ಹೊಸ ಡಿಮ್ಯಾಂಡ್‌ ಮಾಡಿದ ನಟಿ ಸಮಂತಾ: ಟಾಲಿವುಡ್ ನಿರ್ಮಾಪಕರಿಗೆ ಶುರುವಾಯ್ತು ಭಯ?

ಸ್ಟಾರ್ ನಟಿಯರು ಹೀರೋಗಳಿಗಿಂತ ಹೆಚ್ಚಿನ ಸಂಭಾವನೆ ಕೇಳ್ತಿದ್ದಾರೆ. ಮಹಿಳಾ ಪ್ರಧಾನ ಸಿನಿಮಾಗಳಿಗೆ ಬೇಡಿಕೆ ಹೆಚ್ಚುತ್ತಿರುವುದರಿಂದ, ಸ್ಟಾರ್ ನಟಿಯರು ಕೂಡ ನಿರ್ಮಾಪಕರ ಬಳಿ ಹೆಚ್ಚಿನ ಸಂಭಾವನೆ ಕೇಳ್ತಿದ್ದಾರೆ. ಸಮಂತಾ ಕೂಡ ತೆಲುಗು ನಿರ್ಮಾಪಕರನ್ನ ಭಯಪಡಿಸುತ್ತಿದ್ದಾರಂತೆ.

ಸಮಂತಾ ಸಂಚಲನ ನಿರ್ಧಾರ ತೆಗೆದುಕೊಂಡಿದ್ದಾರಾ? ಹೀರೋಗಳಿಗೆ ಸಮಾನ ಸಂಭಾವನೆ ಕೊಡಬೇಕು ಅಂತ ಕಂಡೀಷನ್ ಹಾಕಿದ್ದಾರಾ? ಹೌದು ಅಂತ ಸಿನಿಮಾ ವಲಯದಲ್ಲಿ ಸುದ್ದಿ ಹರಿದಾಡುತ್ತಿದೆ. ಸಮಂತಾ ಯಾಕೆ ಈ ಕಠಿಣ ನಿರ್ಧಾರ ತೆಗೆದುಕೊಂಡರು? ನಿರ್ಮಾಪಕರು ಒಪ್ಪ್ಕೊಳ್ತಾರ?

ಟಾಲಿವುಡ್‌ನಲ್ಲಿ ಒಂದು ಹಾಟ್ ಟಾಪಿಕ್ ಚರ್ಚೆಯಲ್ಲಿದೆ. ಸಮಂತಾ ತೆಗೆದುಕೊಂಡ ಸಂಚಲನ ನಿರ್ಧಾರ ಚರ್ಚೆಯ ವಿಷಯವಾಗಿದೆ. ಇನ್ಮೇಲೆ ತೆಲುಗು ಸಿನಿಮಾಗಳಲ್ಲಿ ನಟಿಸಬೇಕಾದ್ರೆ, ಹೀರೋಗಳಿಗೆ ಸಮಾನ ಸಂಭಾವನೆ ಕೊಡಬೇಕಂತೆ.

ಇಲ್ಲ ಅಂದ್ರೆ, ಕಥೆ ಎಷ್ಟೇ ಚೆನ್ನಾಗಿದ್ರೂ, ಸಮಂತಾ ಡೇಟ್ಸ್ ಕೊಡೋದಿಲ್ಲವಂತೆ. ಈಗಾಗಲೇ ಕೆಲವು ನಿರ್ಮಾಪಕರ ಜೊತೆ ಮಾತುಕತೆಯಲ್ಲಿ ಈ ವಿಷಯ ಸ್ಪಷ್ಟಪಡಿಸಿದ್ದಾರಂತೆ. ಸಿನಿಮಾ ಗೆಲುವಿಗೆ ಹೀರೋ ಮಾತ್ರ ಕಾರಣ ಅಲ್ಲ, ನಟಿಯ ಪಾತ್ರ ಕೂಡ ಮುಖ್ಯ ಅಂತ ಸಮಂತಾ ಹೇಳ್ತಿದ್ದಾರಂತೆ.

ವೆಬ್ ಸೀರೀಸ್‌ಗಳ ಮೂಲಕ ತನ್ನ ವ್ಯಾಪ್ತಿಯನ್ನು ಹೆಚ್ಚಿಸಿಕೊಂಡಿರುವ ಸಮಂತಾ, ಈಗ ಸಿನಿಮಾಗಳಲ್ಲೂ ಅದೇ ಮಟ್ಟ ಕಾಯ್ದುಕೊಳ್ಳಲು ನಿರ್ಧರಿಸಿದ್ದಾರಂತೆ. ತನ್ನ ನಿರ್ಮಾಣ ಸಂಸ್ಥೆಯ ಸಿನಿಮಾಗಳಲ್ಲೂ ನಟ-ನಟಿಯರಿಗೆ ಸಮಾನ ಸಂಭಾವನೆ ನೀಡಲು ಈ ನಿರ್ಧಾರ ತೆಗೆದುಕೊಂಡಿದ್ದಾರಂತೆ.

ಸಮಂತಾ ನಿರ್ಧಾರಕ್ಕೆ ಟಾಲಿವುಡ್‌ನಲ್ಲಿ ಮಿಶ್ರ ಪ್ರತಿಕ್ರಿಯೆ ವ್ಯಕ್ತವಾಗಿದೆ. ಕೆಲ ನಿರ್ಮಾಪಕರು ಬೆಂಬಲ ಸೂಚಿಸಿದ್ರೆ, ಇನ್ನು ಕೆಲವರು ಯೋಚನೆಯಲ್ಲಿದ್ದಾರಂತೆ. ಆದ್ರೆ ಸಮಂತಾ ತನ್ನ ನಿಲುವಿನಿಂದ ಹಿಂದೆ ಸರಿಯೋದಿಲ್ಲ ಅಂತೆ. ಈ ಸುದ್ದಿ ವೈರಲ್ ಆಗ್ತಿದೆ.