿಟ್ ಆಗುತ್ತೆ ಅಂತ ಸೋಶಿಯಲ್ ಮೀಡಿಯಾದಲ್ಲಿ ಸುದ್ದಿಯಾಗಿತ್ತು. 2020 ರ ಡಿಸೆಂಬರ್‌ನಲ್ಲಿ ರಿ-ರಿಲೀಸ್ ಆದ ಈ ಚಿತ್ರ 1.5 ಕೋಟಿಗೂ ಹೆಚ್ಚು ಗಳಿಸಿತು.

ಐಶ್ವರ್ಯ ರಜನಿಕಾಂತ್ ನಿರ್ದೇಶನದ, ಧನುಷ್ ನಟನೆಯ 3 ಸಿನಿಮಾ 2012 ರಲ್ಲಿ ಬಿಡುಗಡೆಯಾಗಿತ್ತು. 'ಕೊಲವೆರಿ' ಹಾಡಿನಿಂದಾಗಿ ಸಿನಿಮಾ ಮೇಲೆ ನಿರೀಕ್ಷೆ ಹೆಚ್ಚಿತ್ತು. ಆದರೆ ನಿರೀಕ್ಷೆ ಹುಸಿಯಾಗಿ ಬಾಕ್ಸ್ ಆಫೀಸ್‌ನಲ್ಲಿ ಸೋತಿತ್ತು. 13 ವರ್ಷಗಳ ನಂತರ ರಿ-ರಿಲೀಸ್ ಆದ ಈ ಚಿತ್ರ ತೆಲುಗಿನಲ್ಲಿ 2 ಕೋಟಿ, ತಮಿಳಿನಲ್ಲಿ 1.5 ಕೋಟಿ ಗಳಿಸಿತು.

ರಜನಿಕಾಂತ್ ಅವರ ಬಾಬಾ ಸಿನಿಮಾ 2002 ರಲ್ಲಿ ರಿಲೀಸ್ ಆಗಿ ಫ್ಲಾಪ್ ಆಗಿತ್ತು. ರಜನಿ ರಾಜಕೀಯ ಪ್ರವೇಶದ ಹಿನ್ನೆಲೆಯಲ್ಲಿ ಸಿನಿಮಾದಲ್ಲಿ ರಾಜಕೀಯ ಸಂಭಾಷಣೆಗಳು ಹೆಚ್ಚಿದ್ದವು. ಆದರೆ ಪ್ರೇಕ್ಷಕರಿಗೆ ನಿರಾಸೆಯಾಯಿತು. 2023 ರಲ್ಲಿ ಕ್ಲೈಮ್ಯಾಕ್ಸ್ ಬದಲಿಸಿ ರಿ-ರಿಲೀಸ್ ಮಾಡಿದಾಗ ಉತ್ತಮ ಪ್ರತಿಕ್ರಿಯೆ ವ್ಯಕ್ತವಾಯಿತು. ಮೊದಲ ದಿನವೇ 1.4 ಕೋಟಿ ಗಳಿಸಿತು.

ಕಮಲ್ ಹಾಸನ್ ನಟಿಸಿದ 'ಆಳವಂದಾನ್' ಚಿತ್ರ 2001 ರಲ್ಲಿ ಬಿಡುಗಡೆಯಾಗಿ ಕಥೆ ಅರ್ಥವಾಗದೆ ಫ್ಲಾಪ್ ಆಗಿತ್ತು. 22 ವರ್ಷಗಳ ನಂತರ 1000 ಥಿಯೇಟರ್‌ಗಳಲ್ಲಿ ರಿ-ರಿಲೀಸ್ ಮಾಡಲಾಯಿತು. ರಜನಿಯ ಮುತ್ತು ಚಿತ್ರಕ್ಕೆ ಪೈಪೋಟಿಯಾಗಿ ಬಿಡುಗಡೆಯಾದ ಈ ಚಿತ್ರ 1 ಕೋಟಿ ಗಳಿಸಿ ಗೆಲುವು ಸಾಧಿಸಿತು.