ಕನ್ನಡದ ಕನ್ಮಣಿ ಪುನೀತ್ ರಾಜ್ ಕುಮಾರ್ ಅವರೊಂದಿಗೆ ಬಿಂದಾಸ್ ಸಿನಿಮಾದಲ್ಲಿ ನಟಿಸಿದ ದಕ್ಷಿಣ ಭಾರತದ ಸ್ಟಾರ್ ನಟಿ ಹನ್ಸಿಕಾ ಮದುವೆಯಾಗಿ ಎರಡೇ ವರ್ಷಕ್ಕೆ ಗುಡ್ ನ್ಯೂಸ್ ಕೊಟ್ಟಿದ್ದಾರೆ. ಹನ್ಸಿಕಾ ಗಂಡ ಸೋಹೈಲ್ ಖತೂರಿಯಾ ಜೊತೆ ನಮ್ಮ ಧೀರ್ಘ ಕಾಲದ ಕನಸು ನನಸಾಗಿದೆ ಎಂದು ಮನೆ ಕಟ್ಟಿ ಗೃಹಪ್ರವೇಶ ಮಾಡುತ್ತಿರುವ ಖುಷಿ ಸುದ್ದಿ ಹಂಚಿಕೊಂಡಿದ್ದಾರೆ.
ಬಾಲನಟಿಯಾಗಿ ಸಿನಿಮಾರಂಗಕ್ಕೆ ಬಂದು.. ಅಲ್ಲು ಅರ್ಜುನ್ ಜೋಡಿಯಾಗಿ ದೇಶಮುದುರು ಸಿನಿಮಾದ ಮೂಲಕ ನಾಯಕಿಯಾಗಿ ಪರಿಚಯವಾದವರು ಹನ್ಸಿಕಾ. ಓದುತ್ತಿರುವಾಗಲೇ ಸಿನಿಮಾಗಳಿಗೆ ಬಂದ ಹನ್ಸಿಕಾಗೆ ಕಡಿಮೆ ಸಮಯದಲ್ಲೇ ಹೆಸರು ಬಂತು. ಹೀಗಾಗಿ ಸತತವಾಗಿ ತೆಲುಗು ತಮಿಳು ಭಾಷೆಗಳಲ್ಲಿ ಸ್ಟಾರ್ ನಟರ ಜೊತೆ ನಟಿಸಿ ಮೆಚ್ಚುಗೆ ಗಳಿಸಿದರು. ಇನ್ನು ಕನ್ನಡದಲ್ಲಿ ಸ್ಟಾರ್ ನಟ ಪುನೀತ್ ರಾಜ್ ಕುಮಾರ್ ಅವರೊಂದಿಗೆ ಬಿಂದಾಸ್ ಸಿನಿಮಾದಲ್ಲಿ ನಟಿಸಿ ಕನ್ನಡಿಗರಿಗೂ ಚಿರಪರಿಚಿತ ಆಗಿದ್ದಾರೆ.
ಟಾಲಿವುಡ್ ಜನರು ಹನ್ಸಿಕಾರನ್ನು ಹೆಚ್ಚಾಗಿ ಸ್ವೀಕರಿಸಲಿಲ್ಲ, ಆದರೆ, ತಮಿಳಿನಲ್ಲಿ ಮಾತ್ರ ಅವರಿಗೆ ಸ್ಟಾರ್ ನಾಯಕಿ ಸ್ಥಾನಮಾನ ಸಿಕ್ಕಿತು. ನಂತರ, ತೂಕ ಹೆಚ್ಚಾದ ಕಾರಣ ಹನ್ಸಿಕಾಗೆ ಸಿನಿಮಾ ಅವಕಾಶಗಳು ಕಡಿಮೆಯಾದವು. ಈ ಮಧ್ಯೆ ನಟ ಸಿಂಬು ಜೊತೆ ಪ್ರೇಮ ಸಂಬಂಧ ಹೊಂದಿದ್ದರು. ಅವರಿಬ್ಬರು ಸಿನಿಮಾದಲ್ಲಿ ಜೋಡಿಯಾಗಿ ನಟಿಸಿದಾಗ ಪ್ರೀತಿಸತೊಡಗಿದರು. ಆದರೆ, ಕೆಲವು ವರ್ಷಗಳ ನಂತರ ಅವರು ಬೇರೆಯಾದರು.
ಇದನ್ನೂ ಓದಿ: ನಟಿ ಯಶಸ್ವಿನಿ ಮತ್ತು ಗಗನ ಇಬ್ಬರೂ ಸಿಗಲಿಲ್ಲ: ಸಿಂಗಲ್ ಆಗಿರಲು ನಿರ್ಧಾರ ಮಾಡಿದ ಗಿಲ್ಲಿ ನಟ!
ತನ್ನ ಸಿನಿಮಾ ಜರ್ನಿಗೆ ತನ್ನ ತೂಕವೇ ಮುಳುವಾಗಬಾರದೆಂದು, ತೂಕ ಇಳಿಸಿಕೊಂಡು ಮತ್ತೆ ಸಿನಿಮಾರಂಗಕ್ಕೆ ಮರಳಿದರು. ಆದರೆ, ಹನ್ಸಿಕಾರ ಎರಡನೇ ಇನ್ನಿಂಗ್ಸ್‌ನಲ್ಲಿ ಹೆಚ್ಚಿನ ಸಿನಿಮಾ ಅವಕಾಶಗಳು ಸಿಗಲಿಲ್ಲ. ಹೀಗಾಗಿ 2022 ರಲ್ಲಿ ತಮ್ಮ ಪ್ರಿಯಕರ ಸೋಹೈಲ್ ಖತೂರಿಯಾರನ್ನು ಮದುವೆಯಾದರು.
ಸೋಹೈಲ್‌ಗೆ ಇದು ಎರಡನೇ ಮದುವೆ. ಆದರೂ, ಹನ್ಸಿಕಾ ತನ್ನ ಗೆಳತಿಯ ಗಂಡನನ್ನೇ ಇದೀಗ ಪ್ರೀತಿಸಿ ಮದುವೆ ಮಾಡಿಕೊಂಡಿದ್ದಾರೆ. ಸೋಹೈಲ್ ಮೊದಲ ಪತ್ನಿಗೆ ವಿಚ್ಛೇದನ ನೀಡಿದ ನಂತರ ಹನ್ಸಿಕಾಳನ್ನು ಪ್ರೀತಿಸಿ, ಕುಟುಂಬದವರ ಒಪ್ಪಿಗೆಯೊಂದಿಗೆ ಮದುವೆಯಾದರು. ಅವರ ಮದುವೆ ಜೈಪುರದಲ್ಲಿ ನಡೆಯಿತು.
ಇನ್ನು ನಟಿ ಮದುವೆಯಾದರೂ ಹನ್ಸಿಕಾ ಸಿನಿಮಾಗಳಲ್ಲಿ ನಟಿಸುತ್ತಿದ್ದಾರೆ. ಸ್ಟಾರ್ ನಟರ ಜೊತೆ ನಟಿಸುವ ಅವಕಾಶಗಳು ಇಲ್ಲದಿದ್ದರೂ, ಬಂದ ಅವಕಾಶಗಳನ್ನು ಸದುಪಯೋಗಪಡಿಸಿಕೊಳ್ಳುತ್ತಿದ್ದಾರೆ. ಇದೀಗ ಕುಟುಂಬ, ದುಡಿಮೆ ಮತ್ತು ಸಿನಿಮಾ ಎಲ್ಲವನ್ನೂ ಸರಿದೂಗಿಸಿಕೊಂಡು ಹೋಗುತ್ತಿದ್ದಾರೆ.
ಮದುವೆಯಾಗಿ ಎರಡು ವರ್ಷಗಳಾಗುತ್ತಿರುವಾಗ ಹನ್ಸಿಕಾ, ಈಗ ಒಂದು ಖುಷಿ ಸುದ್ದಿ ಹಂಚಿಕೊಂಡಿದ್ದಾರೆ. ತಮ್ಮ ಗಂಡ ಸೋಹೈಲ್ ಖತೂರಿಯಾ ಜೊತೆ ಸುಂದರ ಬಂಗಲೆ ಕಟ್ಟಿಸಿ, ಗೃಹಪ್ರವೇಶ ಮಾಡಿದ್ದಾರೆ. ಆ ಫೋಟೋಗಳನ್ನು ಇನ್‌ಸ್ಟಾದಲ್ಲಿ ಪೋಸ್ಟ್ ಮಾಡಿದ್ದಾರೆ. ಹೊಸ ಆರಂಭ ಎಂದು ಹನ್ಸಿಕಾ ಪೋಸ್ಟ್ ಮಾಡಿದ ಫೋಟೋಗಳಿಗೆ ಲೈಕ್‌ಗಳು, ಶುಭಾಶಯಗಳು ಹರಿದುಬರುತ್ತಿವೆ. ಹನ್ಸಿಕಾ ಗೃಹಪ್ರವೇಶದಲ್ಲಿ ಅವರ ಕುಟುಂಬ ಸದಸ್ಯರು ಮಾತ್ರ ಭಾಗವಹಿಸಿದ್ದರು.