ಈ ರಶ್ಮಿಕಾ ಮಂದಣ್ಣ ಪುಷ್ಪ 2 ಚಿತ್ರೀಕರಣ ಬಿಟ್ಟು ಹೋಗಿದ್ದೆಲ್ಲಿಗೆ?

ರಶ್ಮಿಕಾ ಮಂದಣ್ಣ (Rashmika Mandanna)  ಒಂದಲ್ಲ ಒಂದು ಕಾರಣಕ್ಕೆ ಸುದ್ದಿಯಲ್ಲಿರುತ್ತಾರೆ. ಈಗ ರಶ್ಮಿಕಾ ಮಂದಣ್ಣ ಪುಷ್ಪ 2 (Pushpa 2) ಚಿತ್ರೀಕರಣವನ್ನು ಮಧ್ಯದಲ್ಲಿಯೇ ಬಿಟ್ಟಿದ್ದಾರೆ ಎಂದು ಮಾಧ್ಯಮಗಳು ವರದಿ ಮಾಡಿವೆ. ಅಷ್ಷಕ್ಕೂ ಈ ಸುದ್ದಿ  ನಿಜನಾ?.  

ರಶ್ಮಿಕಾ ಮಂದಣ್ಣ ಪ್ರಸ್ತುತ ತಮ್ಮ ಇತ್ತೀಚಿನ ಬಾಲಿವುಡ್ ಚಿತ್ರವಾದ ಅನಿಮಲ್ ಯಶಸ್ಸಿನ ಖುಷಿಯಲ್ಲಿದ್ದಾರೆ. ಇದರಲ್ಲಿ ಅವರು ರಣಬೀರ್ ಕಪೂರ್ ಜೊತೆ ನಟಿಸಿದ್ದಾರೆ. ಸಂದೀಪ್ ರೆಡ್ಡಿ ವಂಗಾ ನಿರ್ದೇಶಿಸಿದ ಈ ಚಿತ್ರವು ಡಿಸೆಂಬರ್ 1 ರಂದು ಬಿಡುಗಡೆಯಾದಾಗಿನಿಂದ ಬಾಕ್ಸ ಆಫೀಸ್ ಕೊಳ್ಳೆ ಹೊಡೆಯುತ್ತಿದೆ.

ದಕ್ಷಿಣ ಇಂಡಸ್ಟ್ರಿಯಲ್ಲಿ ತನ್ನ ಛಾಫು ಮೂಡಿಸಿದ ನಂತರ, ರಶ್ಮಿಕಾ ಅವರು ಪುಷ್ಪಾ (2021) ಚಿತ್ರದಲ್ಲಿನ ಅಭಿನಯದೊಂದಿಗೆ ಪ್ರಪಂಚದಾದ್ಯಂತ ಪ್ರೀತಿ ಹಾಗೂ ಮೆಚ್ಚುಗೆ ಪಡೆದರು. 

ಪುಷ್ಪಾ 2 ಚಿತ್ರೀಕರಣದಲ್ಲಿ ನಿರತರಾಗಿರುವ ನಟಿ  ಚಿತ್ರೀಕರಣವನ್ನು ಮಧ್ಯದಲ್ಲಿಯೇ ಬಿಟ್ಟಿದ್ದಾರೆ ಎಂದು ಇತ್ತೀಚಿನ ಮಾಧ್ಯಮ ವರದಿಗಳು ಹೇಳಿವೆ.2ನೇ ಭಾಗದ ಚಿತ್ರೀಕರಣವನ್ನು ಮಧ್ಯದಲ್ಲೇ ನಿಲ್ಲಿಸಿದ್ದಾರೆ ಎಂದು ವರದಿಯಾಗಿದೆ. ಆದರೆ ಅದರ ಹಿಂದಿನ ಕಾರಣ ತುಂಬಾ ಆಸಕ್ತಿದಾಯಕವಾಗಿದೆ.

ಚಿತ್ರದ ಸೆಟ್‌ಗಳಿಂದ ಆಕೆಯ ಹಠಾತ್ ವಿರಾಮದ ವರದಿಗಳು ಸಾಮಾಜಿಕ ಮಾಧ್ಯಮದಲ್ಲಿ ಹೊರಹೊಮ್ಮಿದ ನಂತರ, ಇದಕ್ಕೆ ಕಾರಣ ಸುದ್ದಿ ಪೋರ್ಟಲ್.  ಅನಿಮಲ್‌ನ ಯಶಸ್ಸಿನ ಪಾರ್ಟಿ ಎಂದು ಹೇಳಲಾಗುತ್ತಿದೆ.

ನಿನ್ನೆ ಸಂಜೆ, ಅನಿಮಲ್ ತಯಾರಕರು ಪ್ರಮುಖ ಪಾತ್ರವರ್ಗ, ಸಿಬ್ಬಂದಿ ಮತ್ತು ಅವರ ಕುಟುಂಬ ಸದಸ್ಯರಿಗೆ ಭವ್ಯವಾದ ಪಾರ್ಟಿ ಆಯೋಜಿಸಿದ್ದರು . ಇದರಲ್ಲಿ  ರಣಬೀರ್ ಕಪೂರ್, ಆಲಿಯಾ ಭಟ್, ನೀತು ಕಪೂರ್ ಮತ್ತು ಮಹೇಶ್ ಭಟ್, ಬಾಬಿ ಡಿಯೋಲ್, ಸಿದ್ಧಾಂತ್ ಕಾರ್ಣಿಕ್ ಮತ್ತು ಇತರರು  ಕಾಣಿಸಿಕೊಂಡರು.

ವರದಿಯ ಪ್ರಕಾರ, ರಶ್ಮಿಕಾ ಮಂದಣ್ಣ ಅವರು ಅನಿಮಲ್ ಸಕ್ಸಸ್ ಬ್ಯಾಷ್‌ನ ಭಾಗವಾಗಲು ಅನುಮತಿಗಾಗಿ ಪುಷ್ಟ ಸಿನಿಮಾ ತಯಾರಕರಲ್ಲಿ ವಿನಂತಿಸಿದ್ದಾರೆ. ಆಕೆಯ ಕೋರಿಕೆಯನ್ನು ಅಂಗೀಕರಿಸಿ ಕಾರ್ಯಕ್ರಮಕ್ಕೆ ಹಾಜರಾಗಲು ಸ್ವಲ್ಪ ವಿರಾಮವನ್ನು ನೀಡಲಾಯಿತು. 

ಆನಿಮಲ್‌ ಯಶಸ್ಸಿನ ಪಾರ್ಟಿಯಲ್ಲಿ ಭಾಗವಹಿಸಿದ ರಶ್ಮಿಕಾ ತಡ ರಾತ್ರಿಯಲ್ಲಿ ಹೈದರಬಾದ್‌ ವಿಮಾನ ಏರಿದ್ದರು ಮತ್ತು ಇಂದು ಪುಷ್ಪ 2 ಶೂಟಿಂಗ್‌ಗೆ ಹಾಜರಾದಗಿದ್ದಾರೆ ಎಂದು ವರದಿಯಾಗಿದೆ. 

ಮತ್ತೊಂದೆಡೆ, ಪುಷ್ಪ 2: ರೂಲ್ ಮುಂದಿನ ವರ್ಷ ಸ್ವಾತಂತ್ರ್ಯ ದಿನದಂದು ದೊಡ್ಡ ಪರದೆಯ ಮೇಲೆ ಬರುವ ನಿರೀಕ್ಷೆಯಿದೆ. ಇದರಲ್ಲಿ ಅಲ್ಲು ಅರ್ಜುನ್, ಫಹದ್ ಫಾಸಿಲ್, ಜಗಪತಿ ಬಾಬು, ಪ್ರಕಾಶ್ ರಾಜ್, ಸುನೀಲ್ ಮತ್ತು ಇತರರು ಪ್ರಮುಖ ಪಾತ್ರಗಳಲ್ಲಿ ನಟಿಸಿದ್ದಾರೆ.